Isaya 2:19 - The Holy Bible In Alur (Lur) Revised Orthography

¹⁹ Man dhanu bicidho i odcana, man i odng’om, kud i wang’ ndiri pa Yehova, man ni der mi dwong’ pare, kinde m’eai kara eyeng ng’om gbe gbe.

Isaya 2:19 ပူးပေါင်းရင်းမြစ်များ

2 Samwil 22:46

Juwirok birwinyo woko, Man gibiwok ku i kapondo migi ma kumgi miel.

Kitabu Pa Yob 9:6

M’eyengo ng’om kud i kakare, Man mbegine miel;

Zaburi 7:6

Ai, E Yehova, i ng’ecwiny peri; Tingri malu wi rop mi jusend para, Man iceu pira: ing’olo lembapoka.

Isaya 13:13

Ka kumeno abiyengo polo, e ng’om biyengre kud i kakare, i kwinyo pa Yehova mir udul, man i ceng’ mi ng’ecwiny pare ma lake tek.

Isaya 2:10

Mond i cana, man ipond i utur, kud i wang’ ndiri pa Yehova, man ni der mi dwong’ pare.

Isaya 2:21

kara gicidh i odcana, man i kind cana m’ukak kud i wang’ ndiri pa Yehova, man ni der mi dwong’ pare, kinde m’eai kara eyeng ng’om gbe gbe.

Isaya 24:1

Nen, Yehova dwoko ng’om muneru, man edwoke ni uvuru, man eloko wie piny, e elalu ju m’ubedo i ie mba mba.

Isaya 24:18

Man ebitimbre, nia ng’atu m’upiei ni badwal mi lworo ebipodho i vur; man ng’atu m’uai malu kud i die vur jubimake i uwic: kum wang’ot ma malu bedo ayaba, man theng’om uyengre.

Isaya 24:19

Ng’om utur pet, ng’om ukak dra, ng’om uyengre gbe gbe.

Isaya 30:32

Man ku ba goc ceke mir uluth ma jung’olo, ma Yehova biketho i kume, bibedo karacelo ku badwal mir umbukulumbu kud adungu; man i lwiny karacelo ku wir mi bote ebikiedo kugi.

Isaya 33:10

Kawono abiai, Yehova wacu; kawono abitingra; kawono abidodra.

Isaya 7:19

E gibibino, man gibigonjo kagi ceke i poga ma, kende, man i kind cana m’ukak, man wi arara ceke mir ukudho, man wi kakwac ceke.

Yeremia 16:16

Nen, abilwong’o junam dupa, Yehova wacu, e gibijakugi; man yo ku ng’eye abilwong’o judwar dupa, man gibidwarugi ku ba gudi man ku bang’ ungulu gudi kubang’e kubang’e, man kud i odng’om m’i cana.

Yeremia 4:29

Adhura ceke kubang’e kubang’e giringo ni badwal mi weg riuni ku weg atum; gimondo i susu m’i luli, man giidho malu wi cana: giweko adhura kubang’e kubang’e, man ng’atu moko mbe m’ubedo i ie.

Yeremia 48:28

E wun ma wubedo i Moab, wuwek adhura, man wubed i odcana; man wubed calu akuru m’utimo ode wi dhu longro.

Ezekiel 33:27

Ibiwacu igi kumae, Rwoth Yehova wacu kumae: Calu abedo ku kwo, andha ju ma ni i ka mir uvuru gibipodho ku palamularu; man ng’atu ma ni i thim ma ngbeng’ abimio ni yedi gicam; man ju ma gini i ka ma tek man i odng’om gibitho ku thong’om.

Hoseya 10:8

Ka ma malu bende mir Aven, ma dubo mir Israel, jubinyotho: ukudho kud ucok bitwi wi pemblam migi; e gibiwacu ni gudi kumae, Umwa; man ni ungulu gudi kumae, Podh i wiwa.

Mika 7:17

Gibinang’u utur calu thwol: calu gin ma lak m’i ng’om gibiai ma kumgi miel kud i kapondo migi: gibibino ku lworo ba Yehova Mungu mwa, man lworo binegogi ni kumi.

Nahum 3:11

In bende ibimer ku giramadha; jubikeni; ibiyenyo ot ma tek bende kum judegi.

Hagai 2:6

Kum Yehova mir udul uwacu kumae: Wang’ acel kendo, en e fodi nyanok, e abiyengo polo, ku ng’om, man nam, ku ng’om m’uthwo:

Hagai 2:7

man abiyengo thek ceke; man gin ma juketho cwiny i kume mi thek ceke bibino; e abipong’o ot maeni ku dwong’ Yehova mir udul uwacu.

Luka 23:30

I nindo maeno gibimaku wacu ni gudi kumae, Podh i wiwa; ni ungulu got ke kumae, Umwa.

2 Jutesaloniki 1:9

ma gibisendri ku masendi, cil nyoth ma nja kud i wang’ Rwoth man kud i dwong’ mi tek pare,

Juebrania 11:38

(gi ber ma ng’om maeni romo kugi ngo), man gibewotho rr i ng’om ngele, kud i kind gudi de, i odcana de, man i odng’om de.

Juebrania 12:26

ma dwalne yengo ng’om i nindo maeca: ento kawono eng’olo ewacu kumae, Ento wang’ acel kendo abiyengo ng’om kende ngo, ento polo bende.

Lembanyutha 11:13

Man i saa maeno digidi ma dit uyengre, man theng adhura mir apaje podho; man dhanu rubanga abiro tho ku digidine: e dong’ dhanu m’udong’ lworo makugi, man gimio dwong’ ni Mungu mi polo.

Lembanyutha 11:19

Man juyabu hekalu pa Mungu ma ni i polo; man juneno sanduk mi lembariba pare i hekalu pare; man m’ulubo maeno lukoth, man dwal, ku morpolo, man digidi, ku pei ma dit.

Lembanyutha 16:18

e lukoth, ku dwal, ku morpolo ginuti; man digidi ma dit de yengre, yau digidi ma dit ma kumeno fodi uwok ungo i ng’om por ma dhanu gamu bedo ko i ng’om ngi, digidi ma tek kumeni ngi.

Lembanyutha 20:11

Man aneno komker ma tar m’ulwar, ku ng’atu m’ujany i wie de, man ng’om ku polo de giringo wang’e; man kakagi nwangre ngo igi.

Lembanyutha 9:6

Man i ceng’ maeno dhanu biyenyo katho, ere gibinwang’e ki ngo; ava tho de binegogi, man tho biringogi.

1 Samwil 13:6

Kinde ma dhanu mir Israel gineno nia gini i lem ma tek (kum dhanune gini i ang’abacwiny), i kinde maeni dhanu gipondo i odng’om, man i luli, man i cana, man i vur, kud i longro.

1 Samwil 14:11

E gin ario ginyuthri gigi ni ju m’i ot ma tek mi Jufilisti: e Jufilisti giwacu kumae, Nen, Juebrania giwok woko kud i vur ma gipondo i ie.