Isaya 2:2 - The Holy Bible In Alur (Lur) Revised Orthography

² Man ebitimbre i nindo ma cen, nia got mi ot pa Yehova bicungo wi usimbru gudi, man jubidode wi ungulu gudi; e thek ceke bicidho i bang’e.

Isaya 2:2 ပူးပေါင်းရင်းမြစ်များ

Thangambere 49:1

Man Yakobo lwong’o wote, man ewacu kumae: Wucokru giwu karacelo, kara ayer iwu pi gin ma bitimbre iwu i ceng’ ma cen.

Kitabu Pa Yob 19:25

Ento an ang’eyo nia Jawama bedo kwo, Man ma cen ebicungo wi ng’om:

Zaburi 102:23

Esenda ku tego pare i gengi; Ejwigo nindo para.

Zaburi 2:8

Penja, man abimio iri thek ni aba peri, Man ng’et ng’om ma wi tung’ ni piny peri.

Zaburi 22:27

Tung’ ng’om ceke bipoi man gibilokri ba Yehova; Man wat ceke mi thek birwo i weng’i.

Zaburi 22:28

Kum ker en e pa Yehova; Man en e jabim wi thek.

Zaburi 48:2

Leng’ i kadongone, mutoro mi ng’om yu, En e got Sayuni, i ng’ete ma yor ariwa ma malu, Adhura p’Ubimo ma dwong’.

Zaburi 68:17

Magali pa Mungu gi rubanga pier ario, cil rubanga wi rubanga: Rwoth ni i kindgi, calu i Sinai, i kamaleng’.

Zaburi 72:8

Ebibimo bende gambre i nam cil kum nam, Man ugambre kum Kulo cil kum gund ng’om.

Zaburi 86:9

Thek ceke m’itimo bibino man gibirwo i weng’i, E Rwoth; Man gibiyungo nyingi.

Zaburi 87:1

Thepiny pare ni gudi ma leng’.

Zaburi 87:2

Yehova maru dhugang’ mi Sayuni Ma sagu kabedo ceke pa Yakobo.

Isaya 11:10

Man ebitimbre i ceng’ maeca, nia ulag Yese, m’ucungo ni abera ni kodhidhanu, thek biyenyo i bang’e; man kayom pare bibedo mi dwong’.

Isaya 25:6

Man Yehova mir udul bitimo agba mi gin ma mio ni kodhidhanu ceke wi got maeni, agba mi pigulok wi thing’, mi gin ma mio pong’ ku mio mi cogo, mi pigulok wi thing’ ma judwoko leng’.

Isaya 27:13

Man ebitimbre i ceng’ maeca, nia jubikudho agwara ma dit; e’gibibino ma gi ceng’ni rwinyo i ng’om mir Ascur, ku ju ma juriemo i ng’om mi Misiri; e gibirwo ni Yehova wi got ma leng’ i Yerusalem.

Isaya 30:29

Wubibedo ku wer calu mi diewor kinde ma jukwiro agba ma leng’; man mutoro mi cwiny, calu kinde ma ng’atu moko cidho kud ungbalu kara ebin ba got pa Yehova, ba Cana mir Israel.

Isaya 49:6

eyo, ewacu kumae, En e gin ma yot hai nia ibed jatic para ya iting’ suru pa Yakobo malu, man idwok ju m’ubedo agwoka mir Israel: abimii bende ni der ni Thekdhanumange, kara ibed ni both para cil i kajik mi ng’om.

Isaya 56:5

Abimio igi nying’ mi poi i ot para man yor i gang’kidi para ma sagu nyithindho ma co ku nyithindho ma nyir; abimio igi nying’ mi nja, ma bikabre woko ngo.

Isaya 56:7

gin nini abiterogi ba got ma leng’ para, man abinyayu mutoro i igi i ot mi rwo para: lam m’awang’a migi ku lam migi biyire wi pemblam para; kum jubilwong’o ot para ot mi rwo ni kodhidhanu ceke.

Isaya 60:3

Man thek bibino ba der peri, man ju m’ubimo ba der mi rupiny peri.

Isaya 65:11

Ento wun ma wuweko Yehova, ma wiwu wil pi got para ma leng’, ma wuyiko mesa ni mierolembe, man ma wupong’o pigulok m’ajeba ni mungu m’araga;

Isaya 66:20

E gibikelo utumegwu ceke kud i thek ceke ni girathiera ni Yehova, wi riuni, man i magali, man i Icipoi, man wi kana, man wi ngamia, ba got para ma leng’ Yerusalem. Yehova wacu, calu nyithindho mir Israel ukelo girathiera migi i agulu ma leng’ i ot pa Yehova.

Isaya 66:23

Man ebitimbre, nia ugambre kum dwi ma por acel cil kum mange, man ugambre kum sabatu acel cil kum mange, weg kum ceke bibino rwo i wang’a, Yehova wacu.

Yeremia 16:19

E Yehova, ma tegona, man ka ma tek para, ku ka pondo para i nindo mi can, thek bibino i beng’i gambre i tung’ ng’om, man gibiwacu kumae, Kwaruwa gamu gin moko ngo ni aba ndhu ndra, en e gin ma ie nanu man gin ma kuloka mbe i ie.

Yeremia 23:20

Ng’ecwiny pa Yehova bidwogo ngo, maram etimo ko, man maram edaru ko lembakece mir adundene: i nindo ma cen wubing’eyo there cu.

Yeremia 26:18

Mikaya ma Jamoracti ewo i nindo pa Hezekia m’ubimo mi Yuda; man eyero ni dhanu ceke mi Yuda, ewacu kumae, Yehova mir udul uwacu kumae: Jubifuro Sayuni calu podho, man Yerusalem bidoko ni udhuru, man got mi ot calu ka ma malu mi luli.

Yeremia 3:17

I nindo maeca gibilwong’o Yerusalem komker pa Yehova; man thek ceke bicokre i bang’e, ba nying’ Yehova, i Yerusalem: kadok gibiwotho kendo de ngo tok udhuko mir adundegi ma rac.

Yeremia 30:24

Ng’ecwiny pa Yehova ma lake tek bidwogo ngo, maram etimo ko, man maram edaru ko lembakeca mir adundene: i nindo ma cen wubing’eyo maeni.

Yeremia 31:12

E gibibino man gibiwero wer i ka m’utingre mi Sayuni, man gibimol ba bero pa Yehova, ba cam, man ba pigulok ma nyasa, man ba mo, man ba nyithindh udul rombe ku mi dhok: e ng’eyong’ec migi bibedo calu podho ma jukwoyo pi i wie; e can binegogi kendo ki ngo.

Yeremia 48:47

Ento abidwoko ng’eca mi Moab i nindo ma cen, Yehova wacu. Lembapoka mi Moab en e kumeni.

Yeremia 49:39

Ento ebitimbre i nindo ma cen, nia abidwoko ng’eca mir Elam, Yehova wacu.

Yeremia 51:44

Man abitimo lembapoka wi Bel i Babeli, e abiwodho gin m’emwonyo woko kud i dhoge; man thek bimol kendo ngo i bang’e; eyo gang’kidi mi Babeli bipodho.

Ezekiel 38:16

man ibibino malu kum dhanu para Israel, calu afuru m’uumo ng’om: ebitimbre i nindo ma cen, nia abikeli kum ng’om para, kara thek ung’eya, kinde m’adwokra leng’ ni kumi, E Gog, i wang’gi.

Ezekiel 40:2

I ginmawokiwang’ pa Mungu etera i ng’om Israel, man eketha piny wi got ma wiu dit, ka ma giratada mir adhura ni i wie yor ariwa ma piny.

Daniel 10:14

Kawono abino kara aketh ing’ei gin ma biwok ma cen kum juthu; kum ginmawokiwang’ne fodi en e mi nindo dupa.

Daniel 2:28

ento Mungu nuti i polo ma ewo lembamung’a, man eketho ubimo ma Nebukadnezar ung’ei gin ma biwok i acoka nindo. Lek peri, ku ginmawokiwang’ mi wii wi kavuto peri, gi eni:

Daniel 2:35

E nyunyu, kud ulobo, ku mola, man mola ma tar, ku mola ma kwar, ulund ung’eny nziki nziki karacelo, man edoko calu cung’ ma wi lelacam mi dwij lietho; e yamu dunye ceke, ketho kakagi nwangre ngo igi: man kidi m’ugoyo ayi gin m’acwiane doko ni got ma dit, man epong’o ng’om yu.

Daniel 2:45

Kum calu ineno ya kidi tongre kud i got ma ku cing’ ungo, man nia eturo nyunyu nziki nziki, man mola, kud ulobo, ku mola ma tar, man mola ma kwar; Mungu ma dwong’ uketho ubimo ng’ei gin ma bitimbre ma cen: man lekne en e andha, man tuco there de andha.

Hoseya 3:5

yo ku ng’eye nyithindho mir Israel bidwogo, man gibiyenyo Yehova Mungu migi, ku Daudi m’ubimo migi, man gibibino ku lworo ba Yehova man ba bero pare i dong’ nindo.

Zekaria 14:10

Jubidwoko ng’om ceke calu Araba, ugambre Geba cil kum Rimon ma yor ariwa ma piny ni Yerusalem; e jubiting’e malu, man ebibedo i kakare, ugambre dhugang’ pa Benyamin cil kum ka mi dhugang’ ma kwong’ane, cil kum dhugang’ mi gui, man ugambre kum otkur pa Hananel cil kum pany mi bic p’ubimo.

Zekaria 14:9

Man Yehova bibedo Ubimo wi ng’om yu: i ceng’ maeca Yehova bibedo acel, nyinge de acel.

Zekaria 8:22

Eyo, kodhidhanu man thek ma tek gibibino Yerusalem niyenyo Yehova mir udul, man nikwayu ngisi ba Yehova.

Zekaria 8:3

Yehova wacu kumae: Adwogo Sayuni, man abibedo i kind Yerusalem: e jubilwong’o Yerusalem Adhura mi lemandha; man got pa Yehova mir udul kumae, Got ma leng’.

Malaki 3:12

Man thek ceke bilwong’owu jumutoro: kum wubibedo ni ng’om ma nyayu mutoro i jo, Yehova mir udul uwacu.

Kitabu Mir Ang’wende Pa Musa Wel 24:14

Man kawono, nen, adok ba dhanu para: koibin, man abiewo iri gin ma dhanu maeni bitimo kum dhanu peri i ceng’ ma cen.

Tic Mi Jukwenda 2:17

Mungu wacu kumae, Gini bitimbre i kajik ceng’, Abikonjo kum Tipo para moko wi weg kum ceke: Man wotu ku nyigu gibiewo, Awobi mu de gibineno ginmawokiwang’, Judongo mu m’uti ke gibileko lek:

2 Timoteo 3:1

Endre ing’ei mae, nia i ceng’ mi kajik rundi nindo mi can biwok.

Juebrania 1:2

i dong’ nindo maeni eyero iwa i Wode, m’ekethe ni jacampacu mi gin ceke, piny bende ecwio ni kume;

2 Petro 3:3

ma wung’eyo ko maeni, nia jucac gibibino ku cac i acokaceng’, ma gibelubo tok awanya migi ma rac,

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.

Lembanyutha 20:4

Man aneno komker, ku ju m’ujany i wigi, man pokolembe mire igi: man aneno kwo mi ju ma juthumo wigi pi lembatuca pa Yesu, man pi lembe pa Mungu, man wagi ju ma girwo ngo ni yedi, kadok ni ayine, ma gijolo kiedo ngo ternyimgi kud i cing’gi de; man gibedo, gibimo de giku Kristugi rundi rubanga acel.