Isaya 16:5 - The Holy Bible In Alur (Lur) Revised Orthography

⁵ E jubiketho komker cungo i mer mi bero; e ng’atu moko bijany i wie i lemandha, i hema pa Daudi, m’ebepoko lembe, m’ebeyenyo lembapoka de, m’ebedo kud amora kum timo bedopwe.

Isaya 16:5 ပူးပေါင်းရင်းမြစ်များ

2 Samwil 23:3

Mungu mir Israel uwacu kumae, Cana mir Israel uweco i bang’a: Ng’atu m’ubimo wi dhanu pwe, M’ubimo ku lworo pa Mungu,

2 Samwil 5:9

Man Daudi bedo i ka ma tek, man elwong’e adhura pa Daudi. Man Daudi gomo i ng’ete gbur ugambre i Milo ku yor i ie de.

2 Samwil 7:16

Man ot peri ku ker peri jubidwoke tek mi nja i weng’i: komker peri jubiketho cungo mi nja.

1 Ubimo 10:9

Mugisa bed ni Yehova Mungu peri, m’enwang’u mutoro ii, ketho ekethi wi komker mir Israel: kum Yehova maru Israel mi nja, ka kumeni ekethi ni ubimo, kara itim pokolembe ku bedopwe.

2 Lemkei 31:20

E Hezekia timo kumeno i Yuda ceke mba mba; man etimo gin ma ber m’atira man mandha i wang’ Yehova Mungu pare.

Zaburi 85:10

Kisa ku lemandha girombo karacelo; Bedopwe ku kwiocwiny gimothri ku cwic.

Zaburi 89:14

Bedopwe man pokolembe en e thepiny mi komker peri: Mer mi bero man lemandha cidho i weng’i.

Zaburi 96:13

I wang’ Yehova; kum ebino, Ebino nipoko lembe mi ng’om; Ebipoko lembe mi ng’om ku bedopwe, Man kodhidhanu ku lemandha pare.

Zaburi 98:9

wang’ Yehova; kum ebino nipoko lembe mi ng’om. Ebipoko lembe mi piny ku bedopwe, Man kodhidhanu ku lem m’atira.

Zaburi 99:4

Tego mir ubimo bende maru poko lembe; Iketho lembatira cungo; Itimo pokolembe ku bedopwe ni Yakobo.

Lembrieko 20:28

Bedober ku lemandha gwoko ubimo; Man komker pare jengre kum bedober.

Lembrieko 29:14

Ubimo m’upoko lembe mi jucan cu, Komker pare bicungo mi nja.

Isaya 33:22

Kum Yehova en e japoklembe mwa, Yehova en e jamicik mwa, Yehova en e ubimo mwa; ebibodhowa.

Isaya 55:4

Nen, amie ni mulembe ni kodhidhanu, jatelwic man jego ni kodhidhanu.

Daniel 7:14

Man jumio ire bimobim, ku dwong’, man ker, kara kodhidhanu ceke, man thek ceke, ku dhok ceke gitim ire: bimobim pare en e bimobim mi nja, ma bikadhu woko ngo, man ker pare en e ker ma jubinyotho ngo.

Daniel 7:27

Man ker ku bimobim, ku dwong’ mi ker ma the polo dho, jubimio ni dhanu mi jumaleng’ pa Ng’atu ma Malu Ngbir: ker pare en e ker ma rondo ku rondo, man bimobim ceke gibitimo ire man gibiwore.

Amos 9:11

I ceng’ maeca abiting’o hema pa Daudi m’upodho, man abiculo ka in’umome; man abiting’o gire m’ubam malu, e abigome calu i ceng’ ma con;

Mika 4:7

man abiketho m’abala ni i kume ni donge, man ma jubayu ni thek ma tek: man Yehova bicamu ker i wigi wi got Sayuni ugambre i nindo maeca cil rondo ku rondo.

Zekaria 9:9

Anyong’a negi dit, E nya Sayuni; koki, E nya Yerusalem: nen, ubimo peri bino i beng’i; en e pwe, man e won both; e mol, man eberingo ku wi kana, en e wi kana ma nyathi kana.