Isaya 1:13 - The Holy Bible In Alur (Lur) Revised Orthography

¹³ Kud wukel lam ma ie nanu kendo; udok ma ng’wice ng’ar en e ginmajudagu ira; dwi ma por ku sabatu, man lwong’o mi cokri, acopo kude ngo: en e kier, cil cokri mi rwo.

Isaya 1:13 ပူးပေါင်းရင်းမြစ်များ

2 Ubimo 4:23

E ewacu kumae, Pirang’o ibicidho i bang’e tini? en e dwi m’upor ungo kadi ceng’ sabatu de ngo. E ewacu kumae, Ebibedo dre.

I Lemkei 23:31

man kara githier lam m’awang’a ceke ni Yehova, i ceng’ sabatu, man i dwi m’upor, man i agba ma juketho, i wel calku lembapoka ma pigi, thiri thiri i wang’ Yehova:

Zaburi 78:40

Gijai ire i langa wang’ udul, Man ginyayu can i ie i ng’om ngele mire ma!

Ai 12:16

Man ceng’ ma kwong’ane bibedo iwu ni cokri ma leng’, man ceng’ mir abirone de mi cokri ma leng’; gibitimo tic moko ngo i ceng’ maeca, ndhu giracama kende ma dhanu bicamu kubang’gi kubang’gi, maeno kende ma wubitimo.

Lembrieko 21:27

Lam mi judubo en e ginmajudagu; Ma sagu dit, kan ekele ku pidoic mi dubo!

Lembrieko 7:14

Lam mi lam mi kwiocwiny ni i bang’a; Tin aculo lembang’ola para.

Isaya 66:23

Man ebitimbre, nia ugambre kum dwi ma por acel cil kum mange, man ugambre kum sabatu acel cil kum mange, weg kum ceke bibino rwo i wang’a, Yehova wacu.

Isaya 66:3

Ng’atu m’unego koni dhiang’ en e calu ng’atu m’unego dhanu; ng’atu m’ulamu nyathi rombo, calu ng’atu m’umino ng’ut gwok; ng’atu m’uthiero girathiera, calu ng’atu m’uthiero rimb kul; ng’atu m’uwang’u udok ma ng’wice ng’ar, calu ng’atu m’umio mugisa ni mungu m’araga. Eyo, gifoyo yo migi gigi, man anyong’a nego ng’eyong’ec migi kum ginmajudagu migi:

Ywak 2:6

Man ekabu otbak pare ku kero, calu en e mi podho; enyotho ka mi cokri pare: Yehova ketho wi jo wil kum cokri mi rwo man sabatu i Sayuni, Man ecayu ubimo ku jalam i kwinyo mi ng’ecwiny pare.

Ezekiel 20:39

Piwu, E ot mir Israel, Rwoth Yehova wacu kumae; Wucidhi, wutim kubeng’wu kubeng’wu ng’atuman ni mungu m’araga pare, man yo ku ng’ei maeni bende, tek wubiwinjo dwanda ngo; ento kud wucid nyinga ma leng’ kendo ku giramia mu, man ku mungu m’araga mu.

Hoseya 2:11

Abiketho mutoro pare ceke bende jik, kud agba pare, ceng’ dwi pare ma por, man ceng’ sabatu pare, ku cokri pare ceke mi rwo.

Yoel 1:14

Wudwok wekocam leng’, wulwong’ cokri mi rwo, wucok dhanu m’uti ku dhanu ceke m’ubedo i ng’om ba ot pa Yehova Mungu mu, man wulwong’ Yehova.

Yoel 2:15

Wukudh agwara i Sayuni, wudwok wekocam leng’, wulwong’ cokri mi rwo;

Lembe Mi Julawi 26:31

Man abidwoko adhura mu ni uvuru, abikelo kamaleng’ mu de ni nyoth, man abing’wio ng’wic mido mu ma ng’ar ungo.

Malaki 1:10

A tek ng’atu acel ni i kindwu ma biciko dhugola, kara kud wukudh mac mananu wi pemblam para! mutoro nega ngo i kumwu, Yehova mir udul uwacu, kadok lam mi cingwu de abijolo ngo.

Kitabu Mir Ang’wende Pa Musa Wel 10:2

Tim agwara ario iri mi mola ma tar; timgi ku tic m’afoda: man ibilwong’o kudo udul, man mi woth mi gonjo.

Matayo 15:9

Ento girwo i bang’a mananu, Ma giponjo ko cik mi dhanu ni ponji migi.

Luka 11:42

Ento can i wiwu, Jufarisayo! kum wumio apaje mir ukuju kud usiga man uboko ceke, e wuweko ng’olo lembe ma pwe ku mer pa Mungu: ento emaku wutim maeni, man kud wuwek timo wagi maeno.

1 Jukorinto 11:17

Ento kan amio iwu lembang’ola maeni, apakuwu ngo, kum wucokru ma wutimo ko ber m’usagu ngo, ento ma wutimo ko rac ma sagu.

Juefeso 4:30

Man kud wunyai can i Tipo Maleng’ pa Mungu, ma juketho ayi i kumwu i ie cil i ceng mi war.

Jufilipi 1:15

Andha jumoko giyero pi Kristu cil ku kumira ku por bende; jumoko ke ku berocwinygi bende: