Hoseya 7:8 - The Holy Bible In Alur (Lur) Revised Orthography

⁸ Efraim, ejebre i kind kodhidhanu; Efraim en e mugati ma rebere ma juloko ngo.

Hoseya 7:8 ပူးပေါင်းရင်းမြစ်များ

1 Ubimo 18:21

Man Elia bino ceng’ni ba dhanu ceke, e ewacu kumae, Wubikomo akoma i kind yic ario rokani? tek Yehova en e Mungu, wulube; ento tek Bal, e wulube. Man dhanu giloko ire lembe acel de ngo.

Ezra 9:1

Nie ka maeni timbre, judongomawijo eoro ceng’ni an, giwacu kumae, Dhanu mir Israel, ku julam man Julawi, gikoiri gigi ni kodhidhanu m’i ng’om ungo, ma gitimo ko calku ginmajudagu migi, cil mi Jukanani, ku Juhiti, ku Juperizi, ku Juyebusi, ku Juamoni, ku Jumoabi, ku Jumisiri, man Juamori.

Ezra 9:12

nie ka kumeno kud wumi nyigwu ni wotgi, kadok nyiggi de kud wugam ni wotwu, kadi kud wuyeny kwiocwiny migi kadi mierolembe migi mi nja; kara wubed tek, man wucam gin ma ber m’i ng’ombe, wuweke de ni nyithindhwu ni aba mi nja.

Zaburi 106:35

Ento giribri gigi ku thek, Man giponjo ng’eyo tic migi,

Hoseya 5:13

Kinde ma Efraim uneno tho pare, man Yuda neno lero pare, Efraim ulund ucidho i Ascur, man eoro kwenda bang’ ubimo Yareb: ento ecopo keyo kumwu ngo, kadok lero mu de ebicangu ngo.

Hoseya 5:7

Gitimo kud awondi kum Yehova; kum ginyolo nyithindho ma juwirok: kumeno dwi m’upor bicamugi ku pothi migi.

Hoseya 7:9

Juwirok gicamu tego pare, man eng’eye ngo; eyo, lwar unen i kume kun ku kun, e eng’eye ngo.

Hoseya 9:3

Gibibedo i ng’om pa Yehova ngo; ento Efraim bidok i Misiri, man gibicamu cemo m’ucido i Ascur.

Zefania 1:5

ku ju ma rwo ni udul mi polo wi usimbru udi; man ju ma rwo, ma kwong’o kwong’ ni Yehova man ma kwong’o kwong’ ku Malkam;

Malaki 2:11

Yuda timo kud awondi, man ginmajudagu utimbre i Israel man i Yerusalem: kum Yuda cido leng’ pa Yehova m’emaru, man egamu nya mungu ma wi rok.

Matayo 6:24

Ng’atu moko mbe ma copo timo ni judongo ario: kum ebidagu acel, ebidong’ maru mucelo; kadi ebimoko bang’ acel, man ebicayu mucelo. Wucopo timo ni Mungu ku ni lonyo de ngo.