Isaya 19:4 - The Holy Bible In Alur (Lur) Revised Orthography

⁴ Man abimio Jumisiri i cing’ rwoth ma kisa mbe kude; man ubimo ma kwiny bibimo wigi, Rwoth, Yehova mir udul, uwacu.

Isaya 19:4 ပူးပေါင်းရင်းမြစ်များ

Zaburi 31:8

Man iciko bang’a ngo i cing’ judegi; Iketho tienda i ka ma lac.

Isaya 19:2

Man abithubo Jumisiri kum Jumisiri: man gibikiedo kubang’gi kubang’gi ng’atuman kum umin man kum umin, man ku ba dhanu ceke man ku jadhugola pare man kum jadhugola pare; adhura kum adhura, man ker kum ker.

Isaya 20:3

E Yehova wacu kumae, Calu jatic para ma Isaya wotho muneru man umbe wara rundi adek ni giranyutha ku musana pi Misiri man pir Ethiopia;

Isaya 20:4

e ubimo mir Ascur bicidho ku dhanu mi ng’eca mi Misiri kumeca, ku dhanu ma judaku mir Ethiopia, ju m’aradu ku ju m’uti, muneru man umbe wara, man ku thegi ma ngbeng’, ni lewic mi Misiri.

Yeremia 46:26

man abimiogi i cing’ ju m’uyenyo kwo migi, man i cing’ Nebukadrezar m’ubimo mi Babeli, man i cing’ jutic pare; e yo ku ng’eye jubibedo i ie, calu i nindo ma con, Yehova wacu.

Ezekiel 29:19

Ka kumeno Rwoth Yehova wacu kumae; Nen, abimio ng’om Misiri ba Nebukadrezar m’ubimo mi Babeli; man ebiyaku udul pare, man ebigamu ayeki pare, man ebigamu amaci pare; e ebibedo ni sukulia ni njuru asikari pare.

Ezekiel 30:12

Man abidwono kulo, man abiloko ng’ombe i cing’ dhanu ma rac; e abidwoko ng’ombe ni uvuru, ku gin ceke ma ni i ie, ku cing’ juwirok: an, an a Yehova, ayero maeni.

Nahum 3:10

Ento jutere woko, ecidho i ng’eca; nyithindho pare ma thindho bende jurwadugi nziki nziki wi gengi ceke; man gibolo gagi pi dhanu pare mi yung, man dhanu pare ma dongo ceke jutwiogi ku nyoro.

1 Samwil 23:7

Man juyero ni Saul nia Daudi bino Keila. Man Saul uwacu kumae, Mungu mie i cinga; kum juciko bang’e, kum emondo i adhura ma dhugange kud utwindine de nuti.