Isaya 1:1 - The Holy Bible In Alur (Lur) Revised Orthography

¹ Ginmawokiwang’ pa Isaya ma wod Amoz, m’eneno pi Yuda ku Yerusalem, i nindo pa Uzia, ku Yotham, man Ahaz, ku Hezekia, ma gin ubimo mi Yuda.

Isaya 1:1 ပူးပေါင်းရင်းမြစ်များ

2 Ubimo 15:1

I rundi pier ario wi abirone pa Yeroboam m’ubimo mir Israel, Azaria ma wod Amazia m’ubimo mi Yuda maku camu ker.

2 Ubimo 15:13

Calum ma wod Yabec umaku camu ker i rundi pier adek wi abung’wende pa Uzia m’ubimo mi Yuda; man ecamu ker i kinde mi dwi acel i Samaria.

2 Ubimo 15:32

I rundi mir arionde pa Peka ma wod Remalia m’ubimo mir Israel, Yotham ma wod Uzia m’ubimo mi Yuda maku camu ker.

2 Ubimo 15:7

E Azaria nindo ku kwaru pare; man giyike ku kwaru pare i adhura pa Daudi: e Yotham ma wode ucamu ker kakare.

2 Ubimo 18:1

Nie etimbre i rundi mir adege pa Hoceya ma wod Ela m’ubimo mir Israel, nia Hezekia ma wod Ahaz m’ubimo mi Yuda maku camu ker.

2 Ubimo 19:2

Man eoro Eliakim, ma en e wi juot, man Cebna ma jagorcik, ku judongo mi julam, m’ubedo auma ku gonia, bang’ Isaya ma jabila ma wod Amoz.

2 Lemkei 26:1

E dhanu ceke mi Yuda gigamu Uzia, ma rundi pare apar wi abusiel, man gikethe ni ubimo ka won ma Amazia.

2 Lemkei 26:22

Nie dong’ tic p’Uzia, ma kwong’ane ku ma cenne, Isaya ma jabila, ma wod Amoz, ugoro.

2 Lemkei 27:1

Yotham rundi pare pier ario wi abic kinde m’emaku camu ker; man ecamu ker rundi apar wi abusiel i Yerusalem; man nying’ min mire Yeruca ma nya Zadok.

2 Lemkei 28:1

Ahaz rundi pare pier ario kinde m’emaku camu ker; man ecamu ker rundi apar wi abusiel i Yerusalem: man etimo gin m’atira ngo i wang’ Yehova, calu Daudi ma kwaru mire;

2 Lemkei 29:33

Man gin ma juthiero gi koni dhiang’ dak abusiel ku rombe rubanga adek.

Zaburi 89:19

Ilund iweco i ginmawokiwang’ mi jumaleng’ peri, Man iwacu kumae, Aketho ng’atu ma tek ni jakony; Adodo ng’atu ma jugoyo wie i kind dhanu.

Isaya 13:1

Ewolembe ma pi Babeli, ma Isaya ma wod Amoz uneno.

Isaya 2:1

Lembe ma Isaya ma wod Amoz uneno pi Yuda ku Yerusalem.

Isaya 20:2

i nindo maeca Yehova yero ku dhu Isaya ma wod Amoz, ewacu kumae, Cidhi, man igony gonia kud i pieri, man ikab wara peri kud i tiendi. E etimo kumeca, m’ewotho ko muneru ma tiende nanu.

Isaya 21:2

Juyero ira pi ginmawokiwang’ ma rac; ng’atu ma won abombi timo kud abombi, man janyoth unyotho. Idh malu, E Elam; tiek kud ali, E Media; ajigo gamucwinyne ceke.

Isaya 37:2

Man eoro Eliakim, ma ni wi juudi, man Cebna ma jagorcik, ku judongo mi julam, ma gibedo auma ku gonia, bang’ Isaya ma jabila ma wod Amoz.

Isaya 38:1

I nindo maeca kum Hezekia make mi tho. Man Isaya ma jabila ma wod Amoz ubino i bang’e, man ewacu ire kumae, Yehova wacu kumae, Yik ot peri; kum ibitho, ibibedo kwo ngo.

Isaya 40:9

E in m’iyero rwonglembe ma ber ni Sayuni, idh malu wi got ma wiu; E in m’iyero rwonglembe ma ber ni Yerusalem, ting’ dwendi malu ku tego; ting’e malu, lworo kud unegi; wac ni adhura mi Yuda kumae, Nen, Mungu mu!

Isaya 6:1

I rundi ma Uzia m’ubimo tho, aneno Rwoth m’ujany wi komker, malu malu man m’utingre; e dhu kendi pare pong’o hekalu.

Isaya 7:1

Man etimbre i nindo pa Ahaz ma wod Yotham, ma wod Uzia, m’ubimo mi Yuda, nia Rezin m’ubimo mir Cami, man Peka ma wod Remalia, m’ubimo mir Israel, giidho ba Yerusalem kara gitim ali i kume, ento gicopo make ngo.

Yeremia 23:16

Yehova mir udul uwacu kumae, Kud wuwinj lembe mi jubila m’uewo iwu: giponjowu ku gin ma ie nanu; giyero ginmawokiwang’ mir adundegi gigi, man kud i dhu Yehova ngo.

Ezekiel 1:1

Nie etimbre i rundi pier adege, i dwi mir ang’wende, i ceng’ mir abije mi dwije, kinde m’ani i kind ng’eca dhu kulo Kebar, nia polo yabre, man aneno ginmawokiwang’ pa Mungu.

Hoseya 1:1

Lembe pa Yehova m’ubino bang’ Hoseya ma wod Beri, i nindo pa Uzia, ku Yotham, kud Ahaz, man Hezekia, gi ju m’ubimo mi Yuda, man i nindo pa Yeroboam ma wod Yoac, m’ubimo mir Israel.

Amos 1:1

Lembe pa Amos, ma ni i kind jukwac mi Tekoa, m’eneno pir Israel i nindo pa Uzia m’ubimo mi Yuda, man i nindo pa Yeroboam ma wod Yoac m’ubimo mir Israel, rundi ario ma fodi digidi kuwok ungo.

Amos 4:5

man wuthier lam mi foc mi gin ma ie ju thobi, man wuyer pi lam mi berocwiny man wurwei pigi: kum maeni nyayu mutoro i iwu, E nyithindho mir Israel, Rwoth Yehova wacu.

Mika 1:1

Lembe pa Yehova m’ubino ba Mika ma Jamoracti i nindo pa Yotham, kud Ahaz, man Hezekia, ma gin ubimo mi Yuda, m’eneno pi Samaria ku Yerusalem.

Nahum 1:1

Ewolembe ma pi Nineve. Kitabu mi ginmawokiwang’ pa Nahum ma Jaelkoci.

Habakuk 2:2

E Yehova loko lembe ira, ewacu kumae, Kieu ginmawokiwang’, man keth ebed ngbeng’ wi ban, kara ng’atu m’usome ringi.

Kitabu Mir Ang’wende Pa Musa Wel 12:6

Man ewacu kumae, Dong’ wuwinj lembe para: tek jabila ni i kindwu, an a Yehova abiketho wang’eira kude i ginmawokiwang’, wabiweco wakude de ku wang’ lek.

Kitabu Mir Ang’wende Pa Musa Wel 24:16

Ewacu, ng’atu m’uwinjo lembe pa Mungu, Man m’ung’eyo ng’eyong’ec pa Ng’atu ma Malu Ngbir, M’uneno ginmawokiwang’ pa Jategokpo, M’upodho piny, ma wang’e de bedo ayaba:

Kitabu Mir Ang’wende Pa Musa Wel 24:4

Ewacu, ng’atu m’uwinjo lembe pa Mungu, M’uneno ginm’uwokiwang’ pa Jategokpo, M’upodho piny, ma wang’e de bedo ayaba:

Matayo 17:9

E ka gibeloro piny ku wi got, Yesu ng’olo igi, ewacu kumae, Kud wuyer pi ginmawokiwang’ ni ng’atu moko, ma fodi Wod dhanu kucer ungo ku kind ju m’utho.

Tic Mi Jukwenda 10:17

Nie kinde ma Petro ie pido dit pi ginmawokiwang’ nia nyo thelembene nik ang’o, nen, dhanu ma Kornelio oro, ma gipenjo ka ot pa Simon, gicungo dhugang’,

Tic Mi Jukwenda 26:19

Kum kumeno, E ubimo Agripa, ajai ngo kum ginmawokiwang’ m’uai i polo:

2 Jukorinto 12:1

Abikolula be, kadok e ber ungo; endre abibino ba ginmawokiwang’ ku nyuthonyuth pa Rwoth.

2 Petro 1:21

Kum lembila moko mbe ma fodubino ku yeny ma dhanu yenyo: ento dhanu yero lembe m’uai ba Mungu, ma Tipo Maleng’ ucung’o kogi en.