Isaya 2:8 - The Holy Bible In Alur (Lur) Revised Orthography

⁸ Ng’om migi bende pong’ ku mungu m’araga; girwo ni tic m’i cing’gi gigi, gin ma cing’gi timo en.

Isaya 2:8 ပူးပေါင်းရင်းမြစ်များ

1 Ubimo 16:7

Man ke lembe pa Yehova bino ku jabila ma Yehu ma wod Hanani kum Baca, man kum ot pare, kum dubo ceke m’etimo i wang’ Yehova, kara unyai ng’ecwiny i ie ku tic mi cinge, kum ebedo calu ot pa Yeroboam, man kum egoye.

2 Ubimo 17:10

e giketho igi mbegi ku mungu m’araga wi ungulu gudi ma wiu kubang’e kubang’e, man the yen ceke m’uluk kubang’e kubang’e;

2 Ubimo 17:16

E giweko lembang’ola ceke pa Yehova Mungu migi, man gitimo igi ayi gin m’acwia m’atwaga, en e nyithi dhiang’ ario, e gitimo mungu m’araga, man girwo ni udul ceke m’i polo, man gitimo ni Bal.

2 Lemkei 27:2

Man etimo gin m’atira i wang’ Yehova, calku gin ceke ma won ma Uzia timo: ento emondo ngo i hekalu pa Yehova. Man dhanu gitimo nyothri asu.

Isaya 17:8

E gibineno ba pemblam ungo, ma tic mi cing’gi; kadok maeno ma lwetgi timo en de gibiparu pire ngo, kadok mungu m’araga de, kadok ayi gin m’acwia mi cing’.

Isaya 26:13

E Yehova Mungu mwa, rwodhi mange ma in ungo gibimo wiwa; ento ni kumi kende wabiweco pi nyingi.

Isaya 37:19

man gibayu mungu migi i mac: kum gi mungu ngo, ento gi tic mi cing’ dhanu, yen ku kidi; ka kumeno ginyothogi.

Isaya 40:19

Ayi gin m’acwia, jatic uthiedhe, jabodho de mwone ku mola ma kwar, man ethiedho nyoro mi mola ma tar pire.

Isaya 41:29

Nen, kagi ceke, tic migi gin ma ie nanu man mananu; ayi gin m’acwia migi m’atwaga gi yamu man ang’abacwiny.

Isaya 57:5

wun ma wucego kumwu kind mungu m’acwia, the yen m’uluk kubang’e kubang’e; m’unego nyithindho i poga, the can a m’ukaki?

Yeremia 1:16

Man abiyero lembapoka para i kumgi kum dubo migi ceke, kum giweka, man giwang’u udok ma ng’wice ng’ar ni mungu mange, man girwo ni tic m’i cing’gi gigi.

Yeremia 11:13

Kum calku wel mir adhura peri mungu peri de kumeno, E Yuda; man calku wel mi gengi mi Yerusalem wuketho pemblam malu ni gin mi lewic, en e pemblam ma kara juwang’ udok ma ng’wice ng’ar ni Bal i wie.

Yeremia 2:28

Ento mungu peri m’itimo ire ni kani? wek giai, tek gicopo bodhi i nindo mi can peri; kum wel mungu peri calku wel mir adhura peri, E Yuda.

Hoseya 12:11

Gilead en e kieri? gi gin mi ndra kende; i Gilgal gilamu thwoni dhiang’; eyo, pemblam migi calu udhuru mi thuthu mi podho.

Hoseya 13:2

E kawono gidubo kendo kendo, man gitimo igi ayi gin m’acwia m’atwaga ku mola ma tar migi, en e mungu m’araga calku ng’eyothelembe migi gigi, kagi ceke gi tic mi jubodho: giwacu pigi kumae, Wek dhanu m’ulamu lam gicwi kum nyithi dhiang’.

Hoseya 14:3

Ascur bibodhowa ngo; wabiwotho ku wi riuni ngo; kadok ni tic mi cingwa de wabiwacu kendo ngo kumae, Wun wu mungu mwa; kum kic ginwang’u kisa i beng’i.

Hoseya 8:6

Kum cil maeni ai bang’ Israel; jabodho time en, man en e Mungu ngo; eyo, nyathi dhiang’ mi Samaria jubituro nziki nziki.

Mika 5:12

Man abikabu ajoga woko kud i cingi; e ibibedo ku jubila mi ndra kendo ngo:

Tic Mi Jukwenda 17:16

Nie kinde ma Paolo bekurogi i Athene, edieng’o cwinye kan eneno adhurane dhir kud ayi m’acwia.

Poi Mi Cik 4:28

E wubitimo ni mungu kuca, ma tic mi cing’ dhanu, yen ku kidi ma neno ngo, kadi ma winjo de ngo, kadi ma camu de ngo, kadi ma ng’wio de ngo.

Lembanyutha 9:20

Man dong’ dhanu m’udong’, ma junego ngo ku masendi maeni, giloko cwinygi ngo kum tic mi cing’gi, ya ku girwo ba pajogi, kud ayi gin m’acwia mi mola ma kwar, ku mi mola ma tar, ku mi mola, ku mi kidi, ku mi yen: ma kucop neno piny ungo, kadok awinja de giwinjo ngo, kadok awotha de giwotho ngo: