Isaya 1:16 - The Holy Bible In Alur (Lur) Revised Orthography

¹⁶ Wujom, wudwokru leng’; wukab dubo mi giratima mu cen kud i nyim wang’a; wuwek timo rac;

Isaya 1:16 ပူးပေါင်းရင်းမြစ်များ

2 Ubimo 17:13

Ento Yehova tuco ni Israel, man ni Yuda, ku jubila ceke kubang’gi kubang’gi, man ku jueulembe ceke kubang’gi kubang’gi, ewacu kumae, Wulokru kud i yo mu ma rac, man wuwor lembang’ola para ku cik para, calku cik ceke m’ang’olo ni kwaruwu, man m’aoro i beng’wu ku jutic para man jubila.

Zaburi 26:6

Abilogo cinga ma lembe mbe i wia: Abitieko pemblam peri kumeni, E Yehova;

Zaburi 34:14

Ai i lem ma rac, man itim ber; Yeny kwiocwiny, man iriem toke.

Zaburi 37:27

Ai kud i dubo, man itim ber; Man ibed mi nja.

Zaburi 51:2

Lwoka ndhu ma njwa ni kier para, Man dwoka leng’ ni dubo para.

Lembrieko 21:3

Timo bedopwe ku pokolembe Eyire ni Yehova ma sagu lam.

Lembrieko 4:27

Kud ilokri yo ku cing’ ma yor acwic kadi yor acam: Kab tiendi kum lem ma rac.

Isaya 52:11

Wuai, wuai, wuai ku kuno, kud wumul gin m’ucido; wuai kud i kinde; wudwokru giwu leng’, wu ju m’uyeyo agulu pa Yehova.

Yeremia 18:11

Ka kumeno kawono, yer ni dhanu mi Yuda, man ni ju m’ubedo i Yerusalem, wac kumae, Yehova wacu kumae: Nen, atheko lem ma rac i kumwu, man aporo lembapora i kumwu: wudwog kawono kubeng’wu kubeng’wu ng’atuman kud i yo pare ma rac, man wuyik yo mu ku giratima mu.

Yeremia 25:5

ma giwacu kumae, Wudwog kawono kubeng’wu kubeng’wu ng’atuman kud i yo pare ma rac, man ku ba giratima mu ma rac, man wubed i ng’om ma Yehova mio iwu man ni kwaruwu, ugambre con cil nja de;

Yeremia 26:3

Kuno nyo gibiwinjo, man gibilokri kubang’gi kubang’gi ng’atuman kud i yo pare ma rac; kara alokra ni lem ma rac m’akeco ya abitimo i kumgi kum lem ma rac mi giratima migi.

Yeremia 35:15

Aoro jutic para ceke ma jubila bende i beng’wu, m’aai ko pir man aorogi, m’a wacu kumae, Kawono wudwogi ku ba dhanu ku ba dhanu ng’atuman kud i yo pare ma rac, man wuyik giratima mu, man kud wulub tok mungu mange nia wutim igi, e wubibedo i ng’om m’amio iwu man ni kwaruwu; ento wuciko ithwu ngo, kadi wuwinjo dwanda de ngo.

Yeremia 4:14

E Yerusalem, lwok adundeni ni dubo, kara ibothi. Pidoic peri ma rac bibedo yor ii rokani?

Amos 5:15

Wudag gin ma rac, man wumar gin ma ber, man wuketh pokolembe ma pwe i dhugang’: kuno nyo Yehova, Mungu mir udul, bitimo ku bero kum dong’ Yusuf m’udong’.

Yona 3:8

ento wek gibed auma kud usuba, dhanu ku lim de, man wek gilwong’ Mungu ma tek; eyo, wek gilokri kubang’gi kubang’gi ng’atuman kud i yo pare ma rac, man kud i yo pare ma rac, man ku i kuvuga ma ni i cinge.

Zekaria 13:1

I ceng’ maeca kulo m’udhenyni biyabre ni ot pa Daudi man ni ju m’ubedo i Yerusalem, pi dubo man pi cilo.

Zekaria 7:7

Maku wuwinj lembe ma Yehova Lwong’o ku dhu jubila ma kwong’a ngo, ka dhanu bedo i Yerusalem man lembe bedo miero, kud adhurane m’utieke, man ng’om ma yor ariwa ma piny ku ng’om poga dhanu bedo i ie?

Matayo 3:8

Ka kumeno wuceg nyingwu m’uromo ku lokocwiny:

Tic Mi Jukwenda 22:16

Kawono igalu nedi? ai malu, mak baputisi, lwok dubo peri woko, m’ilwong’ ko nyinge bende.

Jurumi 12:9

Dong’ mer ubed umbe umbili. Dag hai maeno m’e rac; mok kum maeno m’e ber.

2 Jukorinto 7:1

Ka kumeno, jumer, wan ma wabedo ku lembang’ola maeni, dong’ walwokra giwa ni cilo ceke mi kum ku mi tipo, ma wadwok ko leng’cwiny udok ndhu cu i lworo pa Mungu.

Yakobo 4:8

Cor i vut Mungu, man ebicoro i vutwu. Wulog cingwu, wu judubo; man wulwok adundewu, wu ju ma pidoiwu ario.

1 Petro 2:1

Ka kumeno ka wubeketho akece ceke, kud abombi ceke, kud ambili, ku kumira, ku yeronying’ de ceke cen,

1 Petro 3:11

Dong’ elokre ku kum gin ma rac, man etim gin ma ber; Dong’ eyeny kwiocwiny, elub toke de.

Lembanyutha 7:14

Man awacu ire kumae, Rwoth para, ing’eyo. Man ewacu ira kumae, Maeni gi ju m’uai i masendi ma dit, man gilwoko kendi migi, gidwokogi tar de i rimo pa Nyathi Rombo.