Isaya 19:2 - The Holy Bible In Alur (Lur) Revised Orthography

² Man abithubo Jumisiri kum Jumisiri: man gibikiedo kubang’gi kubang’gi ng’atuman kum umin man kum umin, man ku ba dhanu ceke man ku jadhugola pare man kum jadhugola pare; adhura kum adhura, man ker kum ker.

Isaya 19:2 ပူးပေါင်းရင်းမြစ်များ

1 Ubimo 16:21

Dhanu mir Israel ulund upokre i ng’ete ario: ng’et dhanu kucel gilubo Tibni ma wod Ginath, kara gikethe ni ubimo; ng’ete mucelo ke gilubo Omri.

2 Lemkei 15:6

Man juturogi nziki nziki, thek kum thek, man adhura kum adhura; kum Mungu sendogi ku ruvwa ceke.

Isaya 3:5

Man jubisendo dhanu, ku ba dhanu ceke ng’atuman wadi bisende, man ku ba dhanu ceke ng’atuman jadhugola pare bisende: nyathin bitimbre ku kuhaya kum jadit, man ng’atu ma sai kum won yung.

Isaya 9:21

Manase; e gin ario gibibedo kum Yuda. Kadok maeni ceke timbre ng’ecwiny pare lokre woko ngo, ento cinge rieire asu.

Yeremia 46:12

Thek uwinjo pi lewic peri, man ng’om upong’ ku ywak peri; kum jarukara kier kum jarukara, gipodho karacelo.

Yeremia 51:46

Man kud wuyi adundewu voci, kadok rwonglembe ma biwinjre i ng’om de kud wulwor; kum rwonglembe bibino i rundi acel man yo ng’ei maeno rwonglembe bibino i rundi mange, man rop i ng’ombe, jabim kum jabim.

Ezekiel 38:21

Man abilwong’o palamularu ubin ba gudi para ceke i wie, Rwoth Yehova wacu: palamularu ceke kubang’e kubang’e man bibedo kum umin mire.

Zekaria 8:10

Kum ka fodi ceng’ maeca kuwok ungo, sukulia mi dhanu mbe, kadok sukulia mi lim de; kadok kwiocwiny moko de mbe ni ng’atu m’ucidho woko kadi m’umondo, kum jakwor: kum aketho dhanu ceke ku ba dhanu nzu ng’atuman kum wadi.

Matayo 10:21

Umego de biting’o umin wang’ tho, won nyathin de biting’o nyathi pare: nyithindho de gibijai kum junyodo migi, e gibiketho juneggi.

Matayo 10:36

man ke judegi pa ng’atu moko bibedo wat pare ma dhe.

Matayo 12:25

E en m’eng’eyo lembe ma igi bepido ewacu igi kumae, Ku ba ker ceke ma tek upokre gire enyothre; ku bang’ adhura ceke de kadi ot de m’upokre gire ebicungo ngo:

Matayo 24:7

Kum thek bijai kum thek, ker de ni ker; ndru de bipodho ku digidi i ka ma nge nge.

Marko 3:24

Man tek ker upokre i kume gire, kerne copo cungo ngo.

Jupoklembe 7:22

E gikudho agwara dak adek, man Yehova ketho palamularu pa ng’atuman ulokre kum wadi, man kum udul ceke; man udul uringo cil Beth-cita yo ba Zerera, man cik kum ng’om mir Abel-mehola, ma ceng’ni Tabath.

Jupoklembe 9:23

E Mungu oro tipo ma rac i kind Abimelek ku dhanu m’i Cekem; man dhanu m’i Cekem gitimo kud abombi bang’ Abimelek:

1 Samwil 14:16

Man jukur pa Saul ma gini i Gibeya pa Benyamin gineno; man, nen, udul dhanu lui woko, e gicidho kun ku kun.

1 Samwil 14:20

Man Saul ku dhanu ceke ma ni karacelo kude ucokri karacelo, man gibino ba lwiny: man, nen, palamularu mi dhanu ceke kubang’gi kubang’gi pa ng’atuman ni kum wadi, man ang’abacwiny nuti dit apila.