Isaya 2:3 - The Holy Bible In Alur (Lur) Revised Orthography

³ Man kodhidhanu dupa bicidho man gibiwacu kumae, Wubin, man wek waidhu ba got pa Yehova, ba ot pa Mungu pa Yakobo; e ebiponjowa ku yo pare, man wabiwotho i yo pare: kum cik biwok kud i Sayuni, man lembe pa Yehova kud i Yerusalem.

Isaya 2:3 ပူးပေါင်းရင်းမြစ်များ

Ester 9:27

Juyahudi ging’olo cik, man gigamu lembene i korgi, i kor nyikwai g i de, man i kor dhanu ceke ma giribri gigi gikugi, kara lembene kud urwiny, nia gibikwiro ceng’ ario maeni calku gorone, man calku nindone ma jung’olo, ku ba rundi;

Zaburi 102:23

Esenda ku tego pare i gengi; Ejwigo nindo para.

Zaburi 110:2

Yehova bioro uluth mi tego pare kud i Sayuni: Bim i kind judegi peri.

Zaburi 119:171

Wek dendhoga yer pak; Kum iponja ku cik peri.

Zaburi 122:1

Anyong’a nega kinde ma giwacu ira kumae, Wek wacidhu ba ot pa Yehova.

Zaburi 48:1

Yehova e dwong’, man e dit mir apaka, I adhura pa Mungu mwa, i got pare ma leng’.

Isaya 1:26

man abidwoko jupoklembe peri calu ma kwong’a, man juporlembe peri calu ma kwong’a: yo ku ng’eye jubilwong’i Adhura mi bedopwe, adhura mandha.

Isaya 11:10

Man ebitimbre i ceng’ maeca, nia ulag Yese, m’ucungo ni abera ni kodhidhanu, thek biyenyo i bang’e; man kayom pare bibedo mi dwong’.

Isaya 19:23

I ceng’ maeca yo ma lac biai i Misiri bitundo Ascur, e Jaascuri bimondo i Misiri, man Jamisiri i Ascur; e Jumisiri birwo karacelo ku Juascuri.

Isaya 28:9

Ebiponjo ng’a ku ng’ eyong’eci? man ebiketho ng’a ng’ei lemkwenda? ju ma jukwiro ku cak, ma juwodhogi de ku ba thuno?

Isaya 44:5

Acel biwacu kumae, An a pa Yehova; man mange bilwongre ku nying’ Yakobo; man mange bigoro wi cinge kumae, Ni Yehova, man ebilwongre ku nying’ Israel.

Isaya 56:5

Abimio igi nying’ mi poi i ot para man yor i gang’kidi para ma sagu nyithindho ma co ku nyithindho ma nyir; abimio igi nying’ mi nja, ma bikabre woko ngo.

Isaya 56:7

gin nini abiterogi ba got ma leng’ para, man abinyayu mutoro i igi i ot mi rwo para: lam m’awang’a migi ku lam migi biyire wi pemblam para; kum jubilwong’o ot para ot mi rwo ni kodhidhanu ceke.

Isaya 60:3

Man thek bibino ba der peri, man ju m’ubimo ba der mi rupiny peri.

Isaya 65:11

Ento wun ma wuweko Yehova, ma wiwu wil pi got para ma leng’, ma wuyiko mesa ni mierolembe, man ma wupong’o pigulok m’ajeba ni mungu m’araga;

Isaya 66:20

E gibikelo utumegwu ceke kud i thek ceke ni girathiera ni Yehova, wi riuni, man i magali, man i Icipoi, man wi kana, man wi ngamia, ba got para ma leng’ Yerusalem. Yehova wacu, calu nyithindho mir Israel ukelo girathiera migi i agulu ma leng’ i ot pa Yehova.

Yeremia 12:16

Man ebitimbre, tek gibiponjo ng’eyo yo mi dhanu para cu, ya gikwong’ kwong’ ku nyinga kumae, Calu Yehova bedo kwo; cil calu giponjo dhanu para ya gikwong’ kwong’ ku Bal, e gibilund gombri i kind dhanu para.

Yeremia 26:18

Mikaya ma Jamoracti ewo i nindo pa Hezekia m’ubimo mi Yuda; man eyero ni dhanu ceke mi Yuda, ewacu kumae, Yehova mir udul uwacu kumae: Jubifuro Sayuni calu podho, man Yerusalem bidoko ni udhuru, man got mi ot calu ka ma malu mi luli.

Yeremia 31:6

Kum ceng’ bibedo nuti, ma jukur bikok ie kumae wi ungulu gudi pa Efraim: Wuai, man wek waidhu Sayuni ba Yehova Mungu mwa.

Ezekiel 40:2

I ginmawokiwang’ pa Mungu etera i ng’om Israel, man eketha piny wi got ma wiu dit, ka ma giratada mir adhura ni i wie yor ariwa ma piny.

Hoseya 3:5

yo ku ng’eye nyithindho mir Israel bidwogo, man gibiyenyo Yehova Mungu migi, ku Daudi m’ubimo migi, man gibibino ku lworo ba Yehova man ba bero pare i dong’ nindo.

Hoseya 6:3

E dong’ wang’eyu, man wek walubu tok ng’eyo Yehova: wokwoko pare en e andha calu kugweno; man ebibino i bang’wa calu koth, calu koth ma cen ma cwi i ng’om.

Mika 4:2

Man thek dupa bicidho man gibiwacu kumae, Wubin, wacidhu waidhu ba got pa Yehova, man ba ot pa Mungu pa Yakobo; e ebiponjo wa ku yo pare, man wabiwotho i yo pare. Kum cik biwok kud i Sayuni, man lembe pa Yehova kud i Yerusalem;

Matayo 7:24

Ka kumeno ku ba dhanu ceke m’uwinjo lem para maeni, etimogi de, jubipore ku jarieko, m’ugomo ot pare wi cana:

Luka 11:28

Ento ewacu kumae, Ma sagu, mugisa ni ju m’uwinjo lem pa Mungu, m’uwore de.

Luka 24:47

man kara juyer pi lokocwiny ku rucodubo i nyinge ni thek ceke, ugambre Yerusalem.

Yohana 4:22

Wurwo ni gin ma wung’eyo ngo: wan re warwo ni gin ma wang’eyo; kum both uai ba Juyahudi.

Yohana 7:17

Tek ng’atu moko yenyo etim yeny ma ie yenyo, ebing’eyo pi ponjine, tek en e pa Mungu, kadi ayero gira.

Tic Mi Jukwenda 1:8

Ento wun wubinwang’u tego, nwang’u Tipo Maleng’ uwok i wiwu: man wubibedo jumulembe para i Yerusalem, man i Yahudi ngung’ ku Samaria de, man cil i tung’ ng’om bende.

Tic Mi Jukwenda 10:33

Ka kumeno aoro dhanu i beng’i mor mor; man itimo ber nia ibino. Nie ka kumeno wan ceke wanuti keni i wang’ Mungu, kara wawinj lembe ceke ma Rwoth ung’olo iri.

Jurumi 10:18

Ento awacu kumae, Giwinjo ngo? Eyo, andha, Dwandgi meny i ng’om ceke, Lembe migi de tundo cil i kajik mi ng’om.

Poi Mi Cik 33:19

Gibilwong’o kodhidhanu gibin ba got; Gibithiero lam mi bedopwe kuca; Kum gibidhodho dit mi nam, Ku piny m’akana m’ubedo apana i kwio.

Poi Mi Cik 6:1

Nie maeni lembang’ola, ku cik, man lembapoka, ma Yehova Mungu mu ng’olo ya juponj kowu, kara wutimgi i ng’om ma wucidho i ie nimwonye;

Yakobo 1:25

Ento ng’atu m’ubeneno i cik ma ndhu cu, cik mi gony, m’ebetimo kumeno de asu, ma en e jawinj awinja kende ngo ma wie wil ento e jatim m’ubetimo, ng’atuni bibedo jamugisa kum tic m’etimo.