Hoseya 9:1 - The Holy Bible In Alur (Lur) Revised Orthography

¹ Anyong’a kud unegi, E Israel, ni mutoro, calu kodhidhanu; kum itimo tarwang’, m’iweko ko Mungu peri; imaru sukulia wi lelacam kubang’e kubang’e.

Hoseya 9:1 ပူးပေါင်းရင်းမြစ်များ

Zaburi 73:27

Kum, nen, ju ma gini bor kudi gibinyothri: Inyotho dhanu ceke m’utimo tarwang’, ma giweki.

Isaya 17:11

I ceng’ m’ipidhe i ie itwode, man kugweno iketho kodhi peri thiwo; ento mwoka rwinyo woko i ceng’ mi can ku ruvwa m’apila.

Yeremia 2:19

Dubo peri giri biponji, man corocen peri bijuki: ka kumeno ing’ei man inen nia en e gin ma rac man ma kec, nia iweko Yehova Mungu peri, man nia lworo para mbe i ii, Rwoth, Yehova mir udul, uwacu.

Yeremia 2:20

Kum ugambre con aturo mberembere peri, man acodo twic peri; e iwacu kumae, Abitimo ngo; kum igung’ giri wi ungulu gudi ma wiu kubang’e kubang’e man the yen m’udinyo kubang’e kubang’e, m’ibetimo ko asara.

Yeremia 44:17

Ento wabitimo lembe ceke kubang’e kubang’e andha m’uai woko kud i dhogwa, mi wang’u udok ma ng’wice ng’ar ni dhaku m’ubimo m’i polo, man mi konjo lam m’amadha ire calu watimo, wan ku kwaruwa, ju m’ubimo mwa ku judongomawijo mwa, i adhura mi Yuda, man i gengi mi Yerusalem; kum i nindo maeca wabedo ku cemo m’uromo, man kumwa leng’, man waneno lem ma rac ungo.

Ywak 4:21

Anyong’a negi man ibed ku mutoro, E nyar Edom, m’ubedo i ng’om Uz: Kopo bikadhu i beng’i bende; ibimer amera, man ibidwokri muneru.

Ezekiel 16:15

Ento igeno leng’kumi, man itimo tarwang’ kum pak peri, man ikonjo asara peri wi dhanu ceke kubang’gi kubang’gi m’ukadhu akadha; en e pare.

Ezekiel 16:30

Adundeni ng’ic mire, Rwoth Yehova wacu, kum itimo gin maeni ceke, en e tic pa won asara ma rieko mbe kude;

Ezekiel 20:32

man gin m’ubino i pidoiwu bitimbre ki ngo, ma nia wuwacu kumae, Wabibedo calu thek calu wat m’i ng’om, kara watim ni yen man kidi.

Ezekiel 21:10

jupaku lake kara eneg nek; jurude kara ebed va lukoth: ka kumeno wabitimo anyong’a? uhlth pa woda, ecayu yen ceke.

Hoseya 10:5

Ju m’ubedo Samaria ndiri binegogi pi nyithi dhiang’ mi Beth-aven; kum dhanune biywage, man julamne ma anyong’a negogi pire, kum dwong’ne, kum eweke.

Hoseya 2:12

Man abinyotho ulok pare ku yendubolo pare, m’ewacu pire kumae, Maeni sukulia para ma jumer para gimio ira; man abidwokogi ni luli, e yedi m’i thim bicamugi.

Hoseya 4:12

Dhanu para gipenjo lembapora ba dundyen migi, man uluth migi yero igi; kum tipo mir asara ketho gikier, e gitimo tarwang’, ma giai ko ku the cing’ Mungu migi.

Hoseya 5:4

Giratima migi yio igi ngo nia gilokri ba Mungu migi; kum tipo mir asara ni yor i igi, man ging’eyo Yehova ngo.

Hoseya 5:7

Gitimo kud awondi kum Yehova; kum ginyolo nyithindho ma juwirok: kumeno dwi m’upor bicamugi ku pothi migi.

Amos 3:2

Ang’eyowu wu kendwu i kind juudi ceke m’i ng’om: ka kumeno abiliewo kier mu ceke i kumwu.

Amos 4:5

man wuthier lam mi foc mi gin ma ie ju thobi, man wuyer pi lam mi berocwiny man wurwei pigi: kum maeni nyayu mutoro i iwu, E nyithindho mir Israel, Rwoth Yehova wacu.

Amos 6:13

wun ma anyong’a negowu kum gin mananu, ma wuwacu kumae, Wagamu tung iwa ku tego mwa ma dhe ngo?

Amos 8:10

E abiloko agba mu ni ywak, man wer mu ceke ni goyonduru; man abikelo gonia wi pier ceke, man lunywic i wie kubang’e kubang’e; man abikethe calu ywak mi wodo ma kulong’, man kajikne calu ceng’ ma kec.

Yakobo 4:16

Ento kawono wuheru i alule mu: ahaye ma kumeno ceke e rac.

Yakobo 5:1

Aeno dong’ kawono, wu julonyo, wuywaki wugoi nduru de kum masendi mu ma biwok i kumwu.