Isaya 2:4 - The Holy Bible In Alur (Lur) Revised Orthography

⁴ Man ebipoko lembe i kind thek, e ebing’olo lembe pi kodhidhanu dupa; man gibithiedho palamularu migi ni kwejdhiang’, man tong’ migi ni uligu mi lwero piny; thek biting’o palamularu ngo kum thek, kadok lwiny de gibiponjo kendo ngo.

Isaya 2:4 ပူးပေါင်းရင်းမြစ်များ

Zaburi 110:6

Ebipoko lembe kind thek, Ebipong’o kakagi kud avu; Ebigoyo wie i ng’om dupa.

Zaburi 46:10

Wubed ling’, man wung’ei nia an a Mungu: Abibedo dwong’ i kind thek, abibedo dwong’ i ng’om.

Zaburi 46:9

Ekwio lwiny cil i kajik mi ng’om; Eturo atum, man etong’o i tong’ bwa; Ewang’u magali i mac.

Zaburi 82:8

Ai, E Mungu, pok lembe mi ng’om; Kum thek ceke bibedo ni aba iri.

Zaburi 96:13

I wang’ Yehova; kum ebino, Ebino nipoko lembe mi ng’om; Ebipoko lembe mi ng’om ku bedopwe, Man kodhidhanu ku lemandha pare.

Isaya 32:17

Tic mi bedopwe de bibedo kwiocwiny; man nying’ bedopwe, en e bedoyo, ku genogen mi nja.

Isaya 32:18

E dhanu para bibedo i kabedo mi kwiocwiny, man i udi ma museme, man i kayom ma ti.

Isaya 33:22

Kum Yehova en e japoklembe mwa, Yehova en e jamicik mwa, Yehova en e ubimo mwa; ebibodhowa.

Isaya 42:1

Nen, jatic para, m’ajengo; ng’atu m’afoya para, ma anyong’a nego cwinya i kume: aketho Tipo para i wie; ebikelo pokolembe ba Thekdhanumange.

Isaya 42:3

Usi m’unyoc ebituro ngo, bonguthala m’udunyo yiro ebinego ngo: ebiwodho pokolembe i lemandha.

Isaya 9:5

Kum jamtho ceke pa won jamtho i yakni, man kendi ma jujung’o i rimo, bibedo mir awang’a, ni yen mi mac.

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Hoseya 2:18

Man i ceng’ maeca abitimo lembariba igi ku yedi m’i thim, man ku winyo m’i polo, man ku gin ma lak i ng’om: man abituro atum ku palamularu ku lwiny kud i ng’om, man abiketho givuto piny museme.

Hoseya 2:20

Abigemi ira cil i bedo mandha; man ibing’eyo Yehova.

Yoel 3:10

Wucany kwer mu ni palamularu, man uligu ni tong’: wek ju ma ng’ic giwac kumae, An a tek.

Yoel 3:12

Wek thek giyauri gigi, man giidh ba poga Yehocafat; kum abijany keca nipoko lembe wi thek ceke m’utieko piny gbur.

Mika 4:3

man ebipoko kind kodhidhanu dupa, man ebipoko lembe ni thek ma jukero bor ngbir: e gibithiedho palamularu migi ni kwejdhiang’, man tong’ migi ni uligu; thek biting’o palamularu kum thek ungo, kadok ponjo ng’eyo ali de gibiponjo kendo ngo.

Zekaria 9:10

Man abithumo magali woko ku i Efraim, man riuni kud i Yerusalem; man atum mir ali bithumbre woko; e ebiyero kwiocwiny ni thek: man bim pare bibedo gambre kum nam cil kum nam, man ugambre kum Kulo cil i kajik mi ng’om.

Tic Mi Jukwenda 17:31

kum eketho ceng’ m’ebipoko ie lembe mi ng’om i bedopwe ku ng’atu m’eketho: kum maeni emio gin ma ketho kwiocwiny ni dhanu ceke, kum eketho ecer ku kind ju m’utho.

Lembanyutha 19:11

Man aneno polo yabre; man nen, riuni ma tar, ku ng’atu m’ubedo i wie ma julwong’e Mandha man Andha; man i bedopwe epoko lembe man etimo lwiny.

1 Samwil 2:10

Ju m’upiembri ku Yehova bitur nziki nziki; Ebiwodho morpolo kud i polo i kumgi: Yehova bipoko lembe wi gund ng’om; Man ebimio tego ni ubimo pare; Man ebiyungo tung ng’atu m’ewiro.