Isaya 11:3 - The Holy Bible In Alur (Lur) Revised Orthography

³ Man anyong’a pare bibedo i lworo pa Yehova; man ebipoko lembe ngo calku nen mi wang’e, kadok ajuka de ebijuko ngo calku winjo m’i ithe;

Isaya 11:3 ပူးပေါင်းရင်းမြစ်များ

2 Samwil 14:17

Bong’ peri lund uwacu kumae, Akwei, wek lembe pa rwoth para m’ubimo ubed mi juk; kum calu malaika pa Mungu, rwoth para m’ubimo bedo kumeca m’eng’io ko gin ma ber ku gin ma rac: e Yehova Mungu peri bed kudi.

2 Samwil 14:8

E ubimo wacu ni dhakune kumae, Dok i ot peri, man abimio lembang’ola piri.

1 Ubimo 3:28

E Israel ceke winjo pi lembapoka m’ubimo poko; e gilworo ubimo: kum gineno nia rieko pa Mungu ni i ie, kara utim lembapoka ma pwe.

1 Ubimo 3:9

Ka kumeno mi adunde mi ng’eyong’ec ni jatic peri m’epok ko lembe wi dhanu peri, kara ang’i kind gin ma ber ku gin ma rac; kum ng’a ma copo poko lembe mi dhanu peri maeni ma diti?

Kitabu Pa Yob 12:11

Ith mulo lembe ngo, Cil calu dhok bilo cemo pare?

Kitabu Pa Yob 34:3

Kum ith ponjo lembe, Calu dhok bilo cemo.

Lembrieko 2:5

Ibuund ng’eyo lworo pa Yehova, Man ibinwang’u ng’eyong’ec pa Mungu.

Lembrieko 2:9

Ibilund ng’eyo bedopwe ku pokolembe, Man lembatira, eyo, ku ba yo ceke ma ber.

Isaya 33:6

Man jamjeng’ bibedo nuti i nindo peri, en e dit mi both, ku rieko, man ng’eyong’ec: lworo Yehova en e piny m’akana peri.

Ezekiel 45:8

I ng’ombe ebibedo ire ni piny i Israel: man judongomawijo bisendo dhanu para kendo ngo; ento gibimio ng’ombe ni ot mir Israel calku suru migi.

Mika 4:3

man ebipoko kind kodhidhanu dupa, man ebipoko lembe ni thek ma jukero bor ngbir: e gibithiedho palamularu migi ni kwejdhiang’, man tong’ migi ni uligu; thek biting’o palamularu kum thek ungo, kadok ponjo ng’eyo ali de gibiponjo kendo ngo.

Luka 2:52

E Yesu dongo man ecikucidho i rieko, man i bero ni Mungu ku dhanu bende.

Yohana 2:25

kum eyenyo ngo nia ng’atu moko nyuth lembe pi dhanu; kum eng’eyo en lembe ma nuti i dhanu.

Yohana 7:24

Kud wupok lembe calu m’anena, endre wupok lembapoka ma pwe.

Juebrania 5:14

Ento cam m’alili en e ni dhanu m’uteng’ni, gi ju ma ni kum timo ma gitimo ng’eyong’ec migi bedo ayika mi ng’io gin ma ber ku gin ma rac.

1 Samwil 16:7

Ento Yehova wacu ni Samwil kumae, Kud inen wang’e, kadi kadongone; kum akwere: kum Yehova neno calu dhanu neno ngo; kum dhanu neno ayi ma yo woko, ento Yehova neno yo i adunde.