Hoseya 8:8 - The Holy Bible In Alur (Lur) Revised Orthography

⁸ Jumwonyo Israel: kawono gini i kind thek calu combo ma nyayu mutoro i ng’atu moko ngo,

Hoseya 8:8 ပူးပေါင်းရင်းမြစ်များ

2 Ubimo 18:11

Man ubimo mir Ascur uyaku Israel uterogi i Ascur, man ekethogi i Hala, man wi Habor, ma kulo mi Gozan, man i adhura mi Jumedi,

Isaya 30:14

Man ebing’enye calu agulu pa jacwiagulu ng’eny, m’eng’enye nziki nziki m’eweko ngo; ketho nia ebinwang’u dekle ngo i kind kodine m’ecopo gamu ko mac i kendo, kadi m’etwom ko pi kud i kulo m’atong’a.

Yeremia 22:28

Ng’atu maeni ma Konia en e agulu m’ung’eny ma jucayu? en e agulu ma ng’atu moko mbe ma anyong’a nege i kume? pirang’o jubayugi woko, en ku kodhine, man jubayugi i ng’om ma ging’eyo ngo?

Yeremia 25:34

Wugoi nduru, wu jukwac, man wuywaki; wuvukru de ku vuru, wu jutego mir udul rombe; kum nindo mi nek mu man lal mu tundo, man wubipodho calu combo ma ber.

Yeremia 48:38

Wi udi ceke mi Moab man i gengine ywak nuti i kaka ceke; kum aturo Moab calu agulu ma anyong’a nego ng’atu moko ngo i kume, Yehova wacu.

Yeremia 50:17

Israel en e rombo ma julalu; umvor urieme cen: ma kwong’ane, ubimo mir Ascur ucame; man kawono ma cen Nebukadrezar m’ubimo mi Babeli turo cogone.

Yeremia 51:34

Nebukadrezar m’ubimo mi Babeli cama, man enyona, edwoka ni agulu ma ie nanu, emwonya calu nyang’, epong’o ie ku gin ma mit para; ebaya woko.

Ywak 2:16

Judegi peri ceke ging’amu dhoggi i kumi; Gicwic ther man ging’enjo lakgi; giwacu kumae, Wamwonye; Maeni ceng’ ma wakio andha; wanwang’e, wanene.

Ywak 2:2

Rwoth umwonyo kabedo ceke pa Yakobo, man ngisi nege ngo: Eredho ka ma tek pa nya Yuda piny ku kwinyo pare; Eredhogi piny i ng’om; ecido ker ku judongomawijone.

Ywak 2:5

Rwoth udoko calu jadegi, emwonyo Israel; Emwonyo udi mi ker pare ceke, enyotho ka ma tek pare; Man emedo ywak ku goyonduru i nya Yuda.

Ywak 4:2

Wot Sayuni ma pire tek, ma juporo ku mola ma kwar ma leng’, Jukwanugi calu cupa mir ulobo, tic m’i cing’ jacwiagulu mire!

Ywak 5:2

Aba mwa juloko ni juwirok, Udi mwa ni juwirok.

Ezekiel 36:3

ka kumeno cu lembe, man iwac kumae, Rwoth Yehova wacu kumae: Kum, en e kum gidwokowu ni uvuru, man gimwonyowu kun ku kun, kara wubed ni piny m’amwonya ni dong’ thek m’udong’, man juting’owu malu i dendhu juwec, man rwonglembe ma rac mi dhanu;

Lembe Mi Julawi 26:33

E abikethowu i kind thek, man abirieyo palamularu i tokwu: man ng’om mu bibedo ni nyoth, adhura mu de bibedo ni uvuru.

Jurumi 9:22

Ang’o tek Mungu, m’eyenyo enyuth kwinyo pare, man eketh tego pare ng eire, eciro ku mwonyolembe hai agulu mi kwinyo ma juyiko ni nyoth ma junyothri ko:

Poi Mi Cik 28:25

Yehova biketho jugoi i wang’ judegi peri; ibiwok i yo acel i wigi, man ibiringo i yo abiro i wang’gi: man jubikethi kun ku kun i kind thek ceke mi ng’om.

Poi Mi Cik 28:64

E Yehova bikethi i kind kodhidhanu ceke, ugambre i kajik mi ng’om acel cil kum kajik mi ng’om mucelo; e ibitimo ni mungu mange kuca, ma fodi k’ing’eyo ngo, in kadi kwaru, en e mi yen man kidi.