Isaya 10:13 - The Holy Bible In Alur (Lur) Revised Orthography

¹³ Kum ewacu kumae, Ku tego m’i cinga atimo maeni, man ku rieko para; kum abedo ku ng’eyong’ec: man akabu kieu mi kodhidhanu, man ayaku piny m’akana migi, man calu jarukara ajwigo ju m’ujany wi komker piny:

Isaya 10:13 ပူးပေါင်းရင်းမြစ်များ

2 Ubimo 15:29

I nindo pa Peka m’ubimo mir Israel, Tiglat-pileser m’ubimo mir Ascur ubino, man emaku Ijon, kud Abelbeth-maka, man Yanoa, man Kedec, ku Hazor, man Gilead ku Galilaya, man ng’om ceke pa Naftali; e eyakugi ni ng’eca i Ascur.

2 Ubimo 16:8

E Ahaz ugamu mola ma tar ku mola ma kwar ma junwang’u i ot pa Yehova, man i kakanpiny mi ot p’ubimo, man eore ni giramia ni ubimo mir Ascur.

2 Ubimo 17:24

Man ubimo mir Ascur ugamu dhanu kud i Babeli, man kud i Kutha, man kud i Ava, man kud i Hamath ku Sefarvaim, man ekethogi i adhura mi Samaria, kaka nyithindho mir Israel; e gimwonyo Samaria, man gibedo i adhurane.

2 Ubimo 17:6

I rundi mir abung’wende pa Hoceya m’ubimo mir Ascur umaku Samaria, man eyaku Israel etero i Ascur, man ekethogi i Hala, man wi Habor, ma kulo mi Gozan, man i adhura mi Jumedi.

2 Ubimo 18:11

Man ubimo mir Ascur uyaku Israel uterogi i Ascur, man ekethogi i Hala, man wi Habor, ma kulo mi Gozan, man i adhura mi Jumedi,

2 Ubimo 18:15

Man Hezekia mio ire mola ma tar ceke m’enwang’u i ot pa Yehova, man mi kakanpiny mi ot p’ubimo.

2 Ubimo 18:32

cil m’abino ko man aterowu i ng’om ma calu ng’om mu ma dhe, ng’om mi cam ku pigulok ma nyen, ng’om mi kwen ku podho mir ulok, ng’om mi yendulam man mi kic, kara wubed kwo, man kud wutho: man kud wuwinj dwand Hezekia, kinde m’epiko lembe i iwu, ewacu kumae, Yehova bibodhowa.

I Lemkei 5:26

Man Mungu mir Israel uting’o cwiny Pul m’ubimo mir Ascur, man cwiny Tilgath-pilneser m’ubimo mir Ascur, e eyakugi, cil Jurubeni, man Jugadi, man ng’et suru pa Manase, man ekelogi i Hala man Habor, man Hara, man kum kulo Gozan, cil i ceng’ ma tin.

Lembrieko 28:11

Ng’atu m’ulony e riek i wang’e gire; Ento jacan ma won ng’eyothelembe yenye.

Isaya 10:8

Kum ewacu kumae, Judongomawijo para ceke gin ubimo ngo?

Isaya 5:21

Can ni ju ma riek i wang’gi gigi, man riu i wang’gi gigi!

Yeremia 46:8

Misiri ai malu calu Nil, man pige thore calu kulo ma dit: e ewacu kumae, Abiai malu, abiumo ng’om; abinyotho adhura man ju m’ubedo i iene.

Yeremia 48:14

Wuwacu nenedi kumae, Wan wa jurukara, man jukero mir ali?

Ezekiel 25:3

man iwac ni nyithindho mir Amon kumae, Wuwinj lembe pa Rwoth Yehova: Rwoth Yehova wacu kumae, Kum iwacu kumae, Aha, kum kamaleng’ para, kinde ma jucide; man kum ng’om mir Israel, kinde ma judwoke ni uvuru; man kum ot mi Yuda, kinde ma gicidho i ng’eca:

Ezekiel 26:2

Wod dhanu, kum Turo wacu kum Yerusalem kumae, Aha, etur ma naka e dhugang’ mi kodhidhanu; elokre i bang’a; abipong’, kawono kum judwoke ni uvuru:

Ezekiel 29:3

yer, man iwac kumae, Rwoth Yehova wacu kumae: Nen, an a jadhogi, Farao m’ubimo mi Misiri, thwol ma dit m’uvuto i die kulo pare, m’uwacu kumae, Kulo para en e para gira, man atime ira gira.

Ezekiel 35:13

Man wutingru giwu i kuma ku dhogwu, man wumedo lembe mu i kuma: awinjo maeni.

Daniel 4:27

Kum kumeno, E Ubimo, wek lembapora para yire iri, man ijig dubo peri ku tic mi bedopwe, kier peri de ku nyutho kisa ni jucan; kuno nyo bedoyo peri bimedre.

Daniel 4:30

Ubimo yero man ewacu kumae, Maeni Babeli ma dit ungo, m’agomo pi kabedo mi ker, ku tego mi tek para man ni yung mi dwong’ para?

Amos 5:27

Ka kumeno abiketho wucidho i ng’eca loka Dameski, Yehova wacu, ma nyinge Mungu mir udul.

Amos 6:13

wun ma anyong’a negowu kum gin mananu, ma wuwacu kumae, Wagamu tung iwa ku tego mwa ma dhe ngo?

Habakuk 1:11

Ebilund kadhu calu yamu, man ebikadhu ku wi piny, man lembe bibedo i wie, en e ng’atu ma tego pare en e mungu pare.

Habakuk 1:16

Ka kumeno elamu lam ni voi pare, man ewang’u udok ma ng’wice ng’ar ni voi pare; kum ni kumgi makapiny pare cwe, cemo pare de dupa.

Habakuk 2:6

Maeni ceke gibiting’o lembabola i kume ngo, man agore ma ton i ijo i kume, man gibiwacu kumae, Can i wi ng’atu m’unyayu gin ma pare ngo! rokani? man m’uketho ter mi mukwatu i wie!

Poi Mi Cik 8:17

man kara kud iwac i adundeni kumae, Tegona man tego mi cinga kelo lonyo maeni ira.

Jupoklembe 7:2

Man Yehova wacu ni Gideon kumae, Dhanu ma gini karacelo kudi gi dit m’usagu ira ma nia ami ko Jumidiani i cing’gi, Israel umaru yungre gire i kuma, gimaru wacu kumae, Cinga gira bodha.