Isaya 12:6 - The Holy Bible In Alur (Lur) Revised Orthography

⁶ Lwong’ ma tek man ikoki, in i ng’atu m’ubedo i Sayuni; kum Ng’atu Maleng’ mir Israel e dwong’ i kindi.

Isaya 12:6 ပူးပေါင်းရင်းမြစ်များ

Zaburi 132:14

Maeni kayom para mi nja: Abibedo kakeni; kum ayenye.

Zaburi 135:21

Mugisa m’uai kud i Sayuni ubed ni Yehova, M’ubedo i Yerusalem. Wupak Yehova.

Zaburi 46:5

Mungu ni i diere; cwinye biringo ngo: Mungu bikonye, kinde ma piny uru.

Zaburi 68:16

Nedi wucido weng’u, wu gudi ma wiu, Ba got ma Mungu yenyo ni kabedo pare? Eyo, Yehova bibedo i ie mi nja.

Zaburi 71:22

Abipeki de ku nanga, Cil lemandha peri, E Mungu para: Abiwero pak iri kud adungu, In i Ng’atu Maleng’ mir Israel.

Zaburi 89:18

Kum ban mwa en e pa Yehova; Man ubimo mwa en e pa Ng’atu Maleng’ mir Israel.

Zaburi 9:11

Wer pak ni Yehova, m’ubedo i Sayuni: Wuyer tic pare i kind dhanu.

Zaburi 99:2

Yehova e dwong’ i Sayuni; Man eni malu wi kodhidhanu ceke.

Isaya 1:24

Ka kumeno Rwoth, Yehova mir udul, Ng’atu Matek mir Israel uwacu kumae, A, abijukra kum jusend para, man abiculo kwor kum judegina pira;

Isaya 10:24

Ka kumeno Rwoth, Yehova mir udul, uwacu kumae, E dhanu para m’ubedo i Sayuni lworo kud unegwu kum Jaascuri, kadok egoi ku dul, man eting’o uluth pare i kumi, calu kura Misiri.

Isaya 24:14

Joni biting’o dwandgi malu, gibikok; kum dwong’ pa Yehova gikok ma tek kud i nam.

Isaya 24:23

Cwiny dwi bilund ng’abre, man lewic bimaku ceng’: kum Yehova mir udul bicamu ker wi got Sayuni, man i Yerusalem; man dwong’ bibedo nuti wang’ judongo pare.

Isaya 30:19

Kum dhanu bibedo i Sayuni i Yerusalem; ibiywak kendo ngo; ebinyutho bero iri andha kan iywak i bang’e; kinde m’ebiwinjo, ebiloko iri lembe.

Isaya 33:21

Ento Yehova bibedo karacelo kudwa i dwong’ kuca, en e ka mi kulo ma lac man kulo ma nok, ka ma yei mi jukol bicidho i ie ngo kud upol, kadok combo de bikadhu kud i kume ngo.

Isaya 33:24

Man ng’atu m’ubedo i ie biwacu ngo kumae, Kuma lith: jubiweko kier mi dhanu m’ubedo i ie.

Isaya 40:9

E in m’iyero rwonglembe ma ber ni Sayuni, idh malu wi got ma wiu; E in m’iyero rwonglembe ma ber ni Yerusalem, ting’ dwendi malu ku tego; ting’e malu, lworo kud unegi; wac ni adhura mi Yuda kumae, Nen, Mungu mu!

Isaya 41:14

Lworo kud unegwu, in i ukoko ma Yakobo, man wun wu dhanu mir Israel; abikonyi, Yehova wacu, man Jawarni en e Ng’atu Maleng’ mir Israel.

Isaya 41:16

Ibiyekogi, man yamu biduny kugi cen, atido de bikethogi; man anyong’a binegi ni kum Yehova, ibiyungri ni kum Ng’atu Maleng’ mir Israel.

Isaya 49:26

Man abimio cam ni ju m’usendi ku ring’gi gigi; e gibimer ku ring’gi gigi, calku pigulok ma lim lim: e weg kum ceke bing’eyo nia an, Yehova, an a Jalarni, man Jawarai, Ng’atu ma Jatego pa Yakobo.

Isaya 54:1

Wer, E mugumba, in m’inyol ungo; moc ku wer, man ikok ma tek, in m’isendri ngo ku nyodo: kum nyithindho pa ng’atu ma kende gi dupa ma sagu nyithindho pa dhaku ma jugamu, Yehova wacu.

Isaya 60:16

Ibidhodho cak mi thek bende, man ibidhodho thuno mi ju m’ubimo; man ibing’eyo nia an, an a Yehova, an a Jalarni, man Jawarni, ma Ng’atu Matek pa Yakobo.

Isaya 8:18

Nen, an ku nyithindho ma Yehova mio ira wan wa mi giranyutha ku musana i Israel m’uai ba Yehova mir udul, m’ubedo wi got Sayuni.

Yeremia 10:6

Ng’atu moko mbe ma calu in, E Yehova; in i dit, man nyingi dit i tego.

Ezekiel 35:10

Kum iwacu kumae, Thek ario maeni man ng’om ario maeni gibibedo para, e wabimwonye; ento Yehova ni kuca:

Ezekiel 39:7

Man abiketho nyinga ma leng’ ung’eire i kind dhanu para Israel; kadi abiyio jucido nyinga ma leng’ kendo ngo: thek bing’eyo nia an a Yehova, Ng’atu Maleng’ mir Israel.

Ezekiel 43:7

Man ewacu ira kumae. Wod dhanu, maeni ka mi komker para, man ka die tienda, ka in’abibedo ie i kind nyithindho mir Israel mi nja. Man ot mir Israel bicido nyinga ma leng’ kendo ngo, kadok gin, kadi ju m’ubimo migi, kud asara migi, man kud avu ju m’ubimo migi i ka ma malu migi;

Ezekiel 48:35

Ebibedo bol rubanga apar wi abora gbur: man nying adhurane ugambre i ceng’ maeca bibedo kumae, Yehova ni kuca.

Ezekiel 48:8

Man kum kieu pa Yuda, ugambre i ng’ete ma yo nyangu cil kum ng’ete ma yo reto, bibedo girathiera ma wubithiero, kalacne bol rubanga pier ario wi abic, man kaborne ro ku makapiny acel, ugambre i ng’ete ma yo nyangu cil kum ng’ete ma yo reto: man kamaleng’ bibedo i kinde.

Hoseya 11:9

Abitimo ku lak ng’ecwiny para ngo, abidwogo ninyotho Efraim ungo: kum an a Mungu, an a dhanu ngo; Ng’atu Maleng’ i kindi; e abibino ku kwinyo ngo.

Yoel 2:27

E wubing’eyo nia ani i kind Israel, man nia an a Yehova Mungu mu, man ng’atu moko mange mbe; e jubinyayu lewic wi dhanu para ki ngo.

Zefania 2:5

Can wi ju m’ubedo dhu nam, thek mi Jukerethi! lembe pa Yehova ni i wiwu, E Kanan, ng’om mi Jufilisti; abinyothi, kara jabedo moko bed umbe.

Zekaria 2:5

Kum an, Yehova wacu, abibedo ire ni gang’ mi mac m’utieke gbur, man abibedo ni dwong’ i diere.

Zekaria 2:9

Kum, nen, abiyengo cinga i wigi, e gibibedo ni ayeki ni ju m’utimo igi; e wubing’eyo nia Yehova mir udul uora.

Kitabu Mir Ang’wende Pa Musa Wel 23:21

Eneno dubo i Yakobo ngo; Kadok kier de eneno ngo i Israel: Yehova Mungu pare ni karacelo kude, Man kok mir ubimo ni i kindgi.

Poi Mi Cik 23:15

Kud idwok ng’eca ba rwodhe tek epiei ebino i beng’i: