Isaya 1:23 - The Holy Bible In Alur (Lur) Revised Orthography

²³ Judongomawijo peri gijai, man gi juwadi jukwo; kubang’gi kubang’gi ng’atuman umaru jamng’om, man elubo tok sukulia: e gipoko lembe mi kic ungo, kadok lembe pa dhaku ma cware tho de wok i bang’gi ngo.

Isaya 1:23 ပူးပေါင်းရင်းမြစ်များ

2 Lemkei 36:14

Mange ke judongo mi julam ceke, ku dhanu, gidubo dit apila tok ginmajudagu ceke mi thek; man gicido ot pa Yehova m’edwoko leng’ i Yerusalem.

Ai 23:8

Man kud igam jamblembe: kum jamblembe eoro wang’ ju ma neno piny, man enyotho lembe mi ju ma pwe.

Lembrieko 17:23

Ng’atu ma jadubo jolo jamblembe kud i kor, Kara eroc yo mi pokolembe.

Lembrieko 29:24

Ng’atu ma cwinye ripo ku jakwo nwang’u edagu ng’eyong’ec pare gire; Ewinjo kwong’ man eweco lem moko ngo.

Isaya 1:17

wuponj ng’eyo timo ber; wuyeny pokolembe, wukony ju ma jusendo, wupok lembe mi kic, wucung kum dhaku ma cware tho.

Isaya 1:18

Wubin kawono, man wek waporu lembe karacelo, Yehova wacu: kadok dubo mu bedo kwar ngbo, gibibedo tar calu pei; kadok gi kwar calu rimo, gibibedo calu yuk rombe.

Isaya 1:22

Mola ma tar peri doko usau, pigulok peri ke ajeba ku pi.

Isaya 28:14

Kum kumeno wuwinj lembe pa Yehova, wu jucac, m’ubimo dhanu maeni ma ni i Yerusalem:

Isaya 3:14

Yehova bimondo i pokolembe ku judongo mi dhanu pare, man judongomawijone: ebiwacu kumae, En e wun ma wucamu podho mir ulok; ayeki mi can ni i udi mu:

Isaya 30:1

Can i wi nyithindho mi jai, Yehova wacu, m’uporo lembe, ento i bang’a ngo; man m’utimo lembariba, ento ku Tipona ngo, kara gimed dubo kum dubo;

Isaya 33:15

Ng’atu ma wotho pwe, man ma weco atira; ng’atu m’udagu kuloka mi kuvuga, m’ukiro cinge kum gamu jamng’om, m’uculo ith kum winjo pi rimo, m’umio wang’e de kum neno wi dubo:

Isaya 5:23

man ni ju ma gonyo lembe ma wi judubo ni kum jamblembe, man ma kabu bedopwe pa won bedopwe woko kud i bang’e!

Isaya 65:2

Athang’u cinga ceng’ du ni dhanu ma juco, m’uwotho i yo ma ber ungo, tok pidoic migi ma dhe;

Yeremia 22:17

Ento weng’i kud adundeni bedo kum gin mange ngo ndhu mi ketho cwinyi hai kum piny, man mi cwiro rimo m’umbe dubo, man mi masendi, ku mi rop, nitime.

Yeremia 32:32

kum ma rac ceke mi nyithindho mir Israel man mi nyithindho pa Yuda, ma gitimo kara ginyai ko ng’ecwiny i ia, gin, kud ubimo migi, man judongomawijo migi, ku julam migi, man jubila migi, ku dhanu mi Yuda, man ju m’ubedo i Yerusalem.

Yeremia 4:17

Gitieke gbur calu jukur podho, kum ejai ira, Yehova wacu.

Yeremia 5:5

abicidho ba dhanu ma dongo, man abiweco i bang’gi; kum ging’eyo yo pa Yehova, ku pokolembe pa Mungu migi. Ento maeni gituro mberembere, man gicodo twic ku cwinygi acel.

Yeremia 5:6

Kum kumeno umvor m’uai i luli binegogi, urudi mir uthieno binyothogi, ng’u bipondo kum adhura migi; ku ba dhanu ceke m’uwok woko ku kuca gibiyeco nziki nziki; kum gondri migi gi dupa, man corocen migi nyai.

Ezekiel 12:2

Wod dhanu, ibedo i kind ot mi jai, ma gibedo ku wang’ mi neno, man gineno ngo, ma gibedo ku ith mi winjo, man giwinjo ngo; kum gi ot mi jai.

Ezekiel 22:27

Judongomawijone gi calu urudi m’ubeyeco yec i kinde, mi cwiro rimo, man mi nyotho ng’eyong’ec; kara ginwang’ kuloka mi gondri.

Hoseya 4:18

Giramadha migi doko wac; gitimo tarwang’ thiri thiri; jubim pare maru lewic dit.

Hoseya 5:10

Judongomawijo mi Yuda gi calu ju m’ukabu giranyutha mi kieu: abikonjo kwinyo para i wigi calu pi.

Hoseya 9:15

Dubo migi ceke ni i Gilgal; kum adagugi keca: kum dubo mi tic migi abiriemogi woko kud i ot para; abimarugi kendo ngo; judongomawijo migi ceke gi juco.

Amos 5:12

Kum ang’eyo maram gondri mu dit ko, man maram dubo mu tek ko, wun ma wusendo ju ma pwe, ma wugamu jamng’om, ma wuroco jacanpiny i dhugang’.

Mika 3:11

Juwicne poko lembe kum jamng’om, man julamne ponjo mi sukulia, jubilane de ewo lembe mi sente: ento gijengri kum Yehova, man giwacu kumae, Yehova ni i kindwa ngo? gin ma rac moko mbe ma bibino i kumwa.

Mika 3:9

Wuwinj maeni, akwayuwu, wu juwic mi ot pa Yakobo, man jubim mi ot mir Israel, ma wudagu pokolembe, man ma wuroco lem m’atira ceke.

Mika 6:12

Kum dhanu m’ulonyne gipong’ ku rop, man ju m’ubedo i ie giyero ndra, man lebgi en e jamb abombi i dhoggi.

Mika 7:3

Cing’gi ni wi gin ma rac kara gitime kud amora; jaditmawijo penjo, man japoklembe bedo ayika mi jamng’om; e ng’atu ma dwong’, eweco lembe ma rac ma ng’eyong’ec pare yenyo: ka kumeno gicwie karacelo.

Zekaria 7:10

man kud wuketh lembe bed tek ni dhaku ma cware tho, kadi ni kic, kadi ni umondo, kadi ni jucan; man i ng’atu moko m’i kindwu kud upid rac kum wadi i adundene.

Malaki 3:5

E abibino ceng’ni wu i pokolembe; man abibedo mulembe ma pio kum weg ajoga, man kum weg dubriswa, man wi ju ma kwong’o kwong’ mi ndra, man kum ju ma vugo ng’atu ma julonyo ku sukulia, man kum ju ma vugo dhaku ma cware tho, ku kic de, man kum ju ma loko umondo kud unwang’ ng’ol pare, man gilwora ngo, Yehova mir udul uwacu.

Kitabu Mir Ang’wende Pa Musa Wel 22:7

Man judongo mi Moab ku judongo mi Midian gicidho ku sukulia mi ewo thelembe i cing’gi; man gibino ba Balam, e giyero ire lembe pa Balak.

Matayo 21:13

ewacu igi de kumae, Egore kumae, Ot para jubilwong’o odrwo: ento wukethe ni kagonjo mi weg ayeki.

Marko 11:17

Eponjo, ewacu igi kumae, Egore ngo kumae, Ot para jubilwong’o ot mi rwo ni thek ceke? ento wudwoke ni kagonjo mi weg ayeki.

Luka 19:46

ewacu igi kumae, Egore kumae, Man ot para bibedo odrwo: ento wudwoke ni kagonjo mi weg ayeki.

Luka 24:27

Man etheko kum lem pa Musa ku jubila ceke de, ekoro igi i lem pa Mungu ceke gin ma pire gire.

Poi Mi Cik 16:19

Kud inyoth pokolembe: dhanu kud ubed tung’ tung’ i weng’i; kadi jambng’om de kud igam; kum jambng’om umo wang’ jurieko, man eloko lembe mi weg bedopwe.

Yakobo 1:27

Kisoma m’alili ma cido de ngo i wang’ Mungu mwa ma Wegwa e ee, ya julieu kic ku mon ma coggi tho i can migi, man ke gwok ma jugwokri ko gijo ni ng’om ma jukuvukri ngo.

1 Samwil 8:3

E wote wotho i yo pare ngo, ento gilokri tok piny, man gigamu jamng’om, e ginyotho pokolembe.