Isaya 13:9 - The Holy Bible In Alur (Lur) Revised Orthography

⁹ Nen, ceng’ pa Yehova bino, ma kisa mbe kude, ku kwinyo man ng’ecwiny ma lake tek; kara edwok ng’om ni uvuru, man kara enyoth judubone kud i ie.

Isaya 13:9 ပူးပေါင်းရင်းမြစ်များ

Zaburi 104:35

Wek judubo githum kud i ng’om. Man wek judubo ku gibed nuti kendo. Mi mugisa ni Yehova, E ng’eyong’ec para. Wupak Yehova.

Lembrieko 2:22

Ento judubo jubikabu woko kud i ng’om, Man weg abombi jubimugo woko kud i ie.

Isaya 13:6

Wugoi nduru; kum ceng’ pa Yehova ni ceng’ni; ebibino calu nyoth m’uai ba Jategokpo.

Isaya 2:12

Kum ceng’ pa Yehova mir udul bibedo nuti wi jukuhaya ceke, man wi ju ma wigi pek ceke, man wi dhanu ceke m’utingri; e jubinyone piny;

Isaya 34:8

Kum ceng’ mi culokwor pa Yehova nuti, man rundi mi cul kum lembe mi Sayuni.

Isaya 63:4

Kum ceng’ mi culokwor ni i adundena, man rundi mi jupara ma juwaru wok.

Isaya 66:17

Ju m’udwokri gigi leng’ man m’ulonjri kara gicidh ba pothi, i ng’ei yen acel i diere, m’ebecamu ring’ kul, ku ginmajudagu, man uyo, gibijik karacelo, Yehova wacu.

Isaya 9:19

Ng’om uwang’ kot ni kum kwinyo pa Yehova mir udul; man dhanu bedo calu jambmac: ng’atu moko mbe ma kisa nege kum wadi.

Ezekiel 13:5

Wuidho malu i ka m’umor ungo, kadi wugomo gang’kidi mi ot mir Israel de ngo, kara gicung i lwiny i ceng’ pa Yehova.

Ezekiel 30:3

Kum cenge ni ceng’ni, en e ceng’ pa Yehova m’eni ceng’nine; ebibedo ceng’ mir afuru nindo mi thek.

Yoel 1:15

Aka cenge! kum ceng’ pa Yehova ni ceng’ni, man calu nyoth ma ai ba Jategokpo ebibino.

Yoel 2:1

Wukudh agwara i Sayuni, man wugoi nduru i got para ma leng’; wek dhanu ceke m’ubedo i ng’om kumgi miel: kum ceng’ pa Yehova bino, kum eni ceng’ni;

Yoel 2:31

Ceng’ bilokre ni mudho, dwi de ni rimo, ma fodi ceng’ ma dit pa Yehova mi ndiri fok’uwok ungo.

Nahum 1:2

Yehova en e Mungu ma jangiri man eculo kwor; Yehova culo kwor man epong’ ku kwinyo; Yehova culo kwor wi jukwoje, man ekanu kwinyo ni judegine.

Nahum 1:6

Ng’a ma copo cungo nyim ng’ecwiny pare? ng’a ma copo bedo i lak ng’ecwiny pare? kwinyo pare konjre woko pami mac, man cana ng’eny kude.

Nahum 1:8

Ento ebijigo kakare ndhu ku pi m’ucore i wie, man ebilubo tok jukwoje cil i mudho.

Zefania 1:15

Ceng’ maeca en e ceng’ mi kwinyo, en e ceng’ mi can ku mono, ceng’ mi nyoth kud uvuru, ceng’ mi piny ma col man abu, ceng’ mir afuru man piny ma col bii,

Zekaria 14:1

Nen, ceng’ pa Yehova bino, ka jubipoko ayeki i kindi.

Malaki 4:1

Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de.

Lembanyutha 18:8

Ka kumeno i ceng’ acel masendi pare biwok, tho, ku can, man ndru; man ebiwang’ kot ku mac; kum Rwoth Mungu m’upoko lembe pare e tek.