Isaya 11:12 - The Holy Bible In Alur (Lur) Revised Orthography

¹² Man ebiting’o abera ni thek, e ebicoko ju ma juriemo mir Israel, man ebicoko ju ma julalugi mi Yuda kud i tung’ ng’om ang’wen.

Isaya 11:12 ပူးပေါင်းရင်းမြစ်များ

Zaburi 107:3

Man m’ecoko kud i ng’om, Ku yo nyangu man ku yo reto, Ku yor ariwa ma malu man ku yor ariwa ma piny.

Zaburi 147:2

Yehova gomo Yerusalem; Ecoko dhanu mir Israel ma julalu karacelo.

Zaburi 60:4

Imio abera ni ju m’ulwori, Kara juting’e malu ni kum lemandha. [Sela.

Zaburi 68:22

Rwoth uwacu kumae, Abikelo kendo kud i Bacan, Abikelogi kendo kud i thuth mi nam;

Isaya 11:10

Man ebitimbre i ceng’ maeca, nia ulag Yese, m’ucungo ni abera ni kodhidhanu, thek biyenyo i bang’e; man kayom pare bibedo mi dwong’.

Isaya 18:3

Wu dhanu ceke ma wubedo i ng’om, man wun umondo ma wi ng’om, kinde ma juting’o abera malu wi gudi, wunen; man kinde ma jukudho agwara, wuwinji.

Isaya 24:16

Ugambre i ng’et ng’om ma wi tung’ w a winjo wer kumae; Dwong’ ni weg bedopwe. Ento awacu kumae, An a jacan, an a jacan, can i wia mire! weg abombi gitimo kud abombi; eyo, weg abombi gitimo kud abombi ma dit.

Isaya 27:13

Man ebitimbre i ceng’ maeca, nia jubikudho agwara ma dit; e’gibibino ma gi ceng’ni rwinyo i ng’om mir Ascur, ku ju ma juriemo i ng’om mi Misiri; e gibirwo ni Yehova wi got ma leng’ i Yerusalem.

Isaya 43:6

abiwacu ni yor ariwa ma malu kumae, Wodhi; man ni yor ariwa ma piny kumae, Kud icer; kel wota ku bor, man nyiga kud i kajik mi ng’om;

Isaya 49:22

Rwoth Yehova wacu kumae, Nen, abiting’o cinga ba thek, man abiting’o abera para ni kodhidhanu; e gibikelo woti i korgi, man gibiyeyo nyigi wi gokgi.

Isaya 49:5

Kawono Yehova m’ung’ina kud i ic kara abed jatic pare, kara adwok Yakobo kendo i bang’e, man kara jucok Israel i bang’e (kum abedo mi yung i wang’ Yehova, man Mungu para doko ni tegona) ewacu kumae;

Isaya 54:7

Kum aweki mi nindo ma nyanok; ento abicoki ku kisa ma dit.

Isaya 56:8

Rwoth Yehova, m’ucoko ju ma jubayu mir Israel, uwacu kumae, Fodi abicoko jumange i bang’e, medo jupare ma dhe ma jucoko.

Isaya 59:19

Kum kumeno gibilworo nying’ Yehova gambre yo reto, man dwong’ pare gambre i wokceng’. Ka jadegi bino calu kulo m’utuk, Tipo pa Yehova biketho eringo.

Isaya 60:4

Ting’ weng’i gbur, man inen: kagi ceke gicokri karacelo, gibino i beng’i; woti biai ku bor, man jubiyeyo nyigi ku bot.

Isaya 62:10

Wukadhi, wukadh ku dhugang’; wuyik yo mi dhanu; wudhur, wudhur gengi ma malu; wuwodh kidi; wuting’ abera malu mi kodhidhanu.

Isaya 66:19

E abiketho giranyiitha i kindgi, man abioro wadi ju m’uboth m’i kindgi ba thek, ba Tarcic, ku Pul, man Lud, ma kilo atum, ba Tubal, man Yavan, ba cula bor cen, ma fod uwinjo pira ngo, kadok dwong’ para de gineno ngo; man gibiyero pi dwong’ para kind thek.

Yeremia 23:3

Man abicoko dong udul rombe para kud i ng’om ceke m’ariemogi i ie, man abikelogi kendo ba kwac migi; e gibinyai gibimedri de.

Yeremia 30:17

Kum abidwoko leng’kum iri, man abicangu lero peri, Yehova wacu; kum gilwong’i ng’atu ma jubayu, giwacu kumae, En e Sayuni, ma ng’atu moko mbe m’uyenyo.

Yeremia 50:4

I ceng’ maeca, man i nindo maeca, Yehova wacu, nyithindho mir Israel bibino, gin ku nyithindho mi Yuda karacelo; man gibiwotho i yo migi ku ywak, e gibiyenyo Yehova Mungu migi.

Yeremia 51:12

Keth abera malu kum gang’kidi mi Babeli, dwok kume tek, keth jukurne, yik kapondo; kum Yehova keco man etimo gin m’eyero pi ju m’ubedo i Babeli.

Ezekiel 28:25

Rwoth Yehova wacu kumae: Kinde m’abicoko ot mir Israel ku kind kodhidhanu ma julalugi i ie, man kinde ma jubidwoka leng’ ni kumgi i wang’ thek, gibilund bedo i ng’om migi ma dhe m’amio ni jatic para ma Yakobo.

Hoseya 1:11

Man nyithindho mi Yuda ku nyithindho mir Israel jubicokogi karacelo, e gibiketho igi wie acel, man gibiai kud i ng’om; kum ceng’ pa Yezrel bibedo dit.

Hoseya 2:2

Wuii ku megwu, wuii; kum en e dhaku para ngo, kadok an de an a cware ngo; man wek ecor asara pare cen kud i wang’e, man dubri swa pare ku kind thuno pare;

Zefania 3:10

Ugambre loka kulo ma dit mir Ethiopia jurwo para, en e nya jupara ma julalu, gibikelo lam para.

Zekaria 10:6

E abimio tego ni ot mi Yuda, man abibodho ot pa Yusuf, e abidwokogi; kum kisa nega i kumgi; man gibibedo calu abayugi ngo: kum an a Yehova Mungu migi, man abiwinjogi.

Zekaria 8:7

Yehova mir udul uwacu kumae: Nen, abibodho dhanu para kud i ng’om ma yo nyangu, man kud i ng’om ma yo reto;

Yohana 7:35

Ka kumeno Juyahudi giweco i kindgi gigi kumae, Ng’atuni bicidho kani ma wakubinwang’e ngo e? ebicidho ba ju m’ulal i kind Juyunani, man ebiponjo Juyunani?

Poi Mi Cik 32:26

Awacu nia abikethogi ngbir, Nia abiketho poi ma pigi ujik i kind dhanu;

Yakobo 1:1

Yakobo, ma jamiru pa Mungu man pa Rwoth Yesu Kristu, ni dhanu apar wi ario mi Jumulal mba, moth iwu.

Lembanyutha 5:9

Man giwero wer ma nyen, giwacu kumae, Eromo kudi ya iting’ kitabu, man ial ayine de: kum juthumi, man ing’iewo ni Mungu ku rimbi dhanu mi suru ceke kubang’gi, man dhok, man dhanu, man thek,

Lembanyutha 7:1

Yo ng’ei maeni aneno malaika ang’wen m’ucungo i gund ng’om ang’wen, ma gitwio yamu ang’wen mi ng’om, kara yamu moko kud ukot wi ng’om, kadi wi nam, kadi wi yath moko.