Isaya 17:6 - The Holy Bible In Alur (Lur) Revised Orthography

⁶ Ento kunde bidong’ i ie, calu yeng mi yend ulam, nyinge ario kadi adek wi jange ma wi lwithe, ang’wen kadi abic wi jange mi ng’ete ma y o woko mi yen ma cek cu, Yehova, Mungu mir Israel, uwacu.

Isaya 17:6 ပူးပေါင်းရင်းမြစ်များ

1 Ubimo 19:18

Ento abiweko ira dhanu rubanga abiro i kind Israel, ma cong’gi ceke fokurum ungo ni Bal, man dhoggi ceke kubang’e kubang’e ma fok’ucwie ngo.

Isaya 1:9

Tek Yehova mir udul kuweko iwa nyathi dong’ dhanu moko ngo, kuno di wabedo calu Sodoma, kuno di wabedo calu Gomora.

Isaya 10:22

Kum kadok dhanu peri, ma Israel, bedo calu kwio mi nam, donge kende e ma gibidwogo: jukeco nyoth, m’upong’ hau ku bedopwe.

Isaya 24:13

Kum ebibedo kumeca i die ng’om i kind kodhidhanu, calu yeng mi yendulam, calu beko ulok kinde ma mwoka mir ulok uthum.

Isaya 27:12

Man ebitimbre i ceng’ maeca, nia Yehova biteng’o nyinge ugambre i cori mi Kulo, cil kum kulo mi Misiri; e jubicokowu acel acel, E wu nyithindho mir Israel.

Yeremia 4:27

Kum Yehova wacu kumae, Ng’om dho bibedo ni uvuru; ento abijigo ma gwei ngo.

Ezekiel 39:29

kadi abipanu wang’a kendo ngo igi; kum akonjo Tipo para wi ot mir Israel, Rwoth Yehova wacu.

Obadia 1:5

Tek jukwo bino i beng’i, tek weg ayeki bino ku diewor (ei maram ithumbri woko!), gibikwalu kende cil m’eromogi ngo? tek jupon ulok ubino i beng’i, gibiweko nyingulok moko m’udong’ ungo?

Mika 7:1

Can i wia mire! kum an a calu kinde ma gicoko nying’ cwir, man calu girabeka mi nyingulok mi mwoka: wicne moko mbe ma jucam; ng’eyong’ec para yenyo ubolo m’ular ucek.

Jurumi 11:26

man ku meno Israel ceke biboth: cil calu egore kumae, Jagony bibino m’ebiai i Sayuni; Ebikabu gin ma ayi Mungu mbe i kume kum Yakobo:

Jurumi 9:27

Isaya bende ekok pir Israel kumae, Tek wel mi nyithindho p a Israel ubedo calu kwio ma dhu nam, donge e ma biboth:

Poi Mi Cik 4:27

E Yehova bikethowu i kind kodhidhanu, man wel mu bidong’ nok i kind thek, ka ma Yehova biterowu i ie cen.

Jupoklembe 8:2

Man ewacu igi kumae, Atimo ang’o kawono m’apora ko wakudu? Pono nyingulok pa Efraim esagu cekne ma dit pa Abiezer ungo?