Isaya 1:9 - The Holy Bible In Alur (Lur) Revised Orthography

⁹ Tek Yehova mir udul kuweko iwa nyathi dong’ dhanu moko ngo, kuno di wabedo calu Sodoma, kuno di wabedo calu Gomora.

Isaya 1:9 ပူးပေါင်းရင်းမြစ်များ

Thangambere 18:26

Man Yehova wacu kumae, Tek anwang’u weg bedopwe pier abic i Sodom i adhurane, e abiweko kaka maeno ceke ni kumgi.

Thangambere 18:32

Man ewacu kumae, A ng’ecwiny kud uneg Rwoth, man abiweco wang’ acel maeni kende: Kuno nyo jubinwang’u apar keca. Man ewacu kumae, Abinyothe ngo ni kum juapar.

Thangambere 19:24

Yehova lund ukonjo mac ku muganga wi Sodom man wi Gomora kud i polo ku ba Yehova;

1 Ubimo 19:18

Ento abiweko ira dhanu rubanga abiro i kind Israel, ma cong’gi ceke fokurum ungo ni Bal, man dhoggi ceke kubang’e kubang’e ma fok’ucwie ngo.

2 Ubimo 19:4

Kuno nyo Yehova Mungu peri biwinjo lembe ceke pa Rabcake, m’ubimo mir Ascur ma jadit pare oro kara ecai Mungu ma kwo, man ebijuko lembe ma Yehova Mungu peri winjo: kum kumeno ting’ rwo peri malu pi dong’ dhanu m’udong’.

Isaya 1:8

Man Nyasayuni juweko calu odkur i podho mir ulok, calu odkur i podho mir ukuju, calu adhura ma jutieko kud ali.

Isaya 11:11

Man ebitimbre i ceng’ maeca, nia Rwoth biketho cinge kendo wang’ arionde kara egam dong’ dhanu pare, ma bidong’, kud i Ascur, man kud i Misiri, man kud i Pathroc, man kud i Kuc, man kud i Elam, man kud i Cinar, man kud i Hamath, man kud i cula mi nam.

Isaya 11:16

E gengi bibedo nuti ni dong’ dhanu pare, ma bidong’, m’uai Ascur; calu ma yang’ ebedo ni Israel i ceng’ m’eidho ie malu kud i ng’om Misiri.

Isaya 17:6

Ento kunde bidong’ i ie, calu yeng mi yend ulam, nyinge ario kadi adek wi jange ma wi lwithe, ang’wen kadi abic wi jange mi ng’ete ma y o woko mi yen ma cek cu, Yehova, Mungu mir Israel, uwacu.

Isaya 24:13

Kum ebibedo kumeca i die ng’om i kind kodhidhanu, calu yeng mi yendulam, calu beko ulok kinde ma mwoka mir ulok uthum.

Isaya 24:6

Ka kumeno kwong’ ucamu ng’om, e ju m’ubedo i ie junwang’u lembe ni i wigi: ka kumeno ju m’ubedo i ng’om uwang’, man dhanu ma lam e m’udong’.

Isaya 37:4

Kuno nyo Yehova Mungu peri biwinjo lembe pa Rabcake, m’ubimo mir Ascur ma rwoth pare oro kara ecai ko Mungu ma kwo, man ebijuko lembe ma Yehova Mungu peri winjo: kum kumeno ting’ rwo peri malu pi dong’dhanu m’udong’.

Isaya 46:3

Wuwinja, E ot pa Yakobo, ku dong ot mir Israel ceke, m’ayeyogi ugambre kum nyol migi, m’ayeyo ugambre kud i ic;

Isaya 6:13

Man tek fodi apaje ni i ie, en bende jubiwang’e: calu yen ma nok, man calu bongu, ma dunde dong’, kinde ma juredhogi piny; e kumeca kodhi ma leng’ en e dunde.

Isaya 65:8

Yehova wacu kumae, Calu pigulok ma nyasa nwangre i withe, man ng’atu moko wacu kumae, Kud inyothe, kum mugisa ni i ie: abitimo kumeca kum jutic para, kara kud anyothgi ceke.

Yeremia 23:14

Aneno gin ma judagu i jubila mi Yerusalem bende; gidubri swa, man giwotho ku ndra; man gimio tego ni cing’ jutim rac, ketho ng’atu moko mbe m’udwogo kud i dubo pare: kagi ceke gidoko ira calu Sodom, man ju m’ubedo i ie de calu Gomora,

Yeremia 42:2

man giwacu ni Yeremia ma jabila kumae, Wakwei, wek kwac mwa thiere i weng’i, man ikwai iwa ba Yehova Mungu peri, en e pi dong’ dhanu maeni ceke (kum wadong’ nok ma naka wa dupa, calu weng’i benenowa),

Yeremia 50:20

I ceng’ maeca, man i nindo maeca, Yehova wacu, jubiyenyo kier mir Israel, e ebibedo mbe; man dubo mi Yuda, e gibinwangri ngo: kum abiweko dubo ni donge m’aweko dong’.

Ywak 3:22

En e kum mer mi bero pa Yehova nia ku wathum, kum ngisi pare rem ungo.

Ywak 4:6

Kum kier pa nya dhanu para e dit ma sagu dubo mi Sodom, Ma juredho calu i nindo ma nyagwil, e cing’ moko mbe ma juketho i kume.

Ezekiel 14:22

Ento, nen, jubiweko donge dong’ i ie ma jubitero cen, en e nyithindho ma co ku nyithindho ma nyir bende: nen, gibibino i beng’wu, e wubineno yo migi ku giratima migi; man wubibedo ajuka kum lem ma rac m’akelo wi Yerusalem, en e pi gin ceke m’akelo i wie.

Ezekiel 6:8

Ento abiweko donge m’udong’, kum wubedo ku jumoko m’uboth ni palamularu i kind thek, kinde ma jubilaluwu i kind ng’om.

Yoel 2:32

Man ebitimbre, nia ng’atu ma tek bilwong’o nying’ Yehova ebiboth; kum ju m’uboth bibedo i got Sayuni man i Yerusalem, calu Yehova wacu, man ju ma Yehova lwong’o bibedo i kind donge m’udong’.

Amos 4:11

Ang’ielo adhura i kindwu, calu kinde ma Mungu ng’ielo Sodom ku Gomora, e wubedo calu dhumac ma juyudho kud i mac: ento wudwogo i bang’a ngo, Yehova wacu.

Habakuk 3:2

E Yehova, awinjo rwongi, man lworo nega: E Yehova, yep tic peri i die rundi; I die rundi keth eng’eire: I kwinyo poi kum kisa.

Zefania 2:9

Ka kumeno calu abedo kwo, Yehova mir udul uwacu, Mungu mir Israel, Andha Moab bibedo calu Sodom, man nyithindho mir Amon calu Gomora, piny mir ayilayila, man longro mi kadu, man uvuru ma nja: dong’ dhanu para ma bidong’ gibidwokogi ni amaci, man dong’ thek para bicamu pacu i wigi.

Matayo 7:14

Kum dhugang’ ubedo diny, yo de bedo likili, ma tundo i kwo, ju ma lam de e ma ginwang’e.

Jurumi 9:27

Isaya bende ekok pir Israel kumae, Tek wel mi nyithindho p a Israel ubedo calu kwio ma dhu nam, donge e ma biboth:

Jurumi 9:29

Man, calu Isaya lar uyero kumae, Dok Rwoth mir Udul kuweko iwa kodhi ngo, Kuno di wadoko va Sodom, man kuno di judwoko wa calku Gomora.

Poi Mi Cik 29:23

man nia ng’ombe dho en e muganga, ku kadu, man girawang’a, nia jucoye ngo, kadi ecego nyinge de ngo, kadi lum moko de dongo i ie ngo, calu redh mi Sodom ku Gomora, man Adma ku Zeboim, ma Yehova redho ni kum ng’ecwiny pare, man ni kum kwinyo pare:

2 Petro 2:6

man ku loko adhura Sodom ku Gomora ni vu ru, epoko lembe rac i wigi ku nyoth m’enyotho kogi, m’edwoko kogi ni por ni ju ma gibedo ma ayi Mungu mbe i kumgi;

Lembanyutha 11:8

Man avujgi vuto i gengi mir adhura ma dit, ma julwong’o Sodom ma ku tipo, man Misiri, ka ma juguro ie Rwoth migi bende.