Isaya 22:11 - The Holy Bible In Alur (Lur) Revised Orthography

¹¹ man wutimo nam bende i kind gang’kidi ario mi pi mi kut ma con. Ento wuneno ba ng’atu m’utimo maeni ngo, kadi pi ng’atu m’ukece con de wuparu ngo.

Isaya 22:11 ပူးပေါင်းရင်းမြစ်များ

Mika 7:7

Ento an, abineno ba Yehova; abikuro Mungu mi both para: Mungu para biwinja.

Isaya 31:1

Can wi ju m’uloro piny i Misiri pi kony, man m’ugeno riuni, m’ugeno magali de kum gi dupa, ku weg riuni kum gi tek hai, ento gineno ba Ng’atu Maleng’ mir Israel ungo, kadok Yehova de giyenyo ngo!

Isaya 17:7

I ceng’ maeca dhanu bineno ba Jacwic migi, wang’gi de bineno ba Ng’atu Maleng’ mir Israel.

2 Ubimo 25:4

Gilund gimoro adhurane, man dhanu mir ali ceke giringo ku diewor ku yo dhugang’ i kind gang’kidi ario, ma ni i ng’et podho p’ubimo (nwang’u Jukaldayo gibedo kum adhurane gbur); man ubimo cidho yo ba Araba.

Yeremia 39:4

Man etimbre nia, kinde ma Zedekia m’ubimo mi Yuda ku dhanu mir ali ceke ginenogi, gilund giringo, e giwok woko kud i adhura ku diewor, ku yo mi podho p’ubimo, kud i dhugang’ ma kind gang’kidi ario; e ewok woko yo bang’ Araba.

Isaya 37:26

Iwinjo ngo maram atime ko con, man acwie ugambre i nindo ma coni kawono aketho etimbre kakare, kara ebed peri ya inyoth adhura ma tek udok ni udhuru.

Isaya 8:17

E abikuro Yehova, m’upanu wang’e ni ot pa Yakobo, e abikie.

Nehemia 3:16

Yo ng’eye ke Nehemia ma wod Azbuk, ma jabim mi ng’et bim mi Beth-zur, eyiko ayika, cil kum ka ma yo kum odliel pa Daudi, man kum kut ma jutimo, man kum ot mi dhanu ma jutego.

2 Lemkei 6:6

ento agoyo wi Yerusalem, kara nyinga bed keca, man agoyo wi Daudi ubed wi dhanu para Israel.

2 Ubimo 20:20

Nie dong’ tic pa Hezekia, ku tego pare ceke, man maram etimo ko kut, ku soro mi pi, man maram ekelo ko pi i adhura, gigore i kitabu mi lemkei p’ubimo mi Yuda ngo?

Isaya 22:10

e wukwanu wel mi udi mi Yerusalem, man wurwombo udi piny kara wudwok gang’kidi tek;

Isaya 7:3

Yehova lund uwacu ni Isaya kumae, Cidh kawono kara wuromb kud Ahaz, in, ku Ceyar-yacub ma wodi, i kajik mi soro mi pi mi kut ma yo malu, i yo ma dit mi podho pa jalwokpiny;