Isaya 18:4 - The Holy Bible In Alur (Lur) Revised Orthography

⁴ Kum Yehova wacu ira kumae, Abibedo ling’, man abineno ku i kabedo para, calu lietho m’ulero i derceng’, calu afuru mi thoi i lietho mi mwoka.

Isaya 18:4 ပူးပေါင်းရင်းမြစ်များ

2 Samwil 23:4

Ebibedo calu der mi nyangu, kinde ma ceng’ uwok, Nyangu m’umbe afuru, Kinde ma lum ma yom uloth kud i ng’om, Ni kum rienyne ma yo ng’ei koth.

2 Lemkei 6:21

Man iwinj kwac pa jatic peri, man mi dhanu peri Israel, kinde ma gibirwo yo ba ka maeni: eyo, iwinj i kabedo peri, kud i polo; man kinde m’iwinjo, wek lembene woko.

Zaburi 72:6

Ebiloro piny calu koth wi lum ma junyaru, Calu koth ma cwi wi ng’om.

Lembrieko 19:12

Kwinyo p’ubimo calu rundo mir umvor; Ento bero pare en e calu thoi wi lum.

Isaya 12:6

Lwong’ ma tek man ikoki, in i ng’atu m’ubedo i Sayuni; kum Ng’atu Maleng’ mir Israel e dwong’ i kindi.

Isaya 14:32

Jubilund loko lembang’o ni jukwenda mi theki? Nia Yehova guro the Sayuni, man ju ma jusendo mi dhanu pare bipondo i ie.

Isaya 18:7

I nindo maeca jubitero giramia ni Yehova mir udul m’uai ba dhanu ma boco man ma juruyime ngo, en e ba dhanu mi ndiri ugambre i thekri migi cil asu, thek ma juporo ku mukero ma junyono piny de, ma ng’ombe kulo poko, jubitero ba ka mi nying’ Yehova mir udul, ba got Sayuni.

Isaya 26:19

Avu peri bibedo kwo; avu para gibicer. Wuceu man wuwer wer, wu ju m’ubedo i utur; kum thoi peri en e calu thoi mir uboko, e ng’om biwodho avu.

Isaya 26:21

Kum, nen, Yehova ai kud i kakare kara esend ju m’ubedo i ng’om kum kier migi: ng’om bende biyabu rimo pare, man ebiumo ju ma junego pare kendo ngo.

Isaya 31:9

E cana pare bikadhu woko ni kum ndiri, man cwiny judongomawijo pare bing’abre ni kum abera, Yehova wacu, ma mac pare ni i Sayuni, man uka pare ni i Yerusalem.

Isaya 46:13

akelo bedopwe para ceng’ni, ebibedo bor ungo, man both para bigalu ngo; man abiketho both i Sayuni ni Israel ma dwong’ para.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Hoseya 14:5

Abibedo calu thoi ni Israel; ebithiwo calu kura, man ebimeyo ulage calu Lebanon.

Hoseya 5:15

Abicidho man abidok i kakara, maram gituco ko piem migi, man giyeny wang’a: gibiyenya kud amora i can migi.

Yoel 3:17

Ka kumeno wubing’eyo nia an a Yehova Mungu mu, m’abedo i Sayuni got para ma leng’: Yerusalem bilund bedo leng’, man juwirok moko bikadhu kud i kinde kendo ngo.

Amos 3:7

Andha Rwoth Yehova bitimo gin moko ngo, tek k’enyutho lembamung’a pare ngo ni jutic pare ma jubila.