Isaya 11:9 - The Holy Bible In Alur (Lur) Revised Orthography

⁹ Gibitimo rac kadi nyotho de ngo kum got para ma leng’ ceke; kum ng’om bibedo pong’ ku ng’eyong’ec pa Yehova, calu pi umo ng’om.

Isaya 11:9 ပူးပေါင်းရင်းမြစ်များ

Kitabu Pa Yob 5:23

Kum kindwu biripo ku kidi mi podho; Man kindwu bipoto ku yedi m’i thim.

Zaburi 72:19

Man mugisa mak nyinge mi dwong’ mi nja; Man wek ng’om ngung’ upong’ ku dwong’ pare. Amen, man Amen.

Zaburi 78:54

Man ekelogi ba kieu mi kamaleng’ pare, Ba got maeni, ma cingi ma yor acwic ung’iewo.

Isaya 11:13

Nyeko pa Efraim bende biai, man jubikabu ju m’usendo Yuda woko: nyeko binego Efraim ungo kum Yuda, man Yuda bisendo Efraim ungo.

Isaya 11:8

Man nyathin ma dhoth bituko wi odpino, man nyathin m’ukwiro cak biketho cinge dhu odbunyo.

Isaya 2:4

Man ebipoko lembe i kind thek, e ebing’olo lembe pi kodhidhanu dupa; man gibithiedho palamularu migi ni kwejdhiang’, man tong’ migi ni uligu mi lwero piny; thek biting’o palamularu ngo kum thek, kadok lwiny de gibiponjo kendo ngo.

Isaya 30:26

Mange ke der mi dwi bibedo calu der mi ceng’, man der mi ceng’ jubimedo wang’ abiro, calu der mi ceng’ abiro, i ceng’ ma Yehova twio ie wang’ lero mi dhanu pare, man m’ecangu ie goc mi rem migi.

Isaya 32:16

Pokolembe bilund bedo i langa; man bedopwe bibedo i podho ma cek hai.

Isaya 33:6

Man jamjeng’ bibedo nuti i nindo peri, en e dit mi both, ku rieko, man ng’eyong’ec: lworo Yehova en e piny m’akana peri.

Isaya 35:9

Umvor moko bibedo kuca ngo, kadi yedi ma kwiny moko biidho i wie ngo; jubinwang’ugi kuca ngo; ento ju ma juwarugi biwotho kuca:

Isaya 45:6

kara ging’ei ugambre i wokceng’, man ugambre yo reto, nia ng’atu moko mbe m’umeda: an a Yehova, man ng’atu moko mange mbe.

Isaya 49:6

eyo, ewacu kumae, En e gin ma yot hai nia ibed jatic para ya iting’ suru pa Yakobo malu, man idwok ju m’ubedo agwoka mir Israel: abimii bende ni der ni Thekdhanumange, kara ibed ni both para cil i kajik mi ng’om.

Isaya 52:10

Yehova wanyu bote ma leng’ i wang’ thek ceke; man kajik mi ng’om ngung’ uneno both pa Mungu mwa.

Isaya 54:5

Kum Jacwic peri en e nico peri; nyinge Yehova mir udul: man Ng’atu Maleng’ mir Israel en e Jawarni; jubilwong’e Mungu mi ng’om ngung’.

Isaya 56:7

gin nini abiterogi ba got ma leng’ para, man abinyayu mutoro i igi i ot mi rwo para: lam m’awang’a migi ku lam migi biyire wi pemblam para; kum jubilwong’o ot para ot mi rwo ni kodhidhanu ceke.

Isaya 59:19

Kum kumeno gibilworo nying’ Yehova gambre yo reto, man dwong’ pare gambre i wokceng’. Ka jadegi bino calu kulo m’utuk, Tipo pa Yehova biketho eringo.

Isaya 65:25

Urudi ku nyathi rombo bicamu karacelo, man umvor bicamu soka calu koni dhiang’; e utur bibedo cemo mi thwol. Gibitimo rac ungo kadi nyotho de ngo wi got ma leng’ para ceke, Yehova wacu.

Isaya 66:18

Kum ang’eyo tic migi ku pidoic migi: nindo bino, m’abicoko ie thek ceke ku leb ceke; e gibibino, man gibineno dwong’ para.

Isaya 66:20

E gibikelo utumegwu ceke kud i thek ceke ni girathiera ni Yehova, wi riuni, man i magali, man i Icipoi, man wi kana, man wi ngamia, ba got para ma leng’ Yerusalem. Yehova wacu, calu nyithindho mir Israel ukelo girathiera migi i agulu ma leng’ i ot pa Yehova.

Yeremia 31:23

Yehova mir udul, Mungu mir Israel uwacu kumae, Gibiweco wec maeni i ng’om mi Yuda man i adhurane, kinde m’adwoko ng’eca migi kendo; Yehova mi mugisa iri, E kabedo mi bedopwe, E gudi mi leng’cwiny.

Yeremia 31:34

Man ku ba dhanu ku ba dhanu ng’atuman biponjo wagi kendo ngo, man ku ba dhanu ku ba dhanu ng’atuman biponjo umin ungo, ma nia giwac kumae, Ng’ei Yehova; kum gin ceke gibing’eya, ugambre kum ma nok m’i kindgi cil kum ma dit m’i kindgi, Yehova wacu: kum abiweko kier migi, man abipoi kendo ngo pi dubo migi.

Ezekiel 34:25

Man abitimo lembariba mi kwiocwiny kugi man abiketho yedi ma kwiny ujik kud i ng’om; e gibibedo museme i langa, man gibinindo i luli.

Ezekiel 47:5

Yo ku ng’eye eporo rubanga acel; man en e kulo ma dit m’acopo kadhu kud i ie ngo; kum pige dongo, en e pi ma jukwang’ i ie akwang’a, en e kulo ma dit ma jucopo kadhu ngo.

Daniel 11:45

Man ebiguro hema mi odker pare i die nam ku got ma leng’ ma ber; ento ebitundo kum kajikne, man ng’atu moko mbe ma bikonye.

Daniel 12:4

Ento in, E Daniel, cik dhu lembene, man imwon ayi kum kitabu, cil i nindo mi kajikne: dupa biringo kun ku kun, man ng’eyong’ec bimedre.

Hoseya 2:18

Man i ceng’ maeca abitimo lembariba igi ku yedi m’i thim, man ku winyo m’i polo, man ku gin ma lak i ng’om: man abituro atum ku palamularu ku lwiny kud i ng’om, man abiketho givuto piny museme.

Yoel 3:17

Ka kumeno wubing’eyo nia an a Yehova Mungu mu, m’abedo i Sayuni got para ma leng’: Yerusalem bilund bedo leng’, man juwirok moko bikadhu kud i kinde kendo ngo.

Habakuk 2:14

Kum ng’om bipong’ ku ng’eyong’ec mi dwong’ pa Yehova, calu pi umo nam.

Zekaria 14:9

Man Yehova bibedo Ubimo wi ng’om yu: i ceng’ maeca Yehova bibedo acel, nyinge de acel.

Zekaria 8:3

Yehova wacu kumae: Adwogo Sayuni, man abibedo i kind Yerusalem: e jubilwong’o Yerusalem Adhura mi lemandha; man got pa Yehova mir udul kumae, Got ma leng’.

1 Jutesaloniki 5:15

Nen nia ng’atu moko kud ucul gin ma rac ni wadi ka wang’ gin ma rac; ento elub pare tok gin ma ber thiri thiri, ng’atuman ni wadi man ni wadi, man ni dhanu ceke.

Lembanyutha 21:27

man gin moko m’ucido, kadi ng’atu ma timo gin mir adegi ku ndra de, bimondo i ie ki ngo: ndhu ju ma jugorogi i kitabu mi kwo pa Nyathi Rombo kendgi.