Isaya 17:10 - The Holy Bible In Alur (Lur) Revised Orthography

¹⁰ Kum wii wil kum Mungu mi both peri, man ii pido ngo pi cana mi tego peri; ka kumeno ipidho girapidha ma ber, man ikethe karacelo ku jange ma tung’.

Isaya 17:10 ပူးပေါင်းရင်းမြစ်များ

I Lemkei 16:35

Man wuwac kumae, Larwa, E Mungu mi both mwa, Man icokwa karacelo man ibibodhwa ni thek, Kara wafoi nyingi ma leng’, Man wasag i pak peri.

Zaburi 106:13

Wigi wil pio kum tic pare; Gikuro lembapora pare ngo,

Zaburi 106:21

Wigi wil kum Mungu ma Jalar migi, M’utimo gin ma dwong’ i Misiri,

Zaburi 18:2

Yehova en e cana para, man ot ma tek para, man jabodhna; Munguna, cana para, m’abipondo i bang’e; Ban para, man tung mi both para, man otkur para ma wiu.

Zaburi 31:2

Leng’ ithi piny i bang’a; bodha pio: Bed ira ni cana ma tek, Bed ni ot ma tek kara ubodha.

Zaburi 65:5

Ibiloko lembe iwa i bedopwe ku gin ma ng’oyo ndiri, E Mungu mi both mwa, In m’i genogen mi tung’ ng’om ceke, Man mi ju ma gini bor wi nam:

Zaburi 79:9

Konywa, E Mungu mi both mwa, kum dwong’ mi nyingi; Man ibodhwa, iwek dubo mwa woko de, ni kum nyingi.

Zaburi 85:4

Lokwa, E Mungu mi both mwa, Man keth ng’ecwiny peri ma yor i bang’wa thum.

Zaburi 9:17

Jubiloko judubo i liel. En e thek ceke ma wigi wil kum Mungu.

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Isaya 17:9

I ceng’ maeca adhura migi ma tek bibedo calu ka ma juweko i luli man wi usimbru gudi, ma juweko i wang’ nyithindho mir Israel; e ebibedo ni uvuru.

Isaya 18:5

Kum ma fodi mwoka kutundo ngo, kinde ma thiwe thum, man thiwe doko ni nyingulok m’ubecek, ebilwero jange ku pala mi lwer, man jange m’ubeloth ebikabu cen man ebitong’o piny.

Isaya 25:4

Kum ibedo ka ma tek ni jucan, ka ma tek ni jucanpiny i can pare, kavogo ni wavuvu, tipopiny ni lietho, kinde ma atido mi ju mi ndiri bedo calu wavuvu kum gang’kidi.

Isaya 26:4

Wugen Yehova mi nja; kum ni kum Yehova, en e Yehova, cana mi nja nuti.

Isaya 30:29

Wubibedo ku wer calu mi diewor kinde ma jukwiro agba ma leng’; man mutoro mi cwiny, calu kinde ma ng’atu moko cidho kud ungbalu kara ebin ba got pa Yehova, ba Cana mir Israel.

Isaya 33:2

E Yehova, bed ku bero i kumwa; wakuri: bed bot mwa ku ba rupiny ku ba rupiny, both mwa bende i nindo mir ang’abacwiny.

Isaya 44:8

Lworo kud unegwu, bebe de kud utimwu: ayero iri ugambre con ungo, man anyuthe? man wun wu jumulembe para. Mungu moko nuti m’umeda? eyo, Cana moko mbe; ang’eyo moko ngo.

Isaya 51:13

man wii wil kum Yehova ma Jacwicni, m’erieyo polo, man m’eketho the ng’om; ma lworo negi ceng’ du thiri thiri kum kwinyo pa jasend, kinde m’eyiko piny mi nyotho nyothi? e kwinyo pa jasend ni kani?

Isaya 61:10

Anyong’a binega dit ni kum Yehova, anyong’a binego ng’eyong’ec para ni kum Mungu para; kum eronya ku kendi mi both, euma ku kanzu mi bedopwe, calu won ambadha rukre gire ku jambruko, man calu mugole rukre gire ku jambruko pare.

Isaya 62:11

Nen, Yehova yero ni kajik mi ng’om kumae, Wuwac ni Nyasayuni kumae, Nen, both peri bino; nen, sukulia pare ni kude, man sukulia pare ni i wang’e.

Yeremia 12:13

Gicoyo nganu, man gikayu ukudho; ginyayu remokum i kumgi gigi, man kulokane mbe: man lewic binegowu kum nyingwu, kum ng’ecwiny ma lake tek pa Yehova.

Yeremia 17:13

E Yehova, ma genogen mir Israel, jubinyayu lewic wi dhanu ceke m’uweki. Ju m’uweka jubikiewogi i ng’om, kum giweko Yehova, ma kulo mi pi mi kwo.

Yeremia 2:32

Nyaku ma sumba wie copo wil kum jambruko pare, kadi mugole de kum kendi pare? ento dhanu para wigi wil pira ma wel nindone mbe.

Yeremia 3:21

Juwinjo dwal wi ka m’utingre ma lelele, en e ywak ku kwayukwac mi nyithindho mir Israel; kum gigondo yo migi, wigi wil kum Yehova Mungu migi.

Ezekiel 22:12

Gigamu jamblembe mi cwiro rimo ii; igamu kuloka ku nyai, man igamu kuloka ba wedu ma kisa mbe, man wii wil pira, Rwoth Yehova wacu.

Ezekiel 23:35

Ka kumeno Rwoth Yehova wacu kumae: Kum wii wil pira, man ibaya yor i ng’ei, ka kumeno yei tarwang’ peri bende kud asara peri.

Hoseya 4:6

Dhanu para ginyothri kum ng’eyong’ec m’urem: kum ikwero ng’eyong’ec, an bende abikweri, kara kud ibed jalam ira: kum wii wil kum cik pa Mungu peri, an bende wia biwil kum nyithindho peri.

Hoseya 8:14

Kum Israel wie wil kum Jacwicne, man egomo udi ma dwong’; man Yuda medo adhura ma tek; ento abioro mac wi adhura pare, man ebiwang’u udi ma tekne.

Yoel 1:17

Kodhi top kud i thunglu ng’om; dero udong’ ni uvuru, kacokcam utur; kum cam uner.

Lembe Mi Julawi 26:16

an bende abitimo maeni i kumwu: abiketho ndiri i wiwu, en e thokor ku cekkum, ma bicamu wang’, ma bimogo ng’eyong’ec de; e wubicoyo kodhi mu mananu, kum judegiwu bicame.

Lembe Mi Julawi 26:20

e tego mu bithum mananu; kum ng’om mu bicego nyaine ngo, kadok yen mi ng’ombe de bicego nyinge ngo.

Amos 5:11

Ka kumeno kum wunyono jacan, man wugamu girawodha mi nganu i bang’e: wugomo udi mi kidi m’apaya, ento wubibedo i igi ngo; wupidho podho mir ulok ma ber, ento wubimadhu pigulokne ngo.

Habakuk 3:18

Ento anyong’a binega ni kum Yehova, Mutoro de binega ni kum Mungu mi both para.

Zefania 1:13

E lonyo migi bidoko ni ayeki, man udigi ni uvuru: eyo, gibigomo udi, ento gibibedo i igi ngo; man gibipidho podho mir ulok, ento gibimadhu pige ngo.

Poi Mi Cik 28:30

Ibinyomo dhaku, e ng’atu mange bivuto kude: ibigomo ot, man ibibedo i ie ngo: ibipidho podho mir ulok, e ibicamu nyinge ngo.

Poi Mi Cik 32:15

Ento Yecurun uewe, man egweyo: Icwe, kumi fung’ni, kumi leny; Elund eweko Mungu m’ucwie, Man eparu pi Cana mi both pare ngo.

Poi Mi Cik 32:18

Cana m’unyoli iparu pire ngo, Man wii wil kum Mungu m’unyoli.

Poi Mi Cik 32:31

Kum cana migi en e calu Cana mwa ngo, Cil judegi mwa gigi ma gi jupoklembe.

Poi Mi Cik 32:4

Cana, tic pare bedo ndhu cu; Kum yo pare ceke e pwe: Mungu mi lemandha man m’umbe dubo, En e pwe man atira.

Poi Mi Cik 6:12

e ikuri giri wii maru wil kum Yehova, m’uwodhi woko kud i ng’om Misiri, kud i ot mi ng’eca.

Poi Mi Cik 8:11

Bed ku weng’i kara wii kud uwil kum Yehova Mungu peri, m’igwok ko lembang’ola pare ngo, ku lembapoka pare, man cik pare, m’ang’olo iri tin:

Poi Mi Cik 8:14

adundeni lund utingre malu, man wii wil kum Yehova Mungu peri, m’uwodhi woko kud i ng’om Misiri, kud i ot mi ng’eca;

Poi Mi Cik 8:19

Man ebibedo, tek wii wil kum Yehova Mungu peri, man ilubo tok mungu mange, man itimo igi, irwo igi de, atuco piwu tin nia wubinyothru andha.