Isaya 1:18 - The Holy Bible In Alur (Lur) Revised Orthography

¹⁸ Wubin kawono, man wek waporu lembe karacelo, Yehova wacu: kadok dubo mu bedo kwar ngbo, gibibedo tar calu pei; kadok gi kwar calu rimo, gibibedo calu yuk rombe.

Isaya 1:18 ပူးပေါင်းရင်းမြစ်များ

Kitabu Pa Yob 9:33

Jacung kum lembe mbe i kindwa, Ma kuno uketho cinge i wiwa wan ario de.

Zaburi 51:7

Dwoka leng’ kud alagi, man abibedo leng’: Lwoka, man abibedo tar sagu pei.

Zaburi 51:9

Pan weng’i ni dubo para, Man ruc kier para ceke woko.

Isaya 1:23

Judongomawijo peri gijai, man gi juwadi jukwo; kubang’gi kubang’gi ng’atuman umaru jamng’om, man elubo tok sukulia: e gipoko lembe mi kic ungo, kadok lembe pa dhaku ma cware tho de wok i bang’gi ngo.

Isaya 3:13

Yehova ai kara eii, man ecungo kara epok lembe mi kodhidhanu.

Isaya 41:1

Wubed ling’ i wang’a, E cula; man wek tego ma nyen udwog ni kodhidhanu: wek gicor ceng’ni; wek gilund giweci; wek wabin ceng’ni karacelo ba pokolembe.

Isaya 41:21

Wukel lembe mu, Yehova wacu; wuwodh thelembe mu ma tek, Ubimo pa Yakobo wacu.

Isaya 44:22

Araco gondri peri woko, calu afuru ma ndhu, man dubo peri, calu afuru: dwog i bang’a; kum aweri.

Isaya 50:8

Ng’atu m’ugonyo lembe m’i wia ni ceng’ni; ng’a ma wabi-ii wakude? wek waeung karacelo: ng’a ma jasendna? wek ebin ceng’ni i bang’a.

Isaya 55:7

dong’ jadubo wek yo pare, man won gondri pidoic pare; man wek edwog ba Yehova, e kisa binege i kume; man ba Mungu mwa, kum ebiweko ire ma gwei.

Yeremia 2:5

Yehova wacu kumae, Gondri ang’o ma kwaruwu mvang’u i ia, m’uketho gicidho bor i kuma, man m’uketho giwotho tok gin ma ie nanu, m’uketho gidoko ma kitgi mbe de?

Ezekiel 18:27

Kendo, kinde ma jadubo lokre cen kud i dubo pare m’etimo, man etimo gin ma cik uyio man m’atira, ebibodho ng’eyong’ec pare ma kwo.

Ezekiel 33:16

Dubo pare moko m’edubo jubipoi pigi ngo i kume: etimo gin ma cik uyio man atira; ebibedo kwo andha.

Mika 6:2

Wuwinj piem pa Yehova, E wu gudi, man wu theng’om m’ubedo; kum Yehova bedo ku piem ku dhanu pare, man ebi-ii kud Israel.

Tic Mi Jukwenda 17:2

man calu kura Paolo emondo i bang’gi, man ku ba ceng’ sabatu adek gicikuluro lembe i lembagora pa Mungu gikugi,

Tic Mi Jukwenda 18:4

Ebedeluro lembe ku ba ceng’ sabatu i kacokri, ebedethoko ko Juyahudi ku Juyunani de.

Tic Mi Jukwenda 24:25

E kan eluro lembe mi bedopwe, man pi kwerigijo, ku mi pokolembe ma bibino de, e Feliki doko tipo, man edwoko lembe kumae, Koicidh i yo peri tundu; ka nindo m’ubedo ber ira wok, abilwong’i i bang’a.

Jurumi 5:20

Man cik de bino umedo maeca, kara kier usagre; ento ka ma dubo sagre i ie, e bero sagre dit apila:

Lembanyutha 7:14

Man awacu ire kumae, Rwoth para, ing’eyo. Man ewacu ira kumae, Maeni gi ju m’uai i masendi ma dit, man gilwoko kendi migi, gidwokogi tar de i rimo pa Nyathi Rombo.

1 Samwil 12:7

Ka kumeno wucung’ ling’, kara agony iwu i wang’ Yehova pi tic mi bedopwe ceke pa Yehova, m’etimo iwu man ni kwaruwu.