Isaya 1:11 - The Holy Bible In Alur (Lur) Revised Orthography

¹¹ Udul lam mu en e ang’o ira? Yehova wacu: lam m’awang’a mi nyogi rombe, ku mio mi lim ma jukakugi ku cam uroma; man anyong’a nega ngo kum rim thwoni dhiang’, kadi mi nyithi rombe, kadi mi nyogi diegi.

Isaya 1:11 ပူးပေါင်းရင်းမြစ်များ

Zaburi 40:6

Anyong’a negi ngo kum lam ku girathiera; Iyabu itha: Ilwong’o lam m’awang’a ngo ku lam mi dubo de ngo.

Zaburi 50:8

Abijuki ngo kum lam peri; Man lam m’awang’a peri ni i wang’a thiri thiri.

Zaburi 51:16

Kum imaru lam ungo; kuno di amio: Lam m’awang’a nyayu mutoro ngo ii.

Lembrieko 15:8

Lam pa jadubo en e ginmajudagu ni Yehova; Ento rwo pa ng’atu m’atira nyayu mutoro i ie.

Lembrieko 21:27

Lam mi judubo en e ginmajudagu; Ma sagu dit, kan ekele ku pidoic mi dubo!

Lembrieko 21:3

Timo bedopwe ku pokolembe Eyire ni Yehova ma sagu lam.

Isaya 58:2

Ento giyenya ku ba rupiny ku ba rupiny, man anyong’a negogi kum ng’eyo yo para: calu thek ma timo bedopwe, man m’uweko lembapoka pa Mungu migi ngo, gipenjo lembapoka ma pwe i bang’a; anyong’a negogi kum eoro ceng’ni Mungu.

Isaya 66:3

Ng’atu m’unego koni dhiang’ en e calu ng’atu m’unego dhanu; ng’atu m’ulamu nyathi rombo, calu ng’atu m’umino ng’ut gwok; ng’atu m’uthiero girathiera, calu ng’atu m’uthiero rimb kul; ng’atu m’uwang’u udok ma ng’wice ng’ar, calu ng’atu m’umio mugisa ni mungu m’araga. Eyo, gifoyo yo migi gigi, man anyong’a nego ng’eyong’ec migi kum ginmajudagu migi:

Yeremia 6:20

Udok ma ng’wice ng’ar ubino i bang’a m’uai i Ceba pirang’o, ku thiang’ kud i ng’om ma bon? Lam m’awang’a mu yire ngo, kadi lam mu de nyayu mutoro i ia ngo.

Yeremia 7:21

Yehova mir udul, Mungu mir Israel, uwacu kumae: Wumed lam m’awang’a mu kum lam mu, man wucam ring’o.

Hoseya 6:6

Kum ayenyo bero, lam ungo; man ng’eyong’ec pa Mungu ma sagu lam m’awang’a.

Hoseya 8:13

Pi girathiera mi lam para, gilamu ring’o man gicame; ento Yehova jologi ngo: kawono ebipoi kum dubo migi, man ebiliewo dubo migi; gibidwogo i Misiri.

Amos 4:5

man wuthier lam mi foc mi gin ma ie ju thobi, man wuyer pi lam mi berocwiny man wurwei pigi: kum maeni nyayu mutoro i iwu, E nyithindho mir Israel, Rwoth Yehova wacu.

Amos 5:21

Adagu, acayu agba mu, man anyong’a binega ki ngo kum cokri mu mi rwo.

Amos 5:22

Eyo, kadok wuthiero ira lam m’awang’a mu ku lam mi mogo mu, abijologi ngo; kadok lam mi kwiocwiny mu mi lim mu m’ucwe de abiparu pire ngo.

Mika 6:7

mutoro binego Yehova kum nyogi rombe rubanga dupa, kadi kum kulo ma dongo mi mo rubanga apari? abimio kayu para pi gondri para, nying’ kuma pi dubo mi ng’eyong’ec para?

Hagai 2:14

Hagai lund uloko lembe man ewacu kumae, Dhanu maeni bedo kumeni, man thek maeni bedo kumeni i wang’a, Yehova wacu; man tic mi cing’gi kubang’e kubang’e bedo kumeni; man gin ma githiero keca ecido.

Zekaria 7:5

Wac ni dhanu ceke m’i ng’om, man ni julam, wac kumae, Ka wuweko cam wuywak de i dwi mir abije man i dwi mir abirone, cil rundi pier abiro maeni, wukwiro cam ira pi gin moko, cil ira?

Malaki 1:10

A tek ng’atu acel ni i kindwu ma biciko dhugola, kara kud wukudh mac mananu wi pemblam para! mutoro nega ngo i kumwu, Yehova mir udul uwacu, kadok lam mi cingwu de abijolo ngo.

Kitabu Mir Ang’wende Pa Musa Wel 7:45

ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a:

Matayo 22:4

Eoro jumiru mange kendo, ewacu kumae, Yer ni ju ma juwakugi kumae, Nen, ayiko cemo para; koni dhiang’ para ku lim para m’ucwe de junego, gin ceke de bedo ayika: wubin bang’ agba mir ambadha.

Matayo 9:13

Ento wucidh wung’ei ka thelembe nini, ayenyo kisa, lam re ngo: kum abino lwong’o weg bedopwe ngo, endre judubo.

1 Samwil 15:22

Man Samwil uwacu kumae, Lam m’awang’a man lam nyayu mutoro ma dit i Yehova, ma calu woro dwand Yehova? Nen, woro e ber ma sagu lam, man winjo e ber ma sagu mio mi nyogi rombe.