Isaya 1:31 - The Holy Bible In Alur (Lur) Revised Orthography

³¹ Man jutego bibedo calu thondh gonia, tic pare de calu bieimac; e gin ario de gibiwang’ karacelo, e ng’atu moko mbe ma binego maje.

Isaya 1:31 ပူးပေါင်းရင်းမြစ်များ

Isaya 24:6

Ka kumeno kwong’ ucamu ng’om, e ju m’ubedo i ie junwang’u lembe ni i wigi: ka kumeno ju m’ubedo i ng’om uwang’, man dhanu ma lam e m’udong’.

Isaya 26:11

Yehova, cingi tingre malu ento gineno ngo: ento gibineno ngiri peri ma pi dhanu, e lewic bimakugi; eyo, mac bicamu jusend peri.

Isaya 27:4

Kwinyo mbe i ia: dok ucok kud ukudho gini f kuma i Jwiny! kuno di awotho i wigi, kuno di awang’ugi karacelo.

Isaya 33:11

Wubigamu cung’ ni ic, wubinyolo soka: yuyo mu en e mac ma biwang’uwu.

Isaya 33:14

Lworo nego judubo m’i Sayuni; mielkum umaku ju ma ayi Mungu mbe i kumgi: Ng’a m’i kindwa copo bedo ku mac ma wang’i? ng’a m’i kindwa ma copo bedo ku gin ma wang’ nja?

Isaya 4:4

nwang’u Rwoth ulwoko cilo mi nyig Sayuni cen, man eyweyo rimo mi Yerusalem kud i diere, ku tipo mi pokolembe, man ku tipo mi mac m’uwang’.

Isaya 43:17

en e ng’atu m’uwodho magali ku riuni, man njuru asikari ku ng’atu ma jarukara (givuto piny karacelo, gibiai ungo; gimbe, junegogi calu bonguthala):

Isaya 5:24

Ka kumeno calu lebmac wang’u soka, man calu lum m’uthwo rungre i lebmac, e ulaggi bibedo kumeca calu gin m’utop, man thiugi biduny calu utur; kum gikwero cik pa Yehova mir udul, man gicayu lembe pa Ng’atu Maleng’ mir Israel.

Isaya 50:11

Nen, kewu ceke ma wucwinyo mac, ma wutwiru giwu ku dhumac; wuwoth i lebmac mi mac mu, man kind dhumac ma wucwinyo. Wubibedo ku maeni m’i cinga; wubivuto piny i can.

Isaya 66:17

Ju m’udwokri gigi leng’ man m’ulonjri kara gicidh ba pothi, i ng’ei yen acel i diere, m’ebecamu ring’ kul, ku ginmajudagu, man uyo, gibijik karacelo, Yehova wacu.

Isaya 66:24

E gibiwok woko, man gibineno wi avu dhanu m’udubo ira: kum ukoko migi bitho ngo, kadok mac migi de binegre ngo; man gibibedo ni ginmajudagu ni weg kum ceke.

Isaya 9:19

Ng’om uwang’ kot ni kum kwinyo pa Yehova mir udul; man dhanu bedo calu jambmac: ng’atu moko mbe ma kisa nege kum wadi.

Yeremia 21:12

E ot pa Daudi, Yehova wacu kumae, Tim pokolembe kugweno, gony ng’atu ma juyaku de kud i cing’ jasend, kwinyo para maru wok woko calu mac, man ewang’ calu ng’atu moko mbe ma copo nege, kum lem ma rac mi giratima mu.

Ezekiel 32:21

Jutego i kind jurukara biyero i bang’e kud i die liel karacelo ku ju m’ukonye: giloro piny, givuto ling’, en e ju ma yaa mbe i kumgi, ma junego ku palamularu.

Malaki 4:1

Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de.

Matayo 3:10

Meni cil kawono lei uvuto ther ulag yen: ka kumeno ku ba yen ceke m’ucego nyinge ma ber ungo jung’ole piny, jubole de i mac.

Matayo 3:12

udheru pare ni i cinge, man ebililo laru pare mii; man ebicoko nganu pare i dero, ento ebiwang’u cunge ku mac ma negre ngo.

Lembanyutha 19:20

E jumaku yedine, ku jabila mi ndra bende karacelo kude m’etimo giranyutha i wang’e, m’ebombo kudo ju m’ujolo kiedo pa yedi man ju m’urwo ni ayine de: gin ario jubologi ma kwo i nammac ma wang’ ku muganga:

Lembanyutha 20:10

Man wonabali m’ubombogi jubole i nammac ku muganga bende, ka ma yedi ku jabila mi ndra bende gini ie; man jubimio igi ndiba dieceng’ ku diewor rondo ku rondo.

Jupoklembe 15:14

Man kan ewok ba Lehi, Jufilisti giwoi ka girombo kugi: man Tipo pa Yehova bino i wie ku tego, man uno ma ni wi bote doko va atutu ma juwang’u ku mac, man twic upodho lwany kud i cinge.