Isaya 24:1 - The Holy Bible In Alur (Lur) Revised Orthography

¹ Nen, Yehova dwoko ng’om muneru, man edwoke ni uvuru, man eloko wie piny, e elalu ju m’ubedo i ie mba mba.

Isaya 24:1 ပူးပေါင်းရင်းမြစ်များ

2 Ubimo 21:13

E abirieyo uno mi Samaria wi Yerusalem, man lelo m’i ot pa Ahab; man abiyweyo Yerusalem calu ng’atu m’uyweyo sani, m’uyweyo ie man eloko there malu.

Nehemia 1:8

Poi, akwei, pi lembe m’ing’olo ni jatic peri Musa, m’iwacu kumae, Tek wukier, abilaluwu mba mba i kind kodhidhanu:

Zaburi 146:9

Yehova gwoko umondo; Ejengo kic ku dhaku ma cware tho; Ento egondo yo pa jadubo.

Isaya 13:13

Ka kumeno abiyengo polo, e ng’om biyengre kud i kakare, i kwinyo pa Yehova mir udul, man i ceng’ mi ng’ecwiny pare ma lake tek.

Isaya 13:5

Giai kud i ng’om ma bor, kud i ng’et polo ma wi tung’, en e Yehova, man jambali mi kwinyo pare, kara enyoth ng’om ngung’.

Isaya 2:19

Man dhanu bicidho i odcana, man i odng’om, kud i wang’ ndiri pa Yehova, man ni der mi dwong’ pare, kinde m’eai kara eyeng ng’om gbe gbe.

Isaya 24:19

Ng’om utur pet, ng’om ukak dra, ng’om uyengre gbe gbe.

Isaya 24:20

Ng’om bimiel calu ng’atu m’umer ku kong’o, man ebiyengre calu voi; man gondrine bibedo pek i wie, e ebipodho, man ebiai kendo ngo.

Isaya 27:10

Kum adhura ma tek ubedo kende, kabedo ma juweko ma jukuno de, calu langa: nyathi dhiang’ bicamu keca, man ebivuto piny keca, e ebicamu jange.

Isaya 29:16

Wuloko wi piny piny mire! Jubifoyo ulobo calu jacwiagulu; ma nia gin ma jucwio uwac ni ng’atu m’utime kumae, Icwia ngo; kadi gin ma jung’ino uwac ni ng’atu m’ung’ine kumae, Ng’eyong’ec pare mbe?

Isaya 29:2

abilund sendo Ariel, e ywak ku goyonduru bibedo nuti; e ebibedo ira calu Ariel.

Isaya 30:32

Man ku ba goc ceke mir uluth ma jung’olo, ma Yehova biketho i kume, bibedo karacelo ku badwal mir umbukulumbu kud adungu; man i lwiny karacelo ku wir mi bote ebikiedo kugi.

Isaya 32:12

Gibigoyo korgi kum pothi ma ber, pir ulok ma cek hai.

Isaya 33:9

Ng’om uywak man evoc; lewic umaku Lebanon man ener woko; Caron calu ng’omngele; man Bacan ku Karmel giteng’o ithgi.

Isaya 34:10

Jubinege ngo ku diewor kadi ku dieceng’; yirone biwinjre malu mi nja; ugambre kum dhanum’utuk cil kum dhanum’utuk ebibedo ni uvuru; ng’atu moko mbe ma bikadhu kud i ie rondo ku rondo.

Isaya 34:2

Kum ng’ecwiny unego Yehova kum thek ceke, man kwinyo kum udul migi ceke: enyothogi kot, emiogi mi nek.

Isaya 42:15

Abinyotho gudi kud ungulu gudi, man abitalu uboko migi ceke; man abidwoko kulo ni cula, man abidwono kut.

Isaya 5:6

e abidwoke ni uvuru; jubilwere ngo kadi afura de ngo; ento ucok kud ukudho bitwi: abing’olo ni afuru bende kara ku gikonj koth moko i wie.

Yeremia 4:7

Umvor uai malu kud i susu m’i luli pare, man janyoth mi thek; eni i yo pare, eai kud i kakare kara edwok ng’om pari ni uvuru kara judwok adhura peri ni uvuru, ma dhanu mbe i ie.

Yeremia 40:15

Yohanan ma wod Kareya lund uyero ni Gedalia i Mizpa mung’ mung’, ewacu kumae, Akwei, wek acidh aneg Icmael ma w’od Nethania, e ng’atu moko mbe ma bing’eyo maeni: pirang’o enegi, ketho Juyahudi ceke m’ucokri i kumi gilal, man dong Yuda rwinyi?

Yeremia 50:17

Israel en e rombo ma julalu; umvor urieme cen: ma kwong’ane, ubimo mir Ascur ucame; man kawono ma cen Nebukadrezar m’ubimo mi Babeli turo cogone.

Yeremia 51:34

Nebukadrezar m’ubimo mi Babeli cama, man enyona, edwoka ni agulu ma ie nanu, emwonya calu nyang’, epong’o ie ku gin ma mit para; ebaya woko.

Yeremia 9:16

Abikethogi kind thek bende, ma kadok gin kadi kwarugi de ng’eyo ngo; man abioro palamularu i tokgi, maram adaru kogi.

Ezekiel 12:20

Man adhura ma jubedo i ie jubidwoko ni uvuru, man ng’om bidoko ni nyoth; e wubing’eyo nia an a Yehova.

Ezekiel 24:11

Ilund ikethe ma ie nanu wi cukmaje, kara ebed lieth, man molane wang’, kara cilone lenyi ie de, kara munyaline wang’.

Ezekiel 35:14

Rwoth Yehova wacu kumae: Kinde ma anyong’a nego ng’om dho, abidwoki ni uvuru.

Ezekiel 5:14

Mange ke abidwoki ni uvuru man ni cac kind thek m’utieki gbur, i wang’ dhanu ceke m’ukadhu akadha.

Ezekiel 5:2

Ng’ete mir adege ibiwang’u i mac i dier adhura, kinde ma ceng’ mir atiek uthum; man igam ng’ete mir adege, igoi kume ku palamularu gbur; man ng’ete mir adege ibilalu ba yamu, e abiwodho palamularu i toke.

Ezekiel 6:14

Man abirieyo cinga i wigi, man abidwoko ng’om ni uvuru man ni susu, ugambre i langa yo ba Dibla, cil i kabedo migi ceke; e gibing’eyo nia an a Yehova.

Ezekiel 6:6

I kabedo mu ceke jubidwoko adhura ni susu, man ka ma malu bidoko ni uvuru; kara judwok pemblam mu ni susu man ni uvuru, man kara jutur mungu m’araga mu man gijiki, man kara jung’ol ayi gin m’acwia mu mi ceng’ piny, man kara tic mu kabre woko.

Ezekiel 7:12

Nindo bino, ceng’ ucoro ceng’ni: anyong’a kud uneg jang’ieu piny, kadi jalok piny de kud uywaki; kum kwinyo ni wi udulne ceke.

Ezekiel 7:14

Gikudho agwara, man giyiko ceke; ento moko mbe m’ucidho ba lwiny; kum kwinyo para ni wi udulne ceke.

Nahum 1:5

Gudi yengre i wang’e, man ungulu gudi loi; man ng’om tingre malu i wang’e, eyo, ng’om ngung’, ku gin ceke m’ubedo i ie.

Nahum 2:10

Ie nanu, man uvuru, man nyoth; e adunde ng’oi ndiri, man cong utongre, can de ni i pier ceke, man wang’gi ceke miel.

Luka 21:24

Man gibipodho ku lak palamularu, jubipeyogi de ni ayeki i thek ceke: Yerusalem de Thekdhanumange binyone, maram nindo mi Thekdhanumange bitimbre ko kakare.

Tic Mi Jukwenda 17:6

E ka ginwang’ugi ngo, gidong’ giywayu Yason kud umego moko i wang’ jubim mir adhura, gikok kumae, Joni ma ginyotho ng’om gibino keni bende,

Poi Mi Cik 28:64

E Yehova bikethi i kind kodhidhanu ceke, ugambre i kajik mi ng’om acel cil kum kajik mi ng’om mucelo; e ibitimo ni mungu mange kuca, ma fodi k’ing’eyo ngo, in kadi kwaru, en e mi yen man kidi.

Poi Mi Cik 32:26

Awacu nia abikethogi ngbir, Nia abiketho poi ma pigi ujik i kind dhanu;

Poi Mi Cik 4:27

E Yehova bikethowu i kind kodhidhanu, man wel mu bidong’ nok i kind thek, ka ma Yehova biterowu i ie cen.

Yakobo 1:1

Yakobo, ma jamiru pa Mungu man pa Rwoth Yesu Kristu, ni dhanu apar wi ario mi Jumulal mba, moth iwu.