Man ebitimbre, nia ng’atu m’upiei ni badwal mi lworo ebipodho i vur; man ng’atu m’uai malu kud i die vur jubimake i uwic: kum wang’ot ma malu bedo ayaba, man theng’om uyengre.
Wung’ai weng’wu malu i polo, man wunen wi ng’om ma piny; kum polo birwinyo woko calu yiro, man ng’om biti calu kendi; e ju m’ubedo i ie bitho kumeca: ento both para bibedo mi nja, man jubinyotho bedopwe para ngo.
En e gin moko ngo iwu, wu ju ma wukadhu akadha ceke? Wunen, man wung’i tek can moko nuti ma calku can para, ma jukelo i wia, Ma Yehova senda kudo i ceng’ mi ng’ecwiny pare ma lake tek.
Man Yehova birundo kud i Sayuni, man ebiting’o dwande kud i Yerusalem; man polo ku ng’om biyengre: ento Yehova bibedo ni kapondo ni dhanu pare, man ka ma tek ni nyithindho mir Israel.
Ento ceng’ pa Rwoth bibino calu jakwo; ceng’ nica polo bikadhu woko ku bamor ma dit, man giki m’i ie de biloi ni lietho mac ma wanga wanga, ng’om de ku tic ma ni ie biwang’ pet.