Isaya 12:1 - The Holy Bible In Alur (Lur) Revised Orthography

¹ Man i ceng’ maeca ibiwacu kumae, Abifoi, E Yehova; kum kadok naka ng’ecwiny negi i kuma, ng’ecwiny peri lokre cen, man ijuka.

Isaya 12:1 ပူးပေါင်းရင်းမြစ်များ

Nehemia 8:10

Elund ewacu igi kumae, Wucidh i yo mu, wucam gin ma mio, man wumadh gin ma jom, e wuor ng’et piny ba ng’atu ma juyiko gin moko ire ngo; kum tin en e ceng’ ma leng’ ni Rwoth mwa: kadi can de kud unegwu; kum anyong’a pa Yehova en e tego mu.

Kitabu Pa Yob 11:16

Kum wii biwil kum ndiba peri; Ibipoi pire calu pi m’umol.

Kitabu Pa Yob 13:16

Maeni bende bibedo both para, Nia ng’atu m’ayi Mungu mbe i kume kud ubin i wang’e.

Zaburi 30:5

Kum ng’ecwiny pare en e mi nindo ma nyanok; Kwo ni i bero pare: Ywak copo bedo ku diewor, Ento anyong’a bino kugweno.

Zaburi 71:21

Med dwong’ para, Man ilokri kendo ijuka de.

Zaburi 85:4

Lokwa, E Mungu mi both mwa, Man keth ng’ecwiny peri ma yor i bang’wa thum.

Zaburi 86:17

Nyuth ira giranyutha mi bero, Kara ju m’udaga ginene, man lewic umakgi, Kum in, Yehova, ikonya, man ijuka.

Zaburi 9:1

Abifoyo Yehova kud adundena ceke; Abinyutho tic peri ceke ma wang’u ijo.

Isaya 10:25

Kum fodi nindo dong’ nyandwikili, e kwinyo bitimbre kakare i kumi, man ng’ecwiny para kum nyoth pare.

Isaya 10:4

Gibigung’ piny kende the jukol, man gibipodho the ju ma junego. Kadok maeni ceke timbre ng’ecwiny pare lokre cen ungo, ento cinge rieire asu.

Isaya 11:16

E gengi bibedo nuti ni dong’ dhanu pare, ma bidong’, m’uai Ascur; calu ma yang’ ebedo ni Israel i ceng’ m’eidho ie malu kud i ng’om Misiri.

Isaya 14:3

Man ebitimbre i ceng’ ma Yehova bimio iri yom i can peri man ni ang’abacwiny peri, man ni tic ma tek ma juketho itimo i ie,

Isaya 2:11

Jubijwigo wang’ mi tingri mi dhanu, man jubinyono kuhaya mi dhanu, e jubidodo Yehova kende i ceng’ maeca.

Isaya 25:1

Yehova, in i Mungu para; abidodi, abipaku nyingi; kum itimo gin ma wang’u ijo, cil lembapora ma con, ibedo mandha i lemandha de.

Isaya 25:9

E jubiwacu i ceng’ maeca kumae, Nen, maeni Mungu mwa; wakure, e ebibodhowa: maeni Yehova; wakure, anyong’a ku mutoro binegowa i both pare.

Isaya 26:1

I ceng’ maeca jubiwero wer maeni i ng’om mi Yuda: Wabedo kud adhura ma tek; ebiketho both ni gang’kidi ku ot ma tek.

Isaya 35:10

e ju ma juwaru pa Yehova bidwogo, man gibibino ku wer ba Sayuni; man mutoro mi nja bibedo i wigi: e gibinwang’u mutoro kud anyong’a, e can ku gamucwiny bipiei woko.

Isaya 49:13

Wuwer, E polo; man anyong’a negi, E ng’om; man wumoj wer, E gudi: kum Yehova juko dhanu pare, man ngisi binege kum jupare ma jusendo.

Isaya 51:3

Kum Yehova juko Sayuni; ejuko kar uvuru pare ceke, man edwoko langa pare calu Aden, man ng’omngele pare calu podho pa Yehova; mutoro kud anyong’a binwangre i ie, man foyofoc, ku dwal mi werower.

Isaya 54:7

Kum aweki mi nindo ma nyanok; ento abicoki ku kisa ma dit.

Isaya 54:8

I kwinyo ma nok apanu wang’a iri i nindo ma nyathigi; ento kisa binega i kumi ku mer mi bero mi nja, Yehova ma Jawarni wacu.

Isaya 54:9

Kum maeni en e calu pi pa Noa ira; kum calu akwong’o nia pi pa Noa biumo ng’om kendo ngo, e akwong’o nia kwinyo binega kendo ngo i kumi kumeca, kadi ajuka de abijuki ngo.

Isaya 60:10

Man juwirok bigomo gang’kidi peri, man ju m’ubimo migi bitimo iri: kum agoi i kwinyo para, ento kisa nega i kumi i bero para.

Isaya 61:10

Anyong’a binega dit ni kum Yehova, anyong’a binego ng’eyong’ec para ni kum Mungu para; kum eronya ku kendi mi both, euma ku kanzu mi bedopwe, calu won ambadha rukre gire ku jambruko, man calu mugole rukre gire ku jambruko pare.

Isaya 64:5

Irombo ku ng’atu m’anyong’a nege man m’utimo bedopwe, ju m’upoi piri i yo peri: nen, kwinyo negi, man wadubo: wabedo i igi ugambre con; e wabibothi?

Isaya 65:18

Ento mutoro kud anyong’a negwu thiri thiri i gin m’acwio; kum, nen, acwio Yerusalem ni anyong’a, man dhanu pare ni mutoro.

Isaya 66:13

Calu ng’atu ma min juko, e abijukowu kumeca; e wubibedo ajuka i Yerusalem.

Yeremia 30:19

Man foyofoc biai i bang’gi ku dwand ju m’utimo mutoro: e abimedogi, man gibibedo nok ungo; abiyungogi bende, e gibibedo nweng’ ungo.

Yeremia 31:13

E anyong’a bilund nego nyaku ma sumba i miel, kud awobi man judongo karacelo; kum abiloko ywak migi ni mutoro, man abijukogi, man abiketho anyong’a negogi ni can migi.

Hoseya 11:8

Abiweki nenedi, Efraimi? abibei woko nenedi Israeli? abidwoki calu Adma nenedi? abikethi calu Zeboim nenedi? adundena lokre yor i ia, ngisi para opo karacelo.

Hoseya 6:1

Wubin wadwoga ba Yehova; kum eyeco, man ebicanguwa; egoyo, man ebiriwo wang’ kumwa.

Zekaria 1:16

Ka kumeno Yehova wacu kumae: Adwogo Yerusalem ku kisa; ot para bigombre i ie, Yehova mir udul uwacu, man jubitelo thol wi Yerusalem.

Zekaria 14:20

I ceng’ maeca lembe bibedo wi ngara mi riuni kumae, LENG’ NI YEHOVA: man ajiku i ot pa Yehova bibedo calu tabu i wang’ pemblam.

Zekaria 14:9

Man Yehova bibedo Ubimo wi ng’om yu: i ceng’ maeca Yehova bibedo acel, nyinge de acel.

Zekaria 8:11

Ento kawono abibedo ni dong’ dhanu maeni calu i ceng’ ma kwong’a ngo, Yehova mir udul uwacu.

Zekaria 8:19

Yehova mir udul uwacu kumae, Wekocam mi dwi mir ang’wende, man wekocam mir abije, man wekocam mir abirone, man wekocam mir apaje, bibedo ni anyong’a ku mutoro, man agba mir anyong’a ni ot mi Yuda; ka kumeno wumar lemandha ku kwiocwiny.

Jurumi 11:15

Kum tek cor ma jucoro kogi cen en e pot ma jupoto ko ng’om, joi ma jujolo kogi ke bibedo girang’o, ndhu kwo ngo m’uai ba ju m’utho?