Isaya 15:2 - The Holy Bible In Alur (Lur) Revised Orthography

² Giidho malu i Bayith, man i Dibon, ba ka ma malu, niywak: Moab ugoyo nduru kum Nebo, man kum Medeba; wie m’uwang’ ni i wigi ceke, junyaru tik kubang’e kubang’e ceke.

Isaya 15:2 ပူးပေါင်းရင်းမြစ်များ

2 Samwil 10:4

Kum kumeno Hanun ugamu jutic pa Daudi, man elielo theng’ tikgi kucel, man ethumo kendi migi pu, wi adhiggi, e ecikogi.

I Lemkei 19:4

Kum kumeno Hanun ugamu jutic pa Daudi, man elielo kumgi, ethumo kendi migi de pu i diere, cil i adhiggi, e eorogi gicidho.

Kitabu Pa Yob 1:20

Yob ulund uai, e eyeco kanzu pare, man egwaru wie, e epodho piny i ng’om, man erwo;

Isaya 14:31

Goi nduru, E dhugang’; ywaki, E adhura; ing’oi nwe, E Filistia ceke; kum yiro ai ku yor ariwa ma malu, man ng’atu m’udong’ cen umbe i piro pare.

Isaya 15:3

I gengi migi gitwiri gigi ku gonia; wi udi migi, man i ka ma lac migi, ku ba dhanu ku ba dhanu ng’atuman ugoyo nduru, ma gibeywak ko hai.

Isaya 16:12

Man ebitimbre, kinde ma Moab uwodhre gire, kinde m’eol gire wi ka ma malu, man ebibino ba kamaleng’ pare nirwo, nia ebisagu ngo.

Isaya 16:7

Ka kumeno Moab bigoyo nduru pi Moab, ku ba dhanu ceke ng’atuman bigoyo nduru; kum wubiywak pi kwen mi nyingulok mi Kir-hareseth, ma jugoyo kot.

Isaya 22:12

Man i ceng’ maeca Rwoth, Yehova mir udul, ulwong’o ywak ubed nuti, ku goyonduru, ku wie m’uwang’, man twic ma ku gonia:

Isaya 3:24

Man ebitimbre, nia top bibedo ka yath ma jwa jwa ma ber; man uno, ka ruko mi pier; man wie m’uwang’, ka yukwic ma cu; man giratwia mi go nia, ka kanzu; man poyo, ka leng’kum.

Yeremia 3:21

Juwinjo dwal wi ka m’utingre ma lelele, en e ywak ku kwayukwac mi nyithindho mir Israel; kum gigondo yo migi, wigi wil kum Yehova Mungu migi.

Yeremia 47:2

Yehova wacu: Nen, pi ai ku yor ariwa ma malu, man ebidoko ni kulo m’upong’, e ebiumo ng’om ku gin ceke ma ni i ie, adhura ku ju m’ubedo i ie; e dhanu biywak, man ju m’ubedo i ng’om ceke bigoyo nduru.

Yeremia 47:5

Wie m’uwang’ uwok kum Gaza; judwoko Ackelon ni gin mananu, en e donge m’udong’ i poga migi: ibithumbri giri rokani?

Yeremia 48:1

Lembe mi Moab. Yehova mir udul, Mungu mir Israel, uwacu kumae, Can wi Nebo! kum judwoke ni uvuru; Kiriathaim junyayu lewic i wie, jumake; junyayu lewic wi Misgab man jurwombe piny.

Yeremia 48:18

E in i nyaku m’ubedo i Dibon, lor piny ku ba dwong’ peri, man ibed i rieu; kum janyoth mi Moab ubino i kumi, enyotho ka ma tek peri.

Yeremia 48:31

Ka kumeno abigoyo nduru pi Moab; eyo, abiywak pi Moab ceke: gibiywak pi dhanu mi Kirheres.

Yeremia 48:35

Mange ke abiketho ng’atu ma lamu i ka ma malu, man ng’atu ma wang’u udok ma ng’wice ng’ar ni mungu pare ujik i Moab, Yehova wacu.

Yeremia 49:3

Wugoi nduru, E Hecbon, kum judwoko Ai ni uvuru; wuywak, wu nyig Raba, wutwiru ku gonia: wuywaki, man wuring kun ku kun kind gang’; kum Malkam bicidho i ng’eca, julam pare man judongomawijo pare karacelo.

Yeremia 7:29

Nyar yukwii, E Yerusalem, man ibaye cen, man iting’ ywak wi ka m’utingre ma lelele; kum Yehova kwero man ekuno dhanum’utuk mi kwinyo pare.

Ezekiel 27:31

man gibiwang’u wigi gigi piri, man gibitwiri gigi ku gonia, man gibiywak piri i kec mi ng’eyong’ec ku kec mi ywak.

Ezekiel 30:2

Wod dhanu, cu, man iwac kumae, Rwoth Yehova wacu kumae: Wugoi nduru kumae, Can wi ceng’ maeno mire!

Ezekiel 7:18

Gibitwiri gigi ku gonia bende, man ndiri biumogi; lewic bibedo wi wang’ ceke, man wie m’uwang’ wi wigi ceke.

Lembe Mi Julawi 13:40

Man tek yukwi ng’atu moko luny, wie wang’; ento ebedo leng’.

Lembe Mi Julawi 21:5

Ku gigwar wigi, kadok semba tikgi de ku gigwar, kadi kumgi de ku githum.

Amos 8:10

E abiloko agba mu ni ywak, man wer mu ceke ni goyonduru; man abikelo gonia wi pier ceke, man lunywic i wie kubang’e kubang’e; man abikethe calu ywak mi wodo ma kulong’, man kajikne calu ceng’ ma kec.

Kitabu Mir Ang’wende Pa Musa Wel 21:28

Kum mac uai kud i Hecbon, Lebmac ku i adhura pa Sihon: Ewang’u Ar mi Moab, Rwodhi mi ka ma malu mir Amon.

Kitabu Mir Ang’wende Pa Musa Wel 21:30

Wakilogi; Hecbon unyothre cil ba Dibon, Man wanyotho cil kum Nofa, M’utundo kum Medeba.

Kitabu Mir Ang’wende Pa Musa Wel 32:3

Ataroth, ku Dibon, man Yazer, ku Nimra, man Hecbon, ku eleale, man Sebam, man Nebo, ku Beon,

Kitabu Mir Ang’wende Pa Musa Wel 32:38

man Nebo, ku Bal-meon (ma nying’gi lokre), man Sibma: man gimio nying’ mange ni adhura ma gigomo.

Poi Mi Cik 14:1

Wun wu nyithindho pa Yehova Mungu mu: kud wuthumbru giwu, kadi kud wuketh wiwu wang’ temyimwu pir avu.

Poi Mi Cik 34:1

E Musa idho malu kud i pambu mi Moab kum got Nebo, wi bith Pizga, ma ni yo ba Yeriko. E Yehova nyutho ire ng’om Gilead ceke, cil kum Dan,