Isaya 17:8 - The Holy Bible In Alur (Lur) Revised Orthography

⁸ E gibineno ba pemblam ungo, ma tic mi cing’gi; kadok maeno ma lwetgi timo en de gibiparu pire ngo, kadok mungu m’araga de, kadok ayi gin m’acwia mi cing’.

Isaya 17:8 ပူးပေါင်းရင်းမြစ်များ

2 Samwil 22:42

Gineno, ento ng’atu moko mbe m’ubodhgi; Cil ba Yehova, ento eloko lembe igi ngo.

2 Lemkei 14:5

Man ekabu ka ma malu kud ayi gin m’acwia mi ceng’ woko kud i adhura mi Yuda ceke bende: man ker ubedo yo i wang’e.

2 Lemkei 31:1

Nie kinde ma maeni ceke thum, I Israel ceke ma ginuti giwok woko bang’ adhura mi Yuda, man gituro mbegi nziki nziki, man gitong’o mungu m’araga piny, gituro ka ma malu de piny ku pemblam kud i Yuda ceke man Benyamin, i Efraim bende man Manase, cil ma ginyotho kogi ceke. Nyithindho mir Israel ceke gilund gidok ku ba dhanu ceke ng’atuman ba piny pare, i adhura migi ma dhe.

2 Lemkei 34:4

Man girwombo pemblam mi Balim piny i vute; man etong’o ayi gin m’acwia mi ceng’ ma ni malu wi maeno piny; man mungu m’araga, kud ayi gin m’apaya man ayi gin m’athiedha, eturo nziki nziki, man edwokogi ni utur, e ecoye wi liel mi ju ma lamu lam igi.

Ai 34:13

ento wutur pemblam migi, man wutur mbegi migi nziki nziki, man wutong’ mungu m’araga migi piny:

Isaya 1:29

Kum lewic binegogi kum bongu ma wuketho cwinywu i kume, man cwinywu bing’abre kum podho ma wufoyo.

Isaya 10:20

Man ebtimbre i ceng’ maeca, nia dong Israel m’udong’, ku ju m’uboth mi ot pa Yakobo, bijengri kendo ngo kum ng’atu m’ugoyogi, ento gibijengri kum Yehova, Ng’atu Maleng’ mir Israel, i lemandha.

Isaya 17:9

I ceng’ maeca adhura migi ma tek bibedo calu ka ma juweko i luli man wi usimbru gudi, ma juweko i wang’ nyithindho mir Israel; e ebibedo ni uvuru.

Isaya 2:8

Ng’om migi bende pong’ ku mungu m’araga; girwo ni tic m’i cing’gi gigi, gin ma cing’gi timo en.

Isaya 27:9

Ka kumeno ku maeni kier pa Yakobo biwekre woko, man maeni en e nying’ ceke mi kabu dubo pare cen: nia edwoko kidi ceke mi pemblam calu kidi mi nunu ma juturo, ketho nia mungu m’araga kud ayi gin m’acwia mi ceng’ biai kendo ngo.

Isaya 30:22

Man wubicido girauma peri mir ayi gin m’acwia mi mola ma tar m’ang’ika, man giramwona mir ayi gin m’acwia peri mi mola ma kwar m’atwaga; ibibayugi cen calu gin m’ucido; ibiwacu ire kumae, Ai kakeni.

Isaya 37:19

man gibayu mungu migi i mac: kum gi mungu ngo, ento gi tic mi cing’ dhanu, yen ku kidi; ka kumeno ginyothogi.

Isaya 41:29

Nen, kagi ceke, tic migi gin ma ie nanu man mananu; ayi gin m’acwia migi m’atwaga gi yamu man ang’abacwiny.

Isaya 44:15

Ebilund bedo ni dhanu mi wang’u; man egamu kume moko, e emure gire; eyo, ecwinye, man etedo ko kwen: eyo, etimo mungu, man erwo ire; etime ni ayi gin m’acwia m’ang’ika, man epodho piny ire.

Yeremia 17:2

kinde ma nyithindhgi poi kum pemblam migi ku mungu m’araga migi ng’et yen m’udinyo wi ungulu gudi ma wiu.

Ezekiel 36:25

Man abikiro pi ma leng’ i kumwu, e wubibedo leng’: abidwokowu leng’ ni cilo mu ceke, man ni mungu m’araga mu ceke.

Hoseya 14:8

Efraim biwacu kumae, Abibedo kud ang’o kendo ku mungu m’araga? Aloko lembe, man abinene: an a calu sipre ma numu; nyingi nwangre i bang’a.

Hoseya 14:9

Ng’a ma riek, kara eng’ei thelembe mi gin maeni? won pidoic, kara eng’eigi? kum yo pa Yehova en e atira, man won bedopwe biwotho i igi; ento weg kier bipodho i ie.

Zefania 1:3

Abijigo wi dhanu ku yedi; abijigo wi winyo ma kor polo, ku rec m’i nam, man gin ma redho jo karacelo ku judubo; man abithumo dhanu woko kud i wang’ ng’om, Yehova wacu.

Zekaria 13:2

Man ebitimbre i ceng’ maeca, Yehova mir udul uwacu, nia abithumo nying’ mungu m’araga woko kud i ng’om e jubipoi pigi kendo ngo; man abiwodho jubila ku tipo m’ucido bende woko kud i ng’om.

Poi Mi Cik 7:5

Ento wutim kumeni i kumgi: wurung pemblam migi, man wutur mbegi migi nziki nziki, man wutong’ mungu m’araga migi piny, man wuwang’ ayi m’ang’ika migi ku mac.