Hoseya 9:3 - The Holy Bible In Alur (Lur) Revised Orthography

³ Gibibedo i ng’om pa Yehova ngo; ento Efraim bidok i Misiri, man gibicamu cemo m’ucido i Ascur.

Hoseya 9:3 ပူးပေါင်းရင်းမြစ်များ

1 Ubimo 9:7

abilund kabu Israel woko kud i ng’om m’amio igi; man ot maeni, m’adwoko leng’ pi nyinga, abibayu woko kud i wang’a; man Israel bibedo ni lembabola ku koi i kind kodhidhanu ceke.

2 Ubimo 17:6

I rundi mir abung’wende pa Hoceya m’ubimo mir Ascur umaku Samaria, man eyaku Israel etero i Ascur, man ekethogi i Hala, man wi Habor, ma kulo mi Gozan, man i adhura mi Jumedi.

Yeremia 16:18

Man abilar culo kier migi ku dubo migi wang’ ario, kum gicido ng’om para kud avu mi ginmajudagu migi, man gipong’o aba para ku ginmajudagu migi.

Yeremia 2:7

Man akelowu i ng’om ma cam ciit i ie, kara wucam nyinge ku gin ma berne; ento kinde ma wumondo, wucido ng’om para, man wudwoko aba para ni ginmajudagu.

Ywak 5:6

Wamio cing’ ni Jumisiri, Man ni Juascuri, kara wayeng’ ku kwen.

Ezekiel 4:13

Man Yehova wacu kumae, Nyithindho mir Israel bicamu kwen migi m’ecido kumeni, i kind thek m’abiriemogi i ie.

Daniel 1:8

Ento Daniel ukeco i adundene nia ebicidre gire ku cemo p’ubimo ngo, kadok ku pigulok m’emadhu: ka kumeno ekwayu ba jego mi judongo nia kud ecidre gire.

Hoseya 11:11

Gibibino ma kumgi miel calu winyo ku i Misiri, man calu akuru kud i ng’om Ascur; man abiketho gibedo i udi migi, Yehova wacu.

Hoseya 11:5

Gibidwogo ngo i ng’om Misiri; ento Jaascuri bibedo ubimo migi, kum gikwero dwogo i bang’a.

Hoseya 7:11

Man Efraim calu akuru ma kite mbe, ma ng’eyothelembe mbe kude: gilwong’o Misiri, gicidho bang’ Ascur.

Hoseya 7:16

Gidwogo, ento ba ng’atu ma ni malu ngo; gi calu atum ma kulokane mbe; judongomawijo migi gipodho ku palamularu kum kwinyo ni i lebgi: maeni bibedo cac migi i ng’om Misiri.

Hoseya 8:13

Pi girathiera mi lam para, gilamu ring’o man gicame; ento Yehova jologi ngo: kawono ebipoi kum dubo migi, man ebiliewo dubo migi; gibidwogo i Misiri.

Hoseya 9:6

Kum, nen, giai woko ku ba nyoth; ento Misiri bicokogi, Memfis biyikogi; piny migi ma ber mi mola ma tar, ayilayila bimwonyogi; ukudho bibedo i hema migi.

Lembe Mi Julawi 18:28

kara ng’om kud ung’-ogwu bende woko, kinde ma wucide, calu eng’ogo thek m’ular ubedo nuti iwu.

Lembe Mi Julawi 20:22

Ka kumeno wugwok cik para ceke, ku lembapoka para ceke, man wutimgi; kara ng’om, m’akelowu kara wubed i ie, kud ung’ogwu woko.

Lembe Mi Julawi 25:23

Man jubing’iewo ng’om ma gwei ungo; kum ng’om en e para: kum wun wu jubedo man umondo i bang’a.

Amos 7:17

ka kumeno Yehova wacu kumae: Cegi bibedo won asara i adhura, man woti ku nyigi bipodho ku palamularu, man jubipoko ng’om peri ku wang’piny; man in giri ibitho i ng’om m’ucido, e jubiyaku Israel kud i ng’om pare andha.

Mika 2:10

Wuai, man wucidhi; kum maeni kayom mu ngo; kum cilo m’unyotho, en e kum nyoth ma rac.

Tic Mi Jukwenda 10:14

Ento Petro wacu kumae, Kumeno ngo, Rwoth; kum gin ma swa ku m’ucido de fokacamu ki ngo.

Poi Mi Cik 28:63

Man ebitimbre, nia, calu anyong’a nego Yehova i kumwu kara etimwu ber, man emedwu, e anyong’a binego Yehova i kumwu kumeca m’erwiny kowu, man m’enyoth kowu de; e jubiyakuwu kud i ng’om m’imondo i ie nimwonye.

Poi Mi Cik 28:68

E Yehova bidwoki i Misiri kendo ku combo, i yo m’awacu iri pire kumae, Ibinene kendo ngo: e wubing’ieuru giwu ni judegiwu kuca ni ng’eca man ni bong’, e ng’atu moko mbe ma bing’iewowu.

Poi Mi Cik 4:26

alwong’o polo ku ng’om ubed jumulembe i kumwu tin, nia wubinyothru kawono ma gwei kud i ng’om ka ma wukadhu i ie loka Yordan kara wumwonye; wubidaru nindo dupa’ngo i wie, ento wubinyothru ma gwei.

Yocuwa 23:15

Man ebitimbre, nia calu gin ma ber ceke ma Yehova Mungu mu yero iwu pire uwok i kumwu, e kumeno Yehova bikelo i wiwu gin ma rac ceke, maram enyoth kowu kud i ng’om maeni ma ber ma Yehova Mungu mu mio iwu.