Isaya 21:3 - The Holy Bible In Alur (Lur) Revised Orthography

³ Ka kumeno piera pong’ ku ndiba; remokum umaka, calu remokum pa dhaku m’ubenyol: remokum umaka ketho acopo winjo ngo; cwinya ng’abre ketho acopo neno ngo.

Isaya 21:3 ပူးပေါင်းရင်းမြစ်များ

Zaburi 48:6

Mielkum umakugi kuca, Remokum, calu pa dhaku m’unyol.

Isaya 13:8

e cwinygi bing’abre; can ku masendi bimakugi; gibibedo i remokum calu dhaku m’ubenyol: gibinendri ku wang’gi ku wang’uic; wang’gi bibedo wang’ mi lebmac.

Isaya 15:5

Adundena ywak pi Moab; weg yung pare ringo cil kum Zoar, ba Eglath-celicia: kum giidho malu ku goyo nduru ku kaidho mi Luhith; kum giting’o ywak mi nyoth i yo mi Horonaim.

Isaya 16:11

Kum kumeno adundena ywak calu adungu pi Moab, man cindia pi Kir-heres.

Isaya 16:9

Ka kumeno abiywak ku ywak mi Yazer pir ulok mi Sibma; abikwoyo piwang’a i kumi, E Hecbon, man Eleale: kum kok mi lwiny upodho wi nyingi mi cwir man wi mwoka peri.

Isaya 26:17

Calu dhaku ma ie nuti, m’ucoro ceng’ni i nindo mi nyol pare, bedo i remokum man ywak i remokum pare; e wabedo i weng’i kumeca, E Yehova.

Yeremia 4:19

Ndiba para, ndiba para mire! can unega cil i adundena; cwinya ng’abre yor i ia; acopo ling’ ungo; kum iwinjo, E ng’eyong’ec para, badwal mir agwara, en e jampoi mir ali.

Yeremia 48:41

jumaku Kirioth, man jumaku ka ma tek, man adunde jurukara mi Moab i ceng’ maeca bibedo calu adunde dhaku i remokum pare.

Yeremia 49:22

Nen, ebiidho malu man ebiringo calu acur, man ebirieyo bombe kum Bozra: man adunde jurukara mir Edom i ceng’ maeca bibedo calu cwiny dhaku ma ni i remokum pare.

Yeremia 50:43

Ubimo mi Babeli winjo rwong’gi, e cinge doko ng’ic: ndiba make, ku remokum calu dhaku m’ubenyol.

Yeremia 6:24

Wawinjo rwonge; cingwa kwio: ndiba makuwa, man remokum calu dhaku m’ubenyol.

Habakuk 3:16

Awinjo, man kuma miel, Dendhoga miel kum dwalne; Top umondo i cogona, man amiel i kakara; Kum akoakur be ceng’ mi can ling’ ling’, Kum bino mi dhanu ma gibino mwonyowa.

Yohana 16:21

Ka moc ugoyo dhaku can nege, kum saa pare wok: ento kan edaru nyolo nyathin epoi pi ndiba kendo ngo, ni anyong’a m’unege nia enyolo dhanu wok i ng’om.

Poi Mi Cik 28:67

Kugweno ibiwacu kumae, Mundo ande ebed uthieno ba! man uthieno ibiwacu kumae, Mundo ande ebed kugweno ba! ni kum lworo mir adundeni ma binegi, man ni kum nen mi weng’i m’ibineno.

1 Jutesaloniki 5:3

Kinde ma gibewacu kumae, Kwiocwiny ku bedomoth, e nyoth ulund ubino i wigi ndhu ndhu nica, calu raoc ma goyo dhaku ma ie nuti; man gibiboth ki ngo.