Isaya 2:11 - The Holy Bible In Alur (Lur) Revised Orthography

¹¹ Jubijwigo wang’ mi tingri mi dhanu, man jubinyono kuhaya mi dhanu, e jubidodo Yehova kende i ceng’ maeca.

Isaya 2:11 ပူးပေါင်းရင်းမြစ်များ

2 Samwil 22:28

Man ibibodho dhanu ma jusendogi; Ento weng’i ni wi ju m’utingri, kara ijwiggi.

Zaburi 18:27

Kum ibibodho ju ma jusendogi; Ento wang’ mi kuhaya ibijwigo.

Zaburi 18:28

Kum ibiewinyo thala para: Yehova Mungu para bicaru mudho para.

Zaburi 20:8

Gigung’ piny man gipodho; Ento waai, man wacungo atira.

Zaburi 46:10

Wubed ling’, man wung’ei nia an a Mungu: Abibedo dwong’ i kind thek, abibedo dwong’ i ng’om.

Zaburi 46:11

Yehova mir udul ni kudwa; Mungu pa Yakobo en e kapondo mwa. [Sela.

Zaburi 94:2

Tingri malu, in i japoklembe mi ng’om: Cul sukulia mi jukuhaya.

Lembrieko 16:5

Ku ba dhanu ceke ma kuhaya ni i adundene en e ginmajudagu ni Yehova: Kadok cing’ ribre ku cing’, ebibedo mbe send ungo.

Lembrieko 30:13

Dhanum’utuk moko nuti, ma wang’gi ni malu mire! Man biendwang’gi tingre malu.

Isaya 10:12

Kum kumeno ebitimbre, nia, kinde ma Rwoth utimo tic pare ceke wi got Sayuni man kum Yerusalem, e abisendo nying adunde ma tek mir ubimo mir Ascur, man dwong’ mi nen pare ma malu.

Isaya 12:1

Man i ceng’ maeca ibiwacu kumae, Abifoi, E Yehova; kum kadok naka ng’ecwiny negi i kuma, ng’ecwiny peri lokre cen, man ijuka.

Isaya 12:4

Man i ceng’ maeca wubiwacu kumae, Wufoi Yehova, man wulwong’ nyinge, wuyer pi giratima pare i kind kodhidhanu, wuwac nia nyinge dodre.

Isaya 13:11

Man abisendo ng’om kum dubone, man judubo kum kier migi: e abijigo tingri mi jukuhaya, man abiredho tingri mi jundiri.

Isaya 14:15

Ento jubiredhi piny i liel, ba kajik mi ng’et vur.

Isaya 2:17

Man jubijwigo tingri mi dhanu piny, man jubijwigo kuhaya mi dhanu; e jubidodo Yehova kende i ceng’ maeca.

Isaya 23:9

Yehova mir udul ukeco maeni, kara ucid kuhaya mi dwong’ ceke, kara ukel weg yung m’i ng’om ceke i cac.

Isaya 24:21

Man ebitimbre i ceng’ maeca, nia Yehova bisendo udul ju ma malu ma ni malu, man ju m’ubimo mi ng’om ma ni wi ng’om.

Isaya 25:9

E jubiwacu i ceng’ maeca kumae, Nen, maeni Mungu mwa; wakure, e ebibodhowa: maeni Yehova; wakure, anyong’a ku mutoro binegowa i both pare.

Isaya 26:1

I ceng’ maeca jubiwero wer maeni i ng’om mi Yuda: Wabedo kud adhura ma tek; ebiketho both ni gang’kidi ku ot ma tek.

Isaya 28:5

I ceng’ maeca Yehova mir udul bidoko ni jamkermiwic mi dwong’, man giratwiamiwic mi bero, ni dong’ dhanu pare m’udong’;

Isaya 29:18

E i ceng’ maeca ju m’udhing’ biwinjo lembe mi kitabu, man ju ma abinga bineno kud i ka ma col man kud i mudho.

Isaya 30:18

E ka kumeno Yehova bikuro, kara ebed ku bero i kumi; e ka kumeno ebidodre, kara kisa nege i kumi: kum Yehova en e Mungu mi pokolembe; mugisa kwany dhanu ceke m’ukure.

Isaya 30:23

Man ebimio koth ni kodhi peri, m’ibicoyo kudo ng’om; man kwen ni kum nyai m’i ng’om, man ebibedo mio man dupa. I ceng’ maeca lim peri bicamu i kakwae ma lac;

Isaya 37:23

Icayu man icido ng’a? man iting’o dwendi ing’ayu weng’i de malu kum ng’a? en e kum Ng’atu Maleng’ mir Israel.

Isaya 4:1

Man mon abiro gibimaku nico acel i ceng’ maeca, gibiwacu kumae, Wabicamu kwen mwa giwa, man wabikendo kendi mwa giwa: ndhu wek julwong’wa ku nyingi; kab lewic mwa cen.

Isaya 40:23

m’ujwigo judongomawijo ni gin moko ngo; m’udwoko jupoklembe m’i ng’om calu gin ma ie nanu.

Isaya 52:6

Ka kumeno dhanu para bing’eyo nyinga: ka kumeno gibing’eyo i ceng’ maeca nia an a ng’atu m’uweco; nen, en e an.

Yeremia 12:9

Aba para bedo ira calu winyo ma cukucuku mir amaci? winyo mir amaci gitieke gbur kud ali? wucidhi, wucok yedi ceke m’i thim, wukelgi kara gicam.

Yeremia 9:24

ento wek ng’atu m’ulule elule kum maeni nia, ng’eyothelembe ni kude, man eng’eyo an, nia an a Yehova m’atimo mer mi bero, ku pokolembe, man bedopwe, i ng’om: kum anyong’a nega kum gin maeni, Yehova wacu.

Ezekiel 38:14

Ka kumeno, wod dhanu, cu lembe, man iwac ni Gog kumae, Rwoth Yehova wacu kumae: I ceng’ maeca kinde ma dhanu para Israel ubedo museme, ibing’eyo maeni ngo?

Ezekiel 38:19

Kum i nyeko para man i mac mi kwinyo para ayero kumae, Andha i ceng’ maeca yengri ma dit bibedo nuti i ng’om mir Israel;

Ezekiel 39:11

Man ebitimbre i ceng’ maeca, nia abimio ka mi yik i Israel ni Gog, en e poga mi ju m’ukadhu yo ng’et nam ma yo nyangu; man ebijigo ju m’ukadhu akadha: e gibiyiko Gog kud udul pare ceke keca; man gibilwong’e Poga mi Hamon-gog.

Ezekiel 39:22

Kum kumeno ot mir Israel bing’eyo nia an a Yehova Mungu migi, ugambre i ceng’ maeno ku m’ucikulube.

Daniel 4:34

Man ka ceng’ maeno thum, an a Nebukadnezar, ang’ayu wang’a malu i polo, man ng’eyothelembe para dwogo i bang’a, man amio mugisa ni Ng’atu ma Malu Ngbir, e apake man ayunge m’ebedo rondo ku rondo; kum bim pare en e bim mi nja, man ker pare gambre kum dhanum’utuk cil kum dhanum’utuk;

Hoseya 2:16

Man ebibedo i ceng’ maeca, Yehova wacu, nia ibilwong’a Ici, man ibilwong’a Balif kendo ngo.

Hoseya 2:18

Man i ceng’ maeca abitimo lembariba igi ku yedi m’i thim, man ku winyo m’i polo, man ku gin ma lak i ng’om: man abituro atum ku palamularu ku lwiny kud i ng’om, man abiketho givuto piny museme.

Hoseya 2:21

Man ebitimbre i ceng’ maeca, abiloko lembe, Yehova wacu, abiloko lembe ni polo, e gibiloko lembe ni ng’om;

Yoel 3:18

Man ebitimbre i ceng’ maeca, nia gudi bitono pigulok ma lim lim, man ungulu gudi bimolo cak man kulo ceke mi Yuda bimolo pi; man kulo mi pi bidhenjre kud i ot pa Yehova, man ebidwoko poga mi Citim ng’ic.

Amos 9:11

I ceng’ maeca abiting’o hema pa Daudi m’upodho, man abiculo ka in’umome; man abiting’o gire m’ubam malu, e abigome calu i ceng’ ma con;

Obadia 1:8

I ceng’ maeca, Yehova wacu, abinyotho jurieko ku i Edom ungo, man ng’eyothelembe ku wi got mir Esau de ngo?

Mika 2:3

Ka kumeno Yehova wacu kumeni, Nen, apido lembe ma rac kum juot maeni, ma wubikabu ng’utwu ngo kud i bang’e, kadok ku kuhaya de wubiwotho ngo; kum en e nindo ma rac.

Mika 4:6

I ceng’ maeca, Yehova wacu, abicoko m’abala ni i kume, man abicoko ju ma juriemogi, ku ju m’asendo;

Mika 5:10

Man ebitimbre i ceng’ maeca, Yehova wacu, nia abikabu riuni peri woko kud i kindi, man abinyotho magali peri:

Zefania 3:11

I ceng’ maeca jubiketho lewic i wii ngo kum tic peri ceke m’idubo ie ira; kum i nindo maeca abikabu dhanu peri m’uyungre kud i kindi, man ibibedo jakuhaya kendo ngo i got para ma leng’.

Zefania 3:16

I ceng’ maeca jubiwacu pi Yerusalem kumae, Lworo kud unegi; E Sayuni, cingi kud ukonjre.

Zekaria 9:16

E Yehova Mungu migi bibodhogi i ceng’ maeca calu udul mi dhanu pare; kum gibibedo calu kidi mi jamkermiwic, ma juting’o malu wi ng’om pare.

Malaki 4:1

Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de.

Luka 18:14

Awacu iwu kumae, Ng’atu maeni loro piny i ot pare ma lembe m’i wie gonjre ma sagu pa jalwadi: kum ku ba dhanu ceke m’uyungre gire jubijwige; ento ng’atu m’ujwigre gire jubiyunge.

2 Jukorinto 10:17

Ento ng’atu m’ulule, dong’ eliue i Rwoth.

2 Jukorinto 10:5

ma gjjedho ko pidoic m’udhunjo piny, man ku gin ma tingre kum ng’eyong’ec pa Mungu, ma kelo pidoic ceke kubang’gi ni kol m’edoko ko wor ni Kristu;

2 Jutesaloniki 1:10

kan ebibino kara juyunge i jumaleng’ pare, man kara dhanu ceke ma giyio igi wang’ lii i kume (kum juyio lembatuca mwa iwu) i ceng’ maeno.

1 Petro 5:5

Wu ju ma nok bende, kumeno, wubed wor ni judongo mu. Eyo, kewu ceke wuronjru ku molcwiny, ma wutim ko ni juwedwu ng’atuman ni wadi man ni wadi: kum Mungu jul kum jukuhaya, ento emio bero ni ju ma mol.