Isaya 11:2 - The Holy Bible In Alur (Lur) Revised Orthography

² Man Tipo pa Yehova bibedo i wie, tipo mi rieko man ng’eyong’ec, tipo mi lembapora ku tego, tipo mi ng’eyong’ec man mi lworo pa Yehova.

Isaya 11:2 ပူးပေါင်းရင်းမြစ်များ

2 Samwil 23:3

Mungu mir Israel uwacu kumae, Cana mir Israel uweco i bang’a: Ng’atu m’ubimo wi dhanu pwe, M’ubimo ku lworo pa Mungu,

Zaburi 72:2

Ebipoko lembe mi dhanu peri ku bedopwe, Man jucan peri ku lembapoka.

Ai 28:3

Man iyer ni dhanu ceke m’adundegi riek, m’apong’ogi ku tipo mi rieko, ya gitim kendi pa Harun kara udwoke leng’, kara etim ira i tic ma pa jalam.

Isaya 28:6

man tipo mi poko lembe ni ng’atu m’ujany i pokolembe, man tego ni ju m’uloko ali cen ku i dhugang’.

Isaya 32:15

cil ma jubikonjo ko Tipo m’uai malu i wiwa, man langa udok ni podho ma cek hai, man podho ma cek hai jubiwacu ya luli.

Isaya 42:1

Nen, jatic para, m’ajengo; ng’atu m’afoya para, ma anyong’a nego cwinya i kume: aketho Tipo para i wie; ebikelo pokolembe ba Thekdhanumange.

Isaya 48:16

Wubin ceng’ni an, wuwinj maeni; ugambre i thangambere ayero mung’ mung’ ungo; ugambre i nindo m’enuti, ani keca: man kawono Rwoth Yehova ora, man Tipo pare.

Isaya 59:21

Man pira, maeni lembariba para ma wakugi, Yehova wacu: Tipo para ma ni i wii, man lembe para m’aketho i dhogi, biai kud i dhogi ngo, kadi kud i dhu kodhini de ngo, kadi kud i dhu kodhi mi kodhini de ngo, Yehova wacu, ugambre kawono cil nja.

Isaya 61:1

Tipo pa Rwoth Yehova ni i wia; kum Yehova wira kara ayer rwonglembe ma ber ni ju ma mol; eora kara acang cwiny ju m’utur, kara ayer pi gony ni ng’eca, man pi yabu dhu kol ni ju ma jutwio;

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Zekaria 4:6

Elund eloko lembe ewacu ira, ewacu kumae, Maeni lembe pa Yehova ni Zerubabel, kumae, Ku kero ngo, kadi ku tego de ngo, ento ku Tipona, Yehova mir udul uwacu.

Matayo 3:16

Yesu de, kan emaku baputisi, eai malu tho kud i pi: nen, polo yabre ire, man eneno Tipo Mungu beloro calu akuru, ebino de i wie;

Yohana 14:17

en e Tipo mi lemandha: ma ng’om copo jolo ngo; kum enene ngo, kadok ang’eya de eng’eye ngo; wun re wung’eye; kum ebedo i beng’wu, man ebibedo i iwu.

Yohana 15:26

Ento ka Jajuk ubino, m’abioro i beng’wu m’uai ba Wego, en e Tipo mi lemandha, m’uai ba Wego, ebinyutho lembe pira:

Yohana 16:13

Ento kan ebibino, en e Tipo mi lemandha, ebitelo wiwu i lemandha ceke: kum ebiyero gire ngo; ento gin ma tek ewinjo, e ebiyero ginde: man ebiyero iwu pi gin ma bibino.

Yohana 3:34

Kum ng’atu ma Mungu oro yero lembe pa Mungu: kum Mungu mio Tipo pa Mungu: kum Mungu mio Tipo ku mukero ngo.

Tic Mi Jukwenda 10:38

en e Yesu ma Nazareti, maram Mungu wire ko ku Tipo Maleng’ ku tego bende: m’ebedewotho ko awotha ku timo ber, ku keyo kum dhanu ceke ma wonabali voyogi; kum Mungu ni kude.

1 Jukorinto 1:30

Ento wun re wuai i bang’e i Kristu Yesu, ma judwoke iwa ni rieko m’uai ba Mungu, man bedopwe ku dwokrileng’, man war:

Poi Mi Cik 34:9

Man Yocuwa ma wod Nun upong’ ku tipo mi rieko; kum Musa ketho cinge i wie: man nyithindho mir Israel uwinjo dwande, man gitimo calu Yehova ng’olo ni Musa.

2 Timoteo 1:7

Kum Mungu ku mio iwa cwiny mi lworo ngo; ento mi tego, ku mi mer, ku kweri ma jukweri ko gijo.

Lembanyutha 1:4

Yohana ni kanisa abiro ma tic i Asia: Bero iwu man kwiocwiny, m’uai ba ng’atu ma tic ma yang’ de etie m’ebibino de: m’uai de ba Tipo abiro ma gini nyim komker pare;