Isaya 20:2 - The Holy Bible In Alur (Lur) Revised Orthography

² i nindo maeca Yehova yero ku dhu Isaya ma wod Amoz, ewacu kumae, Cidhi, man igony gonia kud i pieri, man ikab wara peri kud i tiendi. E etimo kumeca, m’ewotho ko muneru ma tiende nanu.

Isaya 20:2 ပူးပေါင်းရင်းမြစ်များ

2 Samwil 15:30

Man Daudi idho malu ku yo kum ka m’aidha mi got Zeituni, man ewotho ku ywak; man wie bedo auma, man ewotho ma wara mbe: e dhanu ceke ma gini karacelo kude giumo wigi kubang’gi kubang’gi, man giidho malu, e giwotho ku ywak.

2 Samwil 6:20

Daudi lund udwogo kara emi mugisa ni juode. Man Mikal ma nya Saul uwok woko kara eromb ku Daudi, man ewacu kumae, Ane ka ba dwong’ mir ubimo mir Israel tin, m’uwanjre tin i wang’ bong’ mi jutic pare calu ng’atu moko ma kind dhanu ma s ai wanjre ma lewic umbe!

2 Ubimo 1:8

E giloko ire lembe kumae, En e jarayir man etwio lau. Man ewacu kumae, En e Elia ma Jaticbi.

Zaburi 30:11

Iloko ywak para ni miel; Igonyo kendi para mi gonia, man ironya ku mutoro;

Ai 3:5

Man ewacu kumae, Kud icor ceng’ni keni: wodh wara peri kud i tiendi, kum ka m’icungo i ie en e ng’om ma leng’.

Isaya 1:1

Ginmawokiwang’ pa Isaya ma wod Amoz, m’eneno pi Yuda ku Yerusalem, i nindo pa Uzia, ku Yotham, man Ahaz, ku Hezekia, ma gin ubimo mi Yuda.

Isaya 13:1

Ewolembe ma pi Babeli, ma Isaya ma wod Amoz uneno.

Isaya 37:2

Man eoro Eliakim, ma ni wi juudi, man Cebna ma jagorcik, ku judongo mi julam, ma gibedo auma ku gonia, bang’ Isaya ma jabila ma wod Amoz.

Yeremia 48:37

Kum wie uwang’ kubang’e kubang’e, man tik ubedo anyara kubang’e kubang’e: thum ni wi cing’ ceke, man gonia ni wi pier ceke.

Ezekiel 24:17

Gam cwinyi, ento ling’ ling’, kud itim ywak pi ng’atu m’utho; twi jamtwic peri m’i wie i wii, man iroi wara peri i tiendi man kud ium dendhogi, man kud icam kwen mi dhanu.

Ezekiel 24:23

Man jamtwic m’i wie mu bibedo i wiwu, wara mu de wi tiendwu: wubigoyo nduru ngo kadi ywak de; ento cwinywu bing’abre i kier mu, man wubicur acura man ku wadi man ku wadi.

Ezekiel 4:1

In bende, wod dhanu, gam iri biriki, man ikethe i weng’i, man ikieu adhura i wie, en e Yerusalem:

Ezekiel 4:5

Kum aketho rundi mi kier migi ubed iri ni wel mi ceng’, en e ceng’ dak adek ku pier abung’wen: e ibiyeyo kier mi ot mir Israel kumeno.

Mika 1:11

Kadh cen, E ng’atu m’ubedo i Cafir, i muneru man lewic: ng’atu m’ubedo i Zanan uwok woko ngo; goyonduru mi Beth-ezel bikabu kacungo kud i beng’wu.

Mika 1:8

Pi maeni abiywak man abigoyo nduru; abicidho mbe kendi man muneru; abitimo goyonduru calu utho, man ywak calu udo.

Zekaria 13:4

Man ebitimbre i ceng’ maeca, nia lewic binego jubila kubang’gi nzu kum ginmawokiwang’, kan eewo; kadok kanzu mi yuklim gibikendo ngo kara gibomb abombi:

Matayo 16:24

Yesu lund uwacu ni julubne kumae, Tek ng’atu moko yenyo elub ng’eya, dong’ ekwere gire, eting’ yen m’athara pare de, elub ng’eya.

Matayo 3:4

Nwang’u Yohanane bedo ku kendi pare mi yuk ngamia, ku del mir adila i piere; cemo pare de en e bonyo ku kic m’i thim.

Yohana 21:7

Ka kumeno jalub maeno ma Yesu maru wacu ni Petro kumae, En e Rwoth. Kum kumeno ka Simon Petro winjo nia en e Rwoth, etwio kanzu pare i kume (kum nwang’u ekendo bongu ma yo the wagi kende), e epiei i nam.

Tic Mi Jukwenda 19:16

E ng’atu ma won tipo ma rac upodho i wigi, esagu gin ario de, eloyogi ndhu, ketho gipiei kud i oduno muneru ma kumgi ju rem de.

Tic Mi Jukwenda 21:11

E ebino i bang’wa, eting’o thondh pier Paolo, etwio ko tiende ku cinge, ewacu kumae, Tipo Maleng’ uwacu kumae, Juyahudi ma i Yerusalem gibitwio ng’atu ma won thondh pier maeni kumeni, gibikethe de i cing’ Thekdhanumange.

Yocuwa 5:15

E jaditmawijo mir udul pa Yehova wacu ni Yocuwa kumae, Wodh wara peri kud i tiendi; kum ka m’icungo i ie e leng’. E Yocuwa timo kumeca.

Lembanyutha 11:3

Man abimio ni jumulembe para ario, man gibiewo ceng’ rubanga acel ku dak ario ku pier abusiel, ma gikendo gonia.

1 Samwil 19:24

Man en bende ewodho kendi pare, e en de eewo lembe i wang’ Samwil, man evuto piny muneru i ceng’ maeca duu ku dieworne soro. Kum kumeno giwacu kumae, Saul bende ni i kind jubila?