Isaya 18:6 - The Holy Bible In Alur (Lur) Revised Orthography

⁶ Jubiwekogi karacelo ni winyo ma kwiny mi gudi man ni yedi m’i ng’om; e winyo ma kwiny bibedo i wigi i nindo mi lietho, man yedi ceke m’i ng’om bibedo i wigi i nindo mi koyo.

Isaya 18:6 ပူးပေါင်းရင်းမြစ်များ

Isaya 14:19

Ento in jubei woko ku ba odliel peri calu jangyen ma judagu, calu kendi mi ju ma junego, ma jucobo plu ku palamularu, m’uloro piny ba kidi mi vur; calu avu ma junyono the tielo.

Isaya 23:13

Nen, ng’om mi Jukasidi: dhanu maeni mbe kendo; Jaascuri ukethe ni yedi mi langa; giting’o odkur migi malu; giredho udi mi kerne: gidwoke ni uvuru.

Isaya 46:11

m’alwong’o ko winyo ma kwiny ku yo nyangu, ng’atu mi lembapora para kud i ng’om ma bor; eyo, ayero, abiketho etimbre bende; akeco, abitime bende.

Isaya 56:9

Wu yedi ceke m’i thim, wubin kara wucam, eyo, wu yedi ceke m’i luli.

Yeremia 15:3

Man abiketho kwond piny ang’wen i wigi, Yehova wacu: palamularu mi nek, man gwogi mi yeco, man winyo ma kor polo, ku yedi m’i ng’om, mi camu man mi nyotho.

Yeremia 16:4

Gibitho ku tho mi can: jubiywagugi ngo, kadi jubiyikogi de ngo; gibibedo calu weyo wi wang’ ng’om; man jubidarugi ku palamularu, man ku ndru; man avujgi bibedo ni cemo mi winyo ma kor polo, man mi yedi m’i ng’om.

Yeremia 7:33

Man avu dhanu maeni bibedo ni cemo ni winyo ma kor polo, man ni yedi m’i ng’om; e ng’atu moko mbe ma biriemogi.

Ezekiel 31:13

Winyo ceke ma kor polo bibedo wi uvurune, man yedi ceke m’i thim bibedo wi jange;