Isaya 14:1 - The Holy Bible In Alur (Lur) Revised Orthography

¹ Kum kisa binego Yehova kum i Yakobo, e ebifoyo Israel kendo, man ebikethogi i ng’om migi ma dhe: e umondo biribre gire kugi, man gibimoko kum ot pa Yakobo.

Isaya 14:1 ပူးပေါင်းရင်းမြစ်များ

Ester 8:17

Man i ng’etker kubang’e kubang’e, i adhura de kubang’e kubang’e, ka ceke ma tek lembang’ola p’ubimo ku cik pare de wok i ie, Juyahudi gibedo ku mutoro kud anyong’a, kud agba man ceng’ ma ber. Man dhanu dupa ma kind kodhidhanu mi ng’om gidoko Juyahudi; kum lworo mi Juyahudi podho i wigi.

Zaburi 102:13

Ibiai, man kisa binegi kum Sayuni; Kum en e nindo ma ngisi negi ie kume, Eyo, nindo ma jung’olo wok.

Zaburi 102:14

Kum anyong’a nego jutic peri kum kidi pare, Man ngisi negogi kum utur pare.

Zaburi 143:12

Man ni kum mer mi bero peri kab judegina woko, Man inyoth dhanu ceke m’usendo ng’eyong’ec para; Kum an a jatic peri.

Zaburi 98:3

Epoi kum mer mi bero pare man bedo mandha pare yo ba ot mir Israel: Tung’ ng’om ceke gineno both pa Mungu mwa.

Isaya 19:18

I ceng’ maeca adhura abic bibedo nuti i ng’om Misiri ma weco dhu Kanani, man m’ukwong’o kwong’ ni Yehova mir udul; acel jubilwong’o kumae, Adhura mi nyoth.

Isaya 21:1

Ewolembe ma pi langa mi nam. Calu wavuvu ma yor ariwa ma piny ukadhu ma tek, eai kud i langa, kud i ng’om mi ndiri.

Isaya 27:6

I nindo ma bibino Yakobo biguro ulage; Israel bithiwo man ebikudo; e gibipong’o wang’ ng’om ku nying’gi.

Isaya 41:8

Ento in, Israel, ma jatic para, Yakobo m’afoyo, kodhi pa Ibrahim ma jarimba,

Isaya 41:9

in m’agamu kud i tung’ ng’om, man alwong’o kud i gunde, awacu de iri kumae, In i jatic para, afoi man abei woko ngo;

Isaya 44:1

Ento kawono winji, E Yakobo ma jatic para, man Israel, m’agoyo wie:

Isaya 45:14

Yehova wacu kumae, Tic mi muli mi Misiri, man kuloka mir Ethiopia, ku dhanu mi Seba, dhanu ma boco, gibikadhu i beng’i, e gibibedo peri: gibilubo ng’ei; gibibino atwia ku nyoro; man gibipodho piny i beng’i, gibikwayu kwac i beng’i, gibiwacu kumae, Andha Mungu ni kudi; man ng’atu moko mbe, Mungu moko mbe.

Isaya 47:1

Lor piny, man ibed i utur, i Nyababeli ma sumba; bed i ng’om m’umbe komker, E nya Jukaldayo: kum jubilwong’i yom man nwenwe kendo ngo.

Isaya 49:10

Kec kadi rieu de binegogi ngo; kadok lietho kadi ceng’ de bigoyogi ngo: kum ng’atu ma kisa nege i kumgi bitelo wigi, ebitelo wigi cil ba kulo mi pi.

Isaya 49:13

Wuwer, E polo; man anyong’a negi, E ng’om; man wumoj wer, E gudi: kum Yehova juko dhanu pare, man ngisi binege kum jupare ma jusendo.

Isaya 49:15

Wi dhaku copo wil kum nyat’nin pare ma dhothi, ma nia ngisi nege ngo kum nyathin m’i ie? eyo, wi maeni copo wil, ento wia btoril piri ngo,

Isaya 49:25

Ento Yehova wacu kumae, Cil ng’eca pa jarukara jubikabu cen, man jubimio amaci mi weg ndiri; kum abi-ii ku ng’atu m’uii kudi, e abilaru nyithindhi.

Isaya 49:7

Yehova, Jawar mir Israel man Ng’atu Maleng’ pare uwacu kumeni ni ng’atu ma dhanu cayu, ni ng’atu ma thek udagu, ni jatic mi jubim: Ju m’ubimo bineno man gibiai; judongomawijo, e gibirwo; ni kum Yehova ma en e mandha, en e Ng’atu Maleng’ mir Israel, m’ugoyo wii.

Isaya 54:3

Kum ibimoiri mba yo ku cing’ ma yor acwic man ma yor acam; man kodhini bimwonyo thek, man gibiketho adhura m’uvuru bedo ku dhanu.

Isaya 55:7

dong’ jadubo wek yo pare, man won gondri pidoic pare; man wek edwog ba Yehova, e kisa binege i kume; man ba Mungu mwa, kum ebiweko ire ma gwei.

Isaya 56:3

Kadi kud wuyi jawirok, m’uribre gire ba Yehova, uyer, uwac kumae, Yehova bikoya ku dhanu pare andha; kadi kud wuyi jamugumba wac kumae, Nen, an a yen m’uthwo.

Isaya 60:10

Man juwirok bigomo gang’kidi peri, man ju m’ubimo migi bitimo iri: kum agoi i kwinyo para, ento kisa nega i kumi i bero para.

Isaya 60:14

Man wot ju m’usendi bibino aruma i beng’i; man dhanu ceke m’ucei birum gigi the tiendi; e gibilwong’i kumae, Adhura pa Yehova, man, Sayuni pa Ng’atu Maleng’ mir Israel.

Isaya 66:20

E gibikelo utumegwu ceke kud i thek ceke ni girathiera ni Yehova, wi riuni, man i magali, man i Icipoi, man wi kana, man wi ngamia, ba got para ma leng’ Yerusalem. Yehova wacu, calu nyithindho mir Israel ukelo girathiera migi i agulu ma leng’ i ot pa Yehova.

Yeremia 16:15

ento kumae, Calu Yehova bedo kwo, m’uwodho nyithindho mir Israel kud i ng’om ma yor ariwa ma malu, man kud i ng’om ceke m’eriemogi i ie. Man abikelogi kendo i ng’om migi m’amio ni kwarugi.

Yeremia 29:14

E abinwangra iwu, Yehova wacu, man abiloko ng’eca mu kendo, e abicokowu kud i thek ceke, man kud i ka ceke m’ariemowu i ie, Yehova wacu; e abikelowu kendo i ka m’aketho juyakuwu i ie ni ng’eca.

Yeremia 30:8

Man ebitimbre i ceng’ maeca, Yehova mir udul uwacu, nia abituro mberembere pare kud i ng’ute, man abicodo twic peri; e juwirok bidwoke ni ng’eca migi kendo ngo;

Yeremia 31:4

Abigomi kendo, e ibigombri, E nyaku ma sumba mir Israel: ibibedo aruka ku jambruko peri kendo, man ibiwok woko i miel mi ju m’utimo mutoro.

Yeremia 50:33

Yehova mir udul uwacu kumae: Jusendo nyithindho mir Israel ku nyithindho mi Yuda karacelo; man dhanu ceke m’uterogi ni ng’eca gimakugi ki; gikwero weko gicidhi.

Yeremia 51:51

Cwinywa ng’abre, kum wawinjo cac; lewic uumo wang’wa, kum juwirok umondo i kamaleng’ mi ot pa Yehova.

Ezekiel 16:60

Ento abipoi kum lembariba para ma kudi i nindo mir aradu peri, man abiketho lembariba mi nja cungo iri.

Ezekiel 47:22

Man ebitimbre, nia wubipoke ku gagi ni aba iwu man ni juwirok m’ubedo ni umondo i kindwu, ma binyolo nyithindho i kindwu; man gibibedo iwu calu jung’om i kind nyithindho mir Israel; gibibedo kud aba karacelo kudu i kind suru mir Israel.

Zekaria 1:17

Kok kendo, wac kumae, Yehova mir udul uwacu kumae: Adhura para bipong’ hau ku mierolembe; man Yehova bijuko Sayuni, man fodi ebigoyo wi Yerusalem.

Malaki 1:11

Kum ugambre i wok mi ceng’ cil kum mwony mi ceng’ nyinga bibedo dwong’ i kind Thekdhanumange; man i kaka ceke jubithiero udok ma ng’wice ng’ar ni nyinga, man lam ma leng’: kum nyinga bibedo dwong’ i kind Thekdhanumange, Yehova mir udul uwacu.

Luka 1:54

Ekonyo jatic pare Israel, Kara epoi kum kisa

Luka 2:32

En e der mi nyuthonyuth ni Thekdha numange, Man dwong’ mi dhanu peri Israel.