Isaya 20:4 - The Holy Bible In Alur (Lur) Revised Orthography

⁴ e ubimo mir Ascur bicidho ku dhanu mi ng’eca mi Misiri kumeca, ku dhanu ma judaku mir Ethiopia, ju m’aradu ku ju m’uti, muneru man umbe wara, man ku thegi ma ngbeng’, ni lewic mi Misiri.

Isaya 20:4 ပူးပေါင်းရင်းမြစ်များ

2 Samwil 10:4

Kum kumeno Hanun ugamu jutic pa Daudi, man elielo theng’ tikgi kucel, man ethumo kendi migi pu, wi adhiggi, e ecikogi.

I Lemkei 19:4

Kum kumeno Hanun ugamu jutic pa Daudi, man elielo kumgi, ethumo kendi migi de pu i diere, cil i adhiggi, e eorogi gicidho.

Isaya 19:4

Man abimio Jumisiri i cing’ rwoth ma kisa mbe kude; man ubimo ma kwiny bibimo wigi, Rwoth, Yehova mir udul, uwacu.

Isaya 3:17

ka kumeno Rwoth bigoyo nyig Sayuni ku gwenyo i die wigi, man Yehova biyabu lewic migi ngbeng’.

Isaya 31:2

Ento en bende e riek, man ebikelo lembe ma rac, man ebigamu lembe pare kendo ngo, ento ebiai kum ot mi jutimrac, man kum kony mi ju m’utimo kier.

Isaya 31:3

Nie Jumisiri gi dhanu, Mungu re ngo; riuni migi de ring’kum tipo de ngo: man kinde ma Yehova birieyo cinge, e ng’atu m’ukonyo bikier, man ng’atu ma jubekonyo bipodho, e gin ceke gibinyothri karacelo.

Isaya 47:2

Gam kidi rego, man ireg mogo; kab bongu mi wang’ peri woko, wany bongu m’aywaya, yab wi tiendi, kadh kud i kulo ma dit.

Isaya 47:3

Muneru peri jubiyabu, eyo, lewic peri binen: abiculo kwor, man abiweko ng’atu moko ngo.

Yeremia 13:22

Man tek iwacu i adundeni kumae, Pirang’o gin maeni wok i kuma? kum dit mi kier peri dhu kendi peri bedo ayaba, man ufunytiendi nwang’u rop.

Yeremia 13:26

Ka kumeno an bende abiyabu dhu kendi peri i weng’i, man lewic peri binyuthre.

Yeremia 46:19

E in m’ibedo ku nya Misiri, yikri giri mi cidho i ng’eca; kum Memfis bidoko ni uvuru, man jubiwang’e kot, ma ng’atu moko mbe m’ubedo i ie.

Yeremia 46:26

man abimiogi i cing’ ju m’uyenyo kwo migi, man i cing’ Nebukadrezar m’ubimo mi Babeli, man i cing’ jutic pare; e yo ku ng’eye jubibedo i ie, calu i nindo ma con, Yehova wacu.

Ezekiel 30:18

Tehafnehes bende ceng’ bidoko gire ni mudho, kinde m’aturo mberembere mi Misiri kuca, man kuhaya mi tego pare bijik i ie: pire, afuru biume, man nyige bicidho i ng’eca.

Amos 9:7

Wun wu calu nyithindho mi Juethiopia ira, E nyithindho mir Israeli? Yehova wacu. Awodho nyithindho mir Israel ungo kud i ng’om Misiri, man Jufilisti kud i Kaftor, man Jucami kud i Kiri?

Mika 1:11

Kadh cen, E ng’atu m’ubedo i Cafir, i muneru man lewic: ng’atu m’ubedo i Zanan uwok woko ngo; goyonduru mi Beth-ezel bikabu kacungo kud i beng’wu.

Nahum 3:10

Ento jutere woko, ecidho i ng’eca; nyithindho pare ma thindho bende jurwadugi nziki nziki wi gengi ceke; man gibolo gagi pi dhanu pare mi yung, man dhanu pare ma dongo ceke jutwiogi ku nyoro.

Zefania 2:12

Wu Juethiopia bende, jubinegowu ku palamularu para.

Lembanyutha 3:18

amio iri rieko nia ing’ieu mola ma kwar i bang’a m’uwang’ i mac, kara idok m’i lony; ku kendi ma tar, kara ironjri, kara lewic mi muneru peri kud unen: man mo m’i wang’ de m’iwir ko weng’i, kara inen.