Isaya 1:17 - The Holy Bible In Alur (Lur) Revised Orthography

¹⁷ wuponj ng’eyo timo ber; wuyeny pokolembe, wukony ju ma jusendo, wupok lembe mi kic, wucung kum dhaku ma cware tho.

Isaya 1:17 ပူးပေါင်းရင်းမြစ်များ

Zaburi 34:14

Ai i lem ma rac, man itim ber; Yeny kwiocwiny, man iriem toke.

Ai 22:21

Man kud itim umondo rac, kadi kud isende: kum wukowubedo umondo i ng’om Misiri.

Lembrieko 15:25

Yehova bimugo ot pa jakuhaya; Ento ebiketho kieu pa dhaku ma cware tho cungo.

Lembrieko 21:3

Timo bedopwe ku pokolembe Eyire ni Yehova ma sagu lam.

Lembrieko 31:9

Al dhogi, pok lembe pwe, Man tim lembapoka ni jucan ku jucanpiny.

Isaya 1:23

Judongomawijo peri gijai, man gi juwadi jukwo; kubang’gi kubang’gi ng’atuman umaru jamng’om, man elubo tok sukulia: e gipoko lembe mi kic ungo, kadok lembe pa dhaku ma cware tho de wok i bang’gi ngo.

Isaya 10:2

kara ulok jacanpiny cen ni pokolembe, man kara ukwal ng’ol migi ba jucan mi dhanu para, kara mon ma coggi tho bed ayeki migi, man kara gidwok kic ni amaci migi!

Isaya 56:1

Yehova wacu kumae, Wugwok pokolembe, man wutim bedopwe; kum both para ni ceng’ni bino, man judhingo nyutho bedopwe para.

Isaya 58:6

Kwirocam m’afoyo e eni ngo: ya jugony twic mi dubo, jugony twic mi mberembere, man jugony ju ma jusendogi, man nia jutur mberembere ceke kubang’e kubang’e?

Yeremia 21:12

E ot pa Daudi, Yehova wacu kumae, Tim pokolembe kugweno, gony ng’atu ma juyaku de kud i cing’ jasend, kwinyo para maru wok woko calu mac, man ewang’ calu ng’atu moko mbe ma copo nege, kum lem ma rac mi giratima mu.

Yeremia 22:3

Yehova wacu kumae: Wutim pokolembe ku bedopwe, man wubodh ng’atu ma juyaku kud i cing’ jasend: man kud wutim rac, kud wutim rop, kum umondo, kadi kum kic, kadi kum dhaku ma cware tho; kadi kud wucwir rimo m’umbe dubo kakeni.

Yeremia 35:15

Aoro jutic para ceke ma jubila bende i beng’wu, m’aai ko pir man aorogi, m’a wacu kumae, Kawono wudwogi ku ba dhanu ku ba dhanu ng’atuman kud i yo pare ma rac, man wuyik giratima mu, man kud wulub tok mungu mange nia wutim igi, e wubibedo i ng’om m’amio iwu man ni kwaruwu; ento wuciko ithwu ngo, kadi wuwinjo dwanda de ngo.

Ezekiel 18:31

Wubai dubo mu ceke cen kud i kumwu, ma wudubo i ie; man wutim adunde ma nyen iwu ku tipo ma nyen: kum wubitho nedi, E ot mir Israel?

Ezekiel 22:7

Gicayu weggi ku meggi ii; giyenyo umondo ku rop i kindi; man gitimo kic ku dhaku ma cware tho rac i kindi.

Ezekiel 45:9

Rwoth Yehova wacu kumae: Wek eromwu, E judongomawijo mir Israel: wukab rop kud ayeki, man wutim pokolembe ku bedopwe; wukab kuvuga mu ku ba dhanu para, Rwoth Yehova wacu.

Daniel 4:27

Kum kumeno, E Ubimo, wek lembapora para yire iri, man ijig dubo peri ku tic mi bedopwe, kier peri de ku nyutho kisa ni jucan; kuno nyo bedoyo peri bimedre.

Mika 6:8

Enyutho iri, E dhanu, gin ma ber; man Yehova lwong’o ang’o i beng’i ndhu timo bedopwe, man maru bedo ber ku dhanu, man wotho ku Mungu peri ku molcwiny ungo?

Zefania 2:3

Wuyeny Yehova, wu ju ma mol ceke mi ng’om, ma wutimo lembapoka pare; wuyeny bedopwe, wuyeny molcwiny: kuno nyo jubipanuwu i ceng’ mi ng’ecwiny pa Yehova.

Zekaria 8:16

Maeni gin ma wubitimo: Wuwec lembe mandha ng’atuman ku wadi man ku wadi; wupok lembapoka mi lemandha ku kwiocwiny i dhugang’ mu:

Poi Mi Cik 14:29

man Jalawi, kum makapiny pare kadi aba pare de mbe karacelo kudi, man umondo, ku kic, man dhaku ma cware tho, ma gini yo i dhugang’ peri, gibibino, man gibicamu gibiyeng’ de; kara Yehova Mungu peri mi mugisa iri i tic ceke mi cingi m’itimo.

Yakobo 1:27

Kisoma m’alili ma cido de ngo i wang’ Mungu mwa ma Wegwa e ee, ya julieu kic ku mon ma coggi tho i can migi, man ke gwok ma jugwokri ko gijo ni ng’om ma jukuvukri ngo.