Isaya 15:5 - The Holy Bible In Alur (Lur) Revised Orthography

⁵ Adundena ywak pi Moab; weg yung pare ringo cil kum Zoar, ba Eglath-celicia: kum giidho malu ku goyo nduru ku kaidho mi Luhith; kum giting’o ywak mi nyoth i yo mi Horonaim.

Isaya 15:5 ပူးပေါင်းရင်းမြစ်များ

Thangambere 13:10

Man Lot uting’o wang’e malu, man eneno pambu mi Yor dan ceke, nia pi rome kun ku kun ceke, ma fodi Yehova kunyotho Sodom ku Gomora ngo, e calu podho pa Yehova, calu ng’om mi Misiri, kan icidho kum Zoar.

Thangambere 14:2

nia giteng’o ali ku Bera m’ubimo mi Sodom, man ku Birca m’ubimo mi Gomora, ku Cinab m’ubimo mi Adma, man Cemeber m’ubimo mi Zeboim, man ubimo mi Bela (ma en e Zoar).

Thangambere 19:22

Tim pio, ring kuca; kum acopo timo gin moko ngo ma fok’itundo kuca ngo. Ka kumeno nying adhura maeca julwong’o Zoar.

2 Samwil 15:23

E ng’om ceke ywak ku dwal ma tek, man dhanu ceke kadhu lokaca: ubimone bende kadhu kulo Kibron, man dhanu ceke gikadhu lokaca, yor i langa.

2 Samwil 15:30

Man Daudi idho malu ku yo kum ka m’aidha mi got Zeituni, man ewotho ku ywak; man wie bedo auma, man ewotho ma wara mbe: e dhanu ceke ma gini karacelo kude giumo wigi kubang’gi kubang’gi, man giidho malu, e giwotho ku ywak.

Isaya 16:14

Ento kawono Yehova yero, ewacu kumae, Ma fodi rundi adek kuthum ungo, calu rundi pa jagamsukulia, jubikelo dwong’ mi Moab i cac, kud udul pare ma dit ceke; e donge m’udong’ bibedo nok dit man kabang’e bibedo mbe.

Isaya 22:5

Kum en e ceng’ mi tagu, man mi nyonopiny, mir ang’abacwiny de, m’uai ba Rwoth, Yehova mir udul, i poga mi ginmawokiwang’; rwombri mi gang’kidi, man ywak ma ba gudi.

Isaya 59:7

Tiendgi ringo ba lem ma rac, man gitimo pio kara gicwir rimo m’umbe dubo: pidoic migi en e pidoic mi kier; uvuru man nyoth ni i yo migi.

Yeremia 13:17

Ento tek wubiwinjo maeni ngo, ng’eyong’ec para biywak mung’ mung’ pi kuhaya mu; man wang’a biywak hai, man ebimolo piwang’, kum juyaku udul pa Yehova.

Yeremia 17:16

Pi an, atimo pio ngo ma nia aai i tic pa jakwac i toki; kadok ceng’ mi can de ayenyo ngo; ing’eyo: gin m’uai woko kud i dendhoga eni i weng’i.

Yeremia 4:19

Ndiba para, ndiba para mire! can unega cil i adundena; cwinya ng’abre yor i ia; acopo ling’ ungo; kum iwinjo, E ng’eyong’ec para, badwal mir agwara, en e jampoi mir ali.

Yeremia 4:20

Jukok pi nyoth wi nyoth; kum judwoko ng’om dho ni uvuru: hema para nyothre pio, man bongu m’ang’aba para i nindo ma nyagwil.

Yeremia 48:3

Badwal mi ywak m’uai Horonaim, uvuru man nyoth ma dit!

Yeremia 48:5

Kum gibiidho malu ku ywak kwa ku ka m’utingre ni Luhith; kum i ka m’alura mi Horonaim giwinjo lem ma tek mi ywak mi nyoth.

Yeremia 50:46

Ng’om uyengre ni badwal mi maku Babeli, e ywak uwinjre i kind thek.

Yeremia 9:10

Abimoc ywak ku goyonduru pi gudi, man awu pi kakwae m’i langa, kum giwang’ kot, ketho nia ng’atu moko kadhu ngo kud i ie; kadi dhanu de copo winjo dwand lim ungo; winyo ma kor polo ku yedi de giringo, gimbe.

Kitabu Mir Ang’wende Pa Musa Wel 21:29

Can i wii, Moab! Inyothri, E dhanu mi Kemoc: Emio wote calu ju m’uringo, Man nyige ni ng’eca, Ni Sihon m’ubimo mi Juamori.