Hoseya 9:4 - The Holy Bible In Alur (Lur) Revised Orthography

⁴ Gibikonjo lam mi pigulok ungo ni Yehova, kadok mutoro de binyai i ie ngo ni kumgi: lam migi bibedo igi calu kwen mi juywak; dhanu ceke m’ucamu kume gibicido; kum kwen migi bibedo ni kec migi; ebimondo i ot pa Yehova ngo.

Hoseya 9:4 ပူးပေါင်းရင်းမြစ်များ

Ai 29:40

man ithier apaje mi mogo ma yom ma i katoko m’ujebre ku mo m’afoda mir ang’wende ma i amorpi; nian ng’et pigulok mir ang’wende ma i amorpi karacelo ku nyathi rombo acel ni lam m’amadha.

Ai 40:23

Man eketho kwen kakare i wie i wang’ Yehova; calu Yehova ng’olo ni Musa.

Isaya 57:6

Makapiny peri en e kind kidi ma foth mi poga; gin, gi gagi peri; ikonjo lam m’akonja igi, ithiero girathiera. Abijukra kum gin maeni?

Isaya 66:3

Ng’atu m’unego koni dhiang’ en e calu ng’atu m’unego dhanu; ng’atu m’ulamu nyathi rombo, calu ng’atu m’umino ng’ut gwok; ng’atu m’uthiero girathiera, calu ng’atu m’uthiero rimb kul; ng’atu m’uwang’u udok ma ng’wice ng’ar, calu ng’atu m’umio mugisa ni mungu m’araga. Eyo, gifoyo yo migi gigi, man anyong’a nego ng’eyong’ec migi kum ginmajudagu migi:

Yeremia 16:7

kadi dhanu de bing’wenyo i kwen ungo pigi i ywak, kara ujukgi pi ju m’utho; kadi dhanu bimio igi kikombe mi juk de ngo ya gimadh pi weggi kadi pi meggi.

Yeremia 6:20

Udok ma ng’wice ng’ar ubino i bang’a m’uai i Ceba pirang’o, ku thiang’ kud i ng’om ma bon? Lam m’awang’a mu yire ngo, kadi lam mu de nyayu mutoro i ia ngo.

Ezekiel 24:17

Gam cwinyi, ento ling’ ling’, kud itim ywak pi ng’atu m’utho; twi jamtwic peri m’i wie i wii, man iroi wara peri i tiendi man kud ium dendhogi, man kud icam kwen mi dhanu.

Ezekiel 24:22

E wubitimo calu atimo: wubiumo dendhogwu ngo, kadi wubicamu kwen mi dhanu de ngo.

Daniel 1:8

Ento Daniel ukeco i adundene nia ebicidre gire ku cemo p’ubimo ngo, kadok ku pigulok m’emadhu: ka kumeno ekwayu ba jego mi judongo nia kud ecidre gire.

Hoseya 3:4

Kum nyithindho mir Israel gibibedo nindo dupa m’ubimo mbe, man ma jaditmawijo mbe, ma lam de mbe, ma mbegi de mbe, m’ugoke kadi ayi gin m’acwia de bedo mbe:

Hoseya 7:16

Gidwogo, ento ba ng’atu ma ni malu ngo; gi calu atum ma kulokane mbe; judongomawijo migi gipodho ku palamularu kum kwinyo ni i lebgi: maeni bibedo cac migi i ng’om Misiri.

Hoseya 8:13

Pi girathiera mi lam para, gilamu ring’o man gicame; ento Yehova jologi ngo: kawono ebipoi kum dubo migi, man ebiliewo dubo migi; gibidwogo i Misiri.

Yoel 1:13

Wutwi usuba i pierwu, man wuywaki, wu julam; wugoi nduru, wu jutim mi pemblam; wubin, wuvut diewor soro i usuba, wu jutic pa Mungu para: kum girathiera mi mogo ku girathiera m’amadha jucero ni ot pa Mungu mu.

Yoel 1:9

Girathiera mi mogo ku girathiera m’amadha githumbri woko kud i ot pa Yehova; julam, jutic pa Yehova, giywak.

Yoel 2:14

Ng’a m’ung’eyo tek ebidwogo man ebiloko cwinye, man ewek mugisa i ng’eye, cil girathiera mi mogo man girathiera m’amadha ni Yehova Mungu mu?

Lembe Mi Julawi 17:11

Kum kwo mi ring’kum ni i rimo; man amie iwu wi pemblam kara utim adunya pi ng’eyong’ec mu: kum en e rimo e ma timo adunya kum kwo.

Lembe Mi Julawi 21:17

Yer ni Harun, wac kumae, Ng’atu ma tek nuti mi kodhi peri cil kum dhanum’utuk migi m’ubedo ku mulima, kud ecor ceng’ni kara ethier kwen pa Mungu pare.

Lembe Mi Julawi 21:21

ng’atu moko mbe mi kodhi pa Harun ma jalam, m’ubedo ku mulima, ma bibino ceng’ni kara etbier lam pa Yehova ma jutimo ku mac: ebedo ku mulima; kud ecor ceng’ni kara ethier kwen pa Mungu pare.

Lembe Mi Julawi 21:6

Gibed leng’ ni Mungu migi, man ku gicid nying’ Mungu migi; kum lam pa Yehova ma jutimo ku mac, en e kwen mi Mungu migi, githiero: ka kumeno gibed leng’.

Lembe Mi Julawi 21:8

Ka kumeno wudwoke leng’; kum ethiero kwen pa Mungu peri: ebibedo leng’ iri; kum an a Yehova, m’udwoki leng’, an a leng’.

Amos 5:22

Eyo, kadok wuthiero ira lam m’awang’a mu ku lam mi mogo mu, abijologi ngo; kadok lam mi kwiocwiny mu mi lim mu m’ucwe de abiparu pire ngo.

Malaki 2:13

Man wutimo maeni kendo: wuumo pemblam pa Yehova ku piwang’, ku ywak, man ku gamucwiny, ketho nia eneno girathiera kendo ngo, kadok ajola de ejole ku mutoro ngo kud i cingwu.

Kitabu Mir Ang’wende Pa Musa Wel 19:11

Ng’atu m’umulo avu dhanu bibedo m’ecido ceng’ abiro:

Kitabu Mir Ang’wende Pa Musa Wel 28:2

Ng’ol ni nyithindho mir Israel, man iwac igi kumae, Girathiera para, cemo para mi lam para ma jutimo ku mac, mi ng’wic mido ma ng’ar ira, wuketh’ cwinywu ya wuthier ira i nindone ma kakare.

Kitabu Mir Ang’wende Pa Musa Wel 4:7

Man gibipedho bongu m’ulweku wi mesa mi kwen m’anyutha, man gibiketho atangla i wie, kud upal, ku tabu man kikombe ma jukonjo ko; man kwen ma thiri thiri bibedo i wie:

Yohana 6:51

An a kwen mi kwo m’uai i polo loro piny: tek ng’atu moko camu kwen maeni, ebibedo rondo ku rondo: eyo kwen de m’abimio en e ring’ kuma, pi kwo mi ng’om.

Poi Mi Cik 26:14

acamu kume ngo i nindo mi ywak para, kadi akabu kum maeno de ngo, m’abedo m’acido, kadok kume moko de amio ngo pi ju m’utho: awinjo dwand Yehova Mungu para; atimo calku gin ceke m’ing’olo ira.