Isaya 22:12 - The Holy Bible In Alur (Lur) Revised Orthography

¹² Man i ceng’ maeca Rwoth, Yehova mir udul, ulwong’o ywak ubed nuti, ku goyonduru, ku wie m’uwang’, man twic ma ku gonia:

Isaya 22:12 ပူးပေါင်းရင်းမြစ်များ

2 Lemkei 35:25

Man Yeremia ywagu Yosia: man weg wer ma co ku weg wer ma nyir giyero pi Yosia i lemywak migi cil i ceng’ ma tin; man gitimogi ni lembapoka i Israel: man, nen, gigore i lemywakne.

Ezra 9:3

E kan awinjo gin maeni, ayeco kendi para ku kanzu para, man adoyo yukwia ku tika, e abedo piny ma cwinya ng’abre.

Nehemia 9:9

Man ineno masendi pa kwaruwa i Misiri, e iwinjo ywak migi dhu Nam Makwar,

Kitabu Pa Yob 1:20

Yob ulund uai, e eyeco kanzu pare, man egwaru wie, e epodho piny i ng’om, man erwo;

Eklizia 3:11

Etimo gin ceke ber i nindo pare: eketho ng’om i adundegi bende, ebedo kumeno kara dhanu kud ucop nwang’u tic ma Mungu timo ugambre i thangambere cil i kajikne.

Eklizia 3:4

nindo mi ywak, man nindo mi ng’iero; nindo mi nduru, man nindo mi miel;

Isaya 15:2

Giidho malu i Bayith, man i Dibon, ba ka ma malu, niywak: Moab ugoyo nduru kum Nebo, man kum Medeba; wie m’uwang’ ni i wigi ceke, junyaru tik kubang’e kubang’e ceke.

Isaya 26:10

Wek junyuth bero ni jadubo, ento ebiponjo ng’eyo bedopwe ngo; ebitimo kier i ng’om m’atira, man ebineno dwong’ pa Yehova ngo.

Isaya 29:1

Can i wii, Ariel, Ariel, adhura ma Daudi gonjo i ie mire ma! wumed rundi kum rundi; wuwek agba wok kakare:

Isaya 3:24

Man ebitimbre, nia top bibedo ka yath ma jwa jwa ma ber; man uno, ka ruko mi pier; man wie m’uwang’, ka yukwic ma cu; man giratwia mi go nia, ka kanzu; man poyo, ka leng’kum.

Isaya 32:11

Kumwu miel, wu mon ma wubedo yo; dong’ cwinywu ng’abre, wu ju ma wuparu gin moko ngo; wuwany kendi mu, man wudwokru muneru, wutwi gonia de i pierwu.

Isaya 37:1

Man etimbre, kinde m’ubimo ma Hezekia winjo maeni, nia eyeco kendi pare, man eumbre ku gonia, e emondo i ot pa Yehova.

Isaya 37:2

Man eoro Eliakim, ma ni wi juudi, man Cebna ma jagorcik, ku judongo mi julam, ma gibedo auma ku gonia, bang’ Isaya ma jabila ma wod Amoz.

Isaya 58:3

Nedi wakwiro cam man ineno ngo? giwacu; nedi wasendo ng’eyong’ec mwa, man iparu pire ngo? Nen, i ceng’ mi kwirocam mu wunwang’u anyong’a mu ma dhe, man wusendo jutic mu ceke.

Yeremia 16:6

Ju ma dongo ku ju ma thindho bitho i ng’om maeni; jubiyikogi ngo, kadok dhanu de biywagugi ngo, kadi gibithumbri gigi de ngo pigi, kadi gibigwaru wigi de ngo pigi;

Yeremia 16:8

Kud imond i ot mir agba ya wubed karacelo kugi, nicamu man nimadhu.

Yeremia 4:8

Kum maeni wutwiru ku goniu, wuywak man wugoi nduru; kum ng’ecwiny ma lake tek pa Yehova lokre cen ungo kud i kurawa.

Yeremia 7:29

Nyar yukwii, E Yerusalem, man ibaye cen, man iting’ ywak wi ka m’utingre ma lelele; kum Yehova kwero man ekuno dhanum’utuk mi kwinyo pare.

Ezekiel 27:31

man gibiwang’u wigi gigi piri, man gibitwiri gigi ku gonia, man gibiywak piri i kec mi ng’eyong’ec ku kec mi ywak.

Daniel 5:1

Belcazar m’ubimo timo agba ma dit ni judongo pare rubanga, man emadhu pigulok i wang’ rubangane.

Hoseya 9:1

Anyong’a kud unegi, E Israel, ni mutoro, calu kodhidhanu; kum itimo tarwang’, m’iweko ko Mungu peri; imaru sukulia wi lelacam kubang’e kubang’e.

Yoel 1:13

Wutwi usuba i pierwu, man wuywaki, wu julam; wugoi nduru, wu jutim mi pemblam; wubin, wuvut diewor soro i usuba, wu jutic pa Mungu para: kum girathiera mi mogo ku girathiera m’amadha jucero ni ot pa Mungu mu.

Yoel 1:8

Wuywak calu nyaku m’ukendo usuba eywagu ko cware mir ayada pare.

Yoel 2:12

Ento cil kawono, Yehova wacu, wulokru i bang’a kud adundewu ceke, man ku wekocam, man ku ywak, ku goyonduru de:

Yoel 2:17

Wek julam, ma jutim tim pa Yehova, giywak kind pondot ku pemblam, man wek giwac kumae, Wek dhanu peri, E Yehova, man kud imi camupacu peri ni cac, kara thek ubim wigi: nedi giwac i kind kodhidhanu kumae, Mungu migi ni kani?

Amos 8:10

E abiloko agba mu ni ywak, man wer mu ceke ni goyonduru; man abikelo gonia wi pier ceke, man lunywic i wie kubang’e kubang’e; man abikethe calu ywak mi wodo ma kulong’, man kajikne calu ceng’ ma kec.

Yona 3:6

E rwonglembene wok bang’ ubimo mi Nineve, man eai kud i komker pare, eketho kendi pare mi ker cen, man eumbre kud usuba, ebedo de i vura.

Mika 1:16

Luny wii, man thum yukwii woko ni nyithindho mir anyong’a peri: kok dhu wii m’uwang’ calu acur; kum gicidho i ng’eca kud i beng’i.

Yakobo 5:1

Aeno dong’ kawono, wu julonyo, wuywaki wugoi nduru de kum masendi mu ma biwok i kumwu.