Isaya 19:3 - The Holy Bible In Alur (Lur) Revised Orthography

³ E cwiny Misiri bijik i diere; man abinyotho lembaporane: e gibiyenyo ba mungu m’araga man bang’ ajoga, man ba ju ma weg tipo, man ba jucwitho.

Isaya 19:3 ပူးပေါင်းရင်းမြစ်များ

2 Samwil 15:31

E ng’atu acel uyero ni Daudi, ewacu kumae, Ahithofel ni i kind ju m’uribo lembe kud Absalom. Man Daudi wacu kumae, E Yehova, akwei, lok lembapora pa Ahithofel ni lemkasegu.

2 Samwil 17:14

E Absalom ku dhanu mir Israel ceke giwacu kumae, Lembapora pa Hucai ma Jaarki e ber ma sagu lembapora pa Ahithofel. Kum Yehova ketho ya junyoth lembapora ma ber pa Ahithofel, kara Yehova kel lem ma rac kum Absalom.

2 Samwil 17:23

Man kinde ma Ahithofel uneno nia jutimo lembapora pare ngo, eketho jamb woth wi kana pare, man eai, edok thugi, bang’ adhura pare, e eyiko ot pare, man edeire gire; e etho, man juyike i odliel pa won.

2 Ubimo 1:2

Man Ahazia podho piny ku wang’ot i kusika pare ma malu ma ni i Samaria, e kume make: man eoro jukwenda, e ewacu igi kumae, Cidhi, wupenj ba Bal-zebub, ma mungu mir Ekron, tek abiboth ku tho maeni.

I Lemkei 10:13

Kum kumeno Saul utho kum dubo pare m’edubo ni Yehova, kum lembe pa Yehova, m’eworo ngo: man kum ekwayu lembapora bende ba ng’atu ma won tipo, kara epenje,

Zaburi 107:27

Wigi wirogi ku ku ku, man gikier calu ng’atu m’uraer ku kong’o, Man cwinygi ng’abre.

Zaburi 33:10

Yehova thiro lembapora mi thek; Eketho pidoic mi kodhidhanu doko mananu.

Zaburi 76:12

Ebikabu tipo judongomawijo woko: En e jang’oindiri ni ju m’ubimo mi ng’om.

Lembrieko 21:30

Rieko moko mbe kadi ng’eyothelembe Kadi lembapora kum Yehova.

Isaya 14:27

Kum Yehova mir udul ukeco, man ng’a ma bithire? man cinge rieire, e ng’a ma bidole?

Isaya 15:2

Giidho malu i Bayith, man i Dibon, ba ka ma malu, niywak: Moab ugoyo nduru kum Nebo, man kum Medeba; wie m’uwang’ ni i wigi ceke, junyaru tik kubang’e kubang’e ceke.

Isaya 19:1

Ewolembe ma pi Misiri. Nen, Yehova wotho ku wi afuru ma wil wil, man ebino ba Misiri: e kum mungu m’araga mi Misiri bimiel i vute; man cwiny Misiri bing’oi i diere.

Isaya 44:25

m’athiro giranyutha mi jundra, m’anyayu ng’ecwiny de i ajoga; m’aloko jurieko cen, m’adwoko ng’eyong’ec migi de ni lem ma kite mbe;

Isaya 47:12

Cung kawono kud ajoga peri, man kud udul lamu bila peri, m’imuli i ie ugambre i aradu peri; tek lembe bibedo miero iri, tek icopo dwoko dhanu tipo.

Isaya 57:16

Kum abi-ii mi nja ngo, kadok kwinyo de binega thiri thiri ngo; kum tipo maru voc i wang’a, ku ng’eyong’ec m’atimo.

Isaya 8:19

Man kinde ma gibiwacu iwu kumae, Wuyeny ba ju ma weg tipo man bang’ ajoga, ma kok man ma weco mung’ mung’: maku dhanu yeny ba Mungu migi ngo? maku giyeny pi ju ma kwo ba ju m’utho?

Yeremia 46:15

Nedi jukabu jukero peri ceni? gicungo ngo, kum Yehova riemogi.

Ezekiel 21:7

Man ebibedo, kinde ma giwacu iri kumae, Pirang’o igamu cwinyi? nia ibiwacu kumae, Kum rwonglembe, kum ebino; man cwinygi bing’oi kubang’gi kubang’gi, man cing’ ceke bidoko ng’ic, man tipo ceke kubang’e kubang’e bivoc, man cong ceke bibedo ng’ic calu pi: nen, ebino, man ebitimbre, Rwoth Yehova wacu.

Ezekiel 22:14

Adundeni copo ciro, kadi cingi copo bedo tek, i nindo m’abitimo i kumi? An a Yehova, ayero maeni, man abitime.

Daniel 1:20

Man ku ba lembe ceke mi rieko ku ng’eyothelembe, m’ubimo penjo kogi, enwang’u nia gisagu weg ajoga ku juwodhtho ma ni i ker pare ceke wang’ apar.

Daniel 2:2

E ubimo lund ung’olo ya julwong’ weg ajoga, man juwodhtho, ku jubila, man Jukaldayo, kara giyer the lekne ni ubimo. Ka kumeno gimondo man gicungo i wang’ ubimo.

Daniel 5:7

Ubimo kok ma tek ya jukel juwodhtho, ku Jukaldayo, man jubila. Ubimo yero man ewacu ni jurieko mi Babeli kumae, Ng’atu ma tek bisomo lembagora maeni, man eewo ira there de, ebironjre kud uluga, man ebibedo ku thondh mola ma kwar i ng’ute, man ebibedo jabim mir adege i ker.

1 Samwil 25:37

Man etimbre kugweno, kinde ma pigulok uthum i kum Nabal, nia dhaku pare yero ire lembe maeni, e adundene tho yor i ie, man edoko calu kidi.