Isaya 1:6 - The Holy Bible In Alur (Lur) Revised Orthography

⁶ Ugambre i die tielo cil kum wie ubedo bo moko mbe i ie; ento lero, man wil, ku wang’goc ma nyen: jumwono wang’gi ngo, kadi jutwiogi de ngo, kadi juyomogi ku mo de ngo.

Isaya 1:6 ပူးပေါင်းရင်းမြစ်များ

2 Samwil 14:25

Nwang’u ng’atu moko mbe i Israel ceke ma jupake hai kum leng’ne ma calu Absalom: ugambre kum tiende cik i wie abala moko mbe i kume.

Kitabu Pa Yob 5:18

Kum, eketho rem, man etwio; Etong’o lero, man cinge cangu.

Zaburi 77:2

I ceng’ mi can para ayenyo Rwoth: Cinga rieire ku diewor, man edole ngo; Ng’eyong’ec para kwero juk.

Isaya 30:26

Mange ke der mi dwi bibedo calu der mi ceng’, man der mi ceng’ jubimedo wang’ abiro, calu der mi ceng’ abiro, i ceng’ ma Yehova twio ie wang’ lero mi dhanu pare, man m’ecangu ie goc mi rem migi.

Yeremia 17:9

Adunde en e jabombi ma sagu gin ceke, man enyothre apila: ng’a ma copo ng’eye?

Yeremia 30:12

Kum Yehova wacu kumae, Rem peri cangre ngo, man lero peri dit.

Yeremia 30:15

Nedi iywak kum rem peri? remokum peri kwio ngo: atimo gin maeni i kumi kum dit mi kier peri, kum dubo peri nyai.

Yeremia 33:6

Nen, abikelo leng’kum man cang i bang’e, e abicangugi; man abinyutho igi dit mi kwiocwiny ku lemandha.

Yeremia 6:14

Gicangu rem mi dhanu para bende nyanok, giwacu kumae, Kwiocwiny, kwiocwiny; kinde ma kwiocwiny moko mbe.

Yeremia 6:7

Calu pi m’atong’a wodho pige woko, ewodho dubo pare woko kumeca: rop ku nyoth winjre i ie; remokum ku lero ni i wang’a thiri thiri.

Nahum 3:19

Jwik mi rem peri mbe; lero peri dit: dhanu ceke m’uwinjo rwongi giteng’o cing’gi i wii; kum ng’a ma dubo peri kukadhu thiri thiri ngo i wie?

Malaki 4:2

Ento iwu wu ju ma lworo nyinga ceng’ mi bedopwe biwok ku keyokum i bombe; e wubiwok woko, man wubituko calu nyithi dhiang’ i dwol.

Matayo 9:12

Ento kan ewinjo maeni, ewacu kumae, Ju ma kumgi leng’ can jakeikum negogi ngo, ento ju ma kumgi lith re.

Luka 10:34

ebino de i bang’e, ekonjo mo ku pigulok i wang’ rem pare, etwio de; man ekethe wi kana pare gire, etere de i odwelo, man egwoke.