Isaya 18:3 - The Holy Bible In Alur (Lur) Revised Orthography

³ Wu dhanu ceke ma wubedo i ng’om, man wun umondo ma wi ng’om, kinde ma juting’o abera malu wi gudi, wunen; man kinde ma jukudho agwara, wuwinji.

Isaya 18:3 ပူးပေါင်းရင်းမြစ်များ

Zaburi 50:1

Ng’atu Matek, Mungu, Yehova, eyero, Man elwong’o ng’om ugambre kum kawokceng’ cil kum mwonyne.

Isaya 1:2

Wuwinji, E polo, man icik ithi, E ng’om; kum Yehova yero kumae: Agwoko man atungo nyithindho, e gijai ira.

Isaya 11:12

Man ebiting’o abera ni thek, e ebicoko ju ma juriemo mir Israel, man ebicoko ju ma julalugi mi Yuda kud i tung’ ng’om ang’wen.

Isaya 13:2

Wuketh abera wi got ma lelele, wuting’ dwal i bang’gi, wuwir cing’, kara gicidh i dhugang’ mi Weg yung.

Isaya 13:4

Badwand udul kum gudi, calu mi dhanu dupa! badwal mi yakni mi ker mi thek m’ucokre karacelo! Yehova mir udul ujoko udul mir ali.

Isaya 26:11

Yehova, cingi tingre malu ento gineno ngo: ento gibineno ngiri peri ma pi dhanu, e lewic bimakugi; eyo, mac bicamu jusend peri.

Isaya 31:9

E cana pare bikadhu woko ni kum ndiri, man cwiny judongomawijo pare bing’abre ni kum abera, Yehova wacu, ma mac pare ni i Sayuni, man uka pare ni i Yerusalem.

Isaya 49:22

Rwoth Yehova wacu kumae, Nen, abiting’o cinga ba thek, man abiting’o abera para ni kodhidhanu; e gibikelo woti i korgi, man gibiyeyo nyigi wi gokgi.

Isaya 5:26

Man ebiting’o abera ni thek ma ni bor, man ebilwong’ogi ku lwio kud i tung’ ng’om; man, nen, gibibino pio ku ng’wec.

Isaya 7:18

Man ebitimbre i ceng’ maeca, nia! Yehova bilwong’o umio ma ni i ng’et kulo mi Misiri ma wi tung’ ku lwio, man ku mege kic ma ni i ng’om Ascur.

Yeremia 22:29

E ng’om, ng’om, ng’om winj lembe pa Yehova.

Yeremia 51:27

Wuketh abera malu i ng’om, wukudh agwara i kind thek, wuyik thek i kume, wulwong’ ker mir Ararat, ku Mini, man Ackenaz karacelo i kume: wuketh jego i kume; wuketh riuni idh malu calu ukoko ma juyuke.

Mika 1:2

Wuwinji, wu kodhidhanu, kewu ceke; winji, E ng’om, ku gin ceke ma ni i ie: man wek Rwoth Yehova bed jamulembe i kumwu, Rwoth kud i hekalu pare ma leng’.

Mika 6:2

Wuwinj piem pa Yehova, E wu gudi, man wu theng’om m’ubedo; kum Yehova bedo ku piem ku dhanu pare, man ebi-ii kud Israel.

Mika 6:9

Dwand Yehova ywak bang’ adhura, e dhanu mi rieko bineno nyingi: wuwinj dul, man ng’a m’ukethe.

Zekaria 9:14

Man Yehova binen i wigi; man athero pare biringo pami lukoth; man Rwoth Yehova bikudho agwara, man ebicidho ku wavuvu ma yor ariwa ma piny.

Matayo 13:16

Ento mugisa ni weng’wu, kum gineno; ni ithwu de, kum giwinjo.

Matayo 13:9

Ng’atu ma ithe nuti, wek ewinji.