Isaya 11:16 - The Holy Bible In Alur (Lur) Revised Orthography

¹⁶ E gengi bibedo nuti ni dong’ dhanu pare, ma bidong’, m’uai Ascur; calu ma yang’ ebedo ni Israel i ceng’ m’eidho ie malu kud i ng’om Misiri.

Isaya 11:16 ပူးပေါင်းရင်းမြစ်များ

Ai 14:22

E nyithindho mir Israel umondo i die nam ku wi ng’om m’uthwo: e pi bedo ni gang’ igi yo ku cing’gi ma yor acwic, man yo ku cing’gi ma yor acam.

Isaya 1:9

Tek Yehova mir udul kuweko iwa nyathi dong’ dhanu moko ngo, kuno di wabedo calu Sodoma, kuno di wabedo calu Gomora.

Isaya 10:20

Man ebtimbre i ceng’ maeca, nia dong Israel m’udong’, ku ju m’uboth mi ot pa Yakobo, bijengri kendo ngo kum ng’atu m’ugoyogi, ento gibijengri kum Yehova, Ng’atu Maleng’ mir Israel, i lemandha.

Isaya 11:11

Man ebitimbre i ceng’ maeca, nia Rwoth biketho cinge kendo wang’ arionde kara egam dong’ dhanu pare, ma bidong’, kud i Ascur, man kud i Misiri, man kud i Pathroc, man kud i Kuc, man kud i Elam, man kud i Cinar, man kud i Hamath, man kud i cula mi nam.

Isaya 19:23

I ceng’ maeca yo ma lac biai i Misiri bitundo Ascur, e Jaascuri bimondo i Misiri, man Jamisiri i Ascur; e Jumisiri birwo karacelo ku Juascuri.

Isaya 27:13

Man ebitimbre i ceng’ maeca, nia jubikudho agwara ma dit; e’gibibino ma gi ceng’ni rwinyo i ng’om mir Ascur, ku ju ma juriemo i ng’om mi Misiri; e gibirwo ni Yehova wi got ma leng’ i Yerusalem.

Isaya 49:11

Man abidwoko gudi para ceke ni yo, man abidodo gengi para.

Isaya 49:12

Nen, maeni biai ku bor; man, nen, maeni biai yor ariwa ma malu ku yo reto; man maeni biai kud i ng’om Sinim.

Isaya 51:10

En e in ungo m’idwono nam, pi mi nam ma dit; m’idwoko die nam ni yo ni ju ma juwaru ukadh i wie?

Isaya 57:14

Man ebiwacu kumae, Wubol malu, wubol malu, wuyik yo, wukab gin ma redho jo kud i yo mi dhanu para.

Isaya 62:10

Wukadhi, wukadh ku dhugang’; wuyik yo mi dhanu; wudhur, wudhur gengi ma malu; wuwodh kidi; wuting’ abera malu mi kodhidhanu.

Zefania 2:7

Man dhu wath bibedo ni dong’ dhanu mi ot pa Yuda; gibikwayu udul rombe migi keca; gibivuto uthieno i udi mi Ackelon; kum Yehova Mungu migi biliewogi, man ebidwoko ng’eca migi.